¹ Marende ghapfho yakahavonikana mcha hena fyaru, mbora wa mfumwa! finama fyapfho ni tha mikufu tha ndima ya gheagha. ² Kitumbi kyapfho ni tha mfiringo wa bakuli nanga kinachuvura mthanganyiko wa mfinyo. Ndenyi yapfho ni tha ngano iumukie na ithungushirwa nyinyoro. ³ Mavele ghapfho ni tha vana vavi va mbala, mapacha gha mbala. ⁴ Nzingo yapfho ni tha mnara wa mbembe mithop ghapfho ni tha maeve gha Heshiboni hena ilango ya Bathi Rabimu. mbua yapfho ni thamnara wa lebanoni ulolerie Dameski. ⁵ Mrwe wapfho ni tha karmeli, Njwii tapfho mrwe ni ta thanbarau ya njiu mangi andeshathwa ni mapfhwundo yakwe gha njwii. ⁶ Kuhamcha na kuhanulirie mkunde na mcha ghapfho. ⁷ Vwacha vwapfho ni thamri wa mtende, na mavele ghapfho tha fifungu vya ndunda. ⁸ Nileririkene "Niashigha iukwea mriu wa mtende; navwara fraya fyakwe." Mavele ghapfho naghave tha fifungu fya mithabibu, na mbuko ya mbua ive tha mabera. ⁹ Mumu wapfho na uve tha mfinyo mcha ukiwaghara mboa kwa mkunde wakwa, ukiwashereta hena yeru na mghegho. Mpfhu akyagaya. ¹⁰ Inyi ni wamkunde wakwa na akyanjitamani. ¹¹ Nnjo mkunde wakwa fughende bwang'a ya mri ; fwalaa kio hena fijji. ¹² Fuvukukie kakero churu fughende hena mighunda ya mithabibu fuvone kole mithabibu indevuka, kole isharutire na kole makomamamnga ghaalurie maova. Iho nakunika lukundwa lwakwa. ¹³ Mitunguja iyafunya mbungo yakwe. Hena kyoti kya handu furue haghire ndunda ta kila mbare, masha na gha kala nikuvikirie, mkunde wakwa.