¹ Luvaha furicho wakati idadi ya valoshwa ikeri ikanaongerika, vwayahudi vya Kiyunani velelelamika njileanja kitevi kya Vwaebrania, kitevi kya vandu va piwa vani vekeri vwamevadimwa ivavywa kondo ka siku. ² Vadumwa kumi na vavi veledikira kusanyiko ja valoshwa na odeda, kucha kodi, ''Itia kidedo kya Makilunga na irunda mesenyi. ³ Koikywo vandu odu samburenyi, vwomi, saba ifuma kwanu, vandu vecha, vaichurije Ngoo na hekima, jipedima vakabisi hudumai. ⁴ Na ise, jipendelea fri sose heleva na katika huduma ya kidedo.'' ⁵ Hotuba yavo ikavaningiya kanga jose lorokujwa, ko ikywo vakamsambura Stephano, mndu aichuriye imani na mmuyo Mwele, na Filipo, Prokoro, Nikanori, Timoni, Parmena, na Nikolao, mworigof ifuma Antiokia. ⁶ Vaumini valevaende vandu va mbele ya mitume, valetereva na vakavwikwa mooko vavo. ⁷ Koikyo, kidedo kya Makilunga kikaongerijika na idadi ya valoshwa ikaongerejika ipo Yerusalem; na idadi ndue a makuhani vakaivadya imani. ⁸ Na Stefano, eichurye neema na oru, nyekenauta maajabu na ishara ndue mbele ya vandu. ⁹ Kake vakakure baadhi ya vandu valoshwa va Sinagogi jedikirywa Sinagogi ja Mahuru, na ja Wakirene na ja Waeskanderi, na baadhi vafuma Kilikia na Asia. Vandu vakanadediana na Stefano. ¹⁰ Kake valedima ilelana na hekima na Ngoo ahgode Stefano akenaifunua ideda navyo. ¹¹ Kisha valeshawishi baadhi ya vandu ko siri vadada, ''Jimeichwa Stefano ededa shidedo sha kujuro dhidi ya Musa na dhidi ya Makilunga.'' ¹² Valevashurutisha vandu, vasuri, na vareghi na imvadija Stefano, vakamada na imwende barasenyi. ¹³ vakaende baadhi ya mashahidi va vwongo vakaamba, ''Mnduchu akanatia ideda shivichwa dhidi ya eneo ji takatifu na sheria. ¹⁴ Koikyo jaichwa kee ichu Yesu o Nazareti apenyamara andu ha na ighalsa desituri jilenigwa na Musa.'' ¹⁵ Kila umu ekeri barasanyi kaghalsia kiamo kyake imlambwa Stefano, navo vakaona kiamu kijwake kiyekeri cha kiyamo kya malaika.