¹ Lambwa, mfuri ya Yahwe inacha andu mateka vanu vape vaghwa makidi yanu. ² Amu ngape vasang'iria masanga vose kibali kya Yerusalemu koshida mri na muri upeiriwa. numbasipeiriwa na vaka vapediwa oru. Makidi ya ipeiriwa, kye kumbura vandu kipefunua mrinyipo. ³ Kake Yahwe apekure naiutashida ya masanga cha apekavashida mfuri yashida. ⁴ Mfuricho madende vake vapeimuka uye ya kifumbu kya mzeituni, ukeri kufui na Yerusalemu ngaliko ya mashariki. Kifumbu kya mzeituni kipeghauka makidi kya mashariki na magharibi ko irundu jidue loi na kumu ko kifumbu kipeuya numa kisumane na kaskazini na kungi kusumane na kusini. ⁵ Nyiho mpindicha ipo irungunyi kifumbunyi kya Yahwe, kimekoja irungujo ja ifumbu jipe shika naipo Azali. Mpedicha chakundu mledicha idedema ja orika mfuri uja O uzia, mfalme o Yuda. Nyihu Yahwe makilunga okwa andu apecha vaele vake vose. ⁶ Kupearia mfurisopo, kake kuode mbeho nama kubariepo. ⁷ Mfuricho, mfuriaiichi Yahwe amonyi, kupevase msanyenyipo nama kapo, amu kiu kwanyi kupearia. ⁸ Mfuricho mringa urukie uperoro ka ifuma Yerusalemu. mata uperoroka ienda mringa okusalalaya mashariki na mata mringenyi okusalala o magharibi, kieri kya kisie kieri kya kirangasi. ⁹ Yahwe apeva mfalme p orika lose, ko mfuriso kupe va na Yahwe, makilunga umu, na rinajake amonyi. ¹⁰ Orika lose nyupeva cha Araba, ivookya Geba paka Rimoni kusini Yerusalemu. Na Yerusalemu ipekaa kya uye. apedua andu ake amonyi, ifuma mongonyi o Benjameni paka andu jikeri imongo ja kuvoka na jija ja mbarinyi; na ifuma manjeke ko Hana neli na shinikizo ja mfalme. ¹¹ Vandu va pedamia Yerusalemu kupevase naighwa sepo ifuma ko makilunga wovopo. Yerusalemu ipekia. ¹² Ii ipeva tauni Yahwe ape vakava nayo vandu vavandu vake va shida Yerusalemu: nyosese yavo ipebuha vaimukye ko madende vavo. Meso vavo vapebuha shirungu shake olumi ndimi savo sipebuha dumbunyi javo. ¹³ Mfuricho mkumango uja mdue ifuma ko Yahwe upeva andu amu navo. Kila umu apeada koko koongi, na kokokungi kupeteshwa kibalia kya koko koongi. ¹⁴ Yuda nacho apekavana na Yerusalemu. vapesang'iria ushuma o masanga vose vatengetie sahabu, hela na ifoja ja nguvo siilie. ¹⁵ Tauni nyipeva ko matiko na myumbu, ngamia naitiko, na nyamandu sose vapesighaka ko masanga vakeri kibalia na Yerusalemu vapeenda mwaka ko mwaka ide mwabudu mfalme, Yahwe omajeshi, naitebira ndima sa shitala. ¹⁶ Vose vape sighaka masangenyi vakeri kibalia na Yerusalemu vapeenda mwaka ko mwaka inde mwabudu Yahwe omajeshi naitobira ndima ya shitala. ¹⁷ Nakipeva kee koje mundu wowose ifuma masanga vose orikenyi alapenda Yerusalemu inde mwabudu mfalme, Yahwe omajeshi, nyiho Yahwe apeende mbua uye yavo. ¹⁸ Kokoje orikamlo Misri lula peenda, vapeona mbuapo. ¹⁹ Iki kipeva nyibulwa ko Misri na ibulwa ko kila isanga jila pendoja itobira ndima yashitala. ²⁰ Kake ko mfuriso, mmanga sa matiko sipededa," damienyi mbarinyi kitevi kya Yahwe," na makarai nyumbenyi ya Yahwe vapeva cha mibongo madhabahunyi. ²¹ Kimekkoja kila nungu Yerusalema na Yuda kipederwa marinyi kokitevi kya Yahwe omajeshi na kila umu apeende sadaka apeja poshi na ivaterekia. Kupaanda vapekumbasepo numbenyi ya Yahwe omajeshi mfurichopo.