¹ Mndumi nyapinikya mpu o sayuni wanda ya irindi ja nyashi yake. Nyakumba ucha o Israeli wanda ifuma ruveu mpaka uri kenyi. hajakumba kitiri kyake kya kudende furi ya nyashi sake. ² Mndumi nyamera nama ameva angioniya hurumapo ko miri yos ya Yakobo. Kieri kya nyashi yake nyaleduja miri micha ya mupu o Yuda; ko sonu nyasosa wanda uduwe na vaduwe vake. ³ Ko nyasi karije nyatema kila mbembe ya Israel. nyauringha koko kwake ifuma ko vavichwa. Nyakora Yakobo cha modo ukarije usa una sanja kila kido kufui kwake. ⁴ Chakundu mbichwa alema uda wake kalonja kodu, navaja va kulia vakeri kokitevi kyekaa. Nyavashinja vose vaja vakeri vana mworokya katika mupu sayuni: nya pulwa nyasi sake cha modo ⁵ Mndumi nyava cha mndu mbichwa. nyame ra Israeli.nyamera numba sake sose. nyanyamara andu koovia kwake. nyaongerija ifugha naukiva kati ya mupu o Yuda. ⁶ Nyakava itema jike jekojana cha kanumba ja busitani nyanyamara andu kokojana. Yahweh nyauta vandu vakusangirie na sabato ighadimwa sayuni kokitevi nyamumena vaitori na modumwa kokitevi kya ikanja kya nyashi yake. ⁷ Mndumi nyalegha masabahu vake nailegha andu ake njicha. nyafuna kibamba sa kya manumba mokonyi movandu vavichwa. vale kava iru numbanyi ko Yahwe, chakundu furi ya ndima. ⁸ Yahweh nyaleamua inyamara kibambasa kya mupi o sayuni. nya vorosana oru su lo kipimo na ameuruvija koko kwake idanyamara kibambara. nyauta shinara na shibambasa itereva; anduamu shiledeka. ⁹ Mongo yake nyilegwa wanda, nyanya mara ne dosa shilinga kibambasa. Mwitori wake na vana va mwitoro vakeri anduamu na vaja valaichi, sheria ikevi sepo na vedumwa vake vepate sheonapo ifuma ko Yahweh. ¹⁰ Vasuri va binti o sayuni vadamije wanda na sau. vakumba urikongo uye ya mdonyi mwavo neivava mifuko. Shichingobo sha Yerusalemu vaning'ina mido yavo gwanda. ¹¹ Meso vakwa vaomya msoru wake,; ndeu yakwa nyike runduma; anduakwa ko numbenyi sapuluka wanda kokitevi kya unyamari o shichingobo sha vandu va makilunga, vana vauina vaona mtaenyi mo muri. ¹² Vaneamba ko jejo vavo, "mbeu sikeri anga na wari? "Cakundu vakereoma chskundu mundu aumiswa mitaenyi mo muri, lishi javo japu Iwa kipuvenyi ko mkeku wavo. ¹³ Ngikyo ngapendima deda kwapo, mpu o Yerusalemu? ngapedima ifananisha naki, ilingikuteterye, mpu kichingobo o sayuni? kidonda kya po kiduwa cha mringa ukusalalye. nyunga apedima ikuchira? ¹⁴ Vedumwa vapo vaona batili kitevi kyapo. vamedera wazi sambi sapo iurigha mbora sapo, kwapo vafuna kidedo kya vongo na shelemba. ¹⁵ Vose vaja vanaida mbarinyi mo mrorombho vavekava makofi kwapo. vane guna na isinja mudo wavo dhidi ya mupu o Yerusalemu naideda, "uwi nyicho mri ulelahwa 'uushikya ucha; 'Iorokya ja urika wose?" ¹⁶ Vavichwa vapo vose valerugwa mido yavo na ikumena. valesomea na isuwa maigho naiamba, "jimemmera icho! iinyifuri jileedeja! jidamije kokitevi kye iambwa!" ¹⁷ Yahweh nyauta chakundu obeuri uta. nya sisa kidedo kyake. nyakughalusa bila huruma, kokitevi nyamlekeja mvichwa iku orokya; nyateshwa mbembe sa vavichwa vapo. ¹⁸ Ngoo savo sikamfughya mndumi, shibambasa sha mpu o sayuni! uta musoru wapo usoke gwanda cha dahu kio na msanyenyi. ulapate kuokuose, meso vapo bila kyokyose. ¹⁹ Teshuka, fugha kio, kuvoka kiokya manane! pulwa ngoo yapo cha mringa ko songora ushangunyi mo mndumi. teshwa uye moko vapo kokitevi kya ucha vana vapo vaja va neoma kokitevi kya ko mrorovo o mtaenyi. ²⁰ Iambwa, Yahweh, naukumbuke vaja ulevautya. vaka vaje itunda ja ufe wavo, vana vasamle vakimbwa? vaduwe na vedumwa vashinjwe andu kucha ko mndumi? ²¹ Vose vanina ko vaduwe vanadamya ko maifunyi mitaenyi. Vakavakwa vanina na ghomi vakwa vamina vamegwa kokilevi tya ipanga; vavashinja bila ivaurumia. ²² Nyodikira, chambele ovadikira vandu ko furi yeja, iogwa jakwa kikiandu, ko furi ya nyashi ya yahweli kodeusa aledichapo; ivo vasa ngale vatunza, mbichwa okwa nyalevanya mara.