¹ Kio hena kiraro kyakwa nilechue macha na uya nimfurie, nemkasha mira thiramvone. ² Nekuvia njeka, "Navukia niire mrinyi, iiria mitaa ya ufuva nimkashe" Nemkasha mira thiramvone. ³ Varinji valekyaria venjivona hena mri nevavetha, "Mumvoire mkunde wakwa? ⁴ Kanatungo nikinavaire nemvona uya nimfurie. N|emvwara na thiramleke mpaka ni kinamuende kenyi kwa mao wakwa, hena chumba kya uya alenjivonikie hena ndenyi yakwe. Mpfhu akyagaya na vepfu vengi. ⁵ Niashigha murave vepfhu va Yerusalemu kwa mbala na kwa mori uya thaka ku mukakonde ifurana Yerumwe mpaka likamchethia yoka. Mpfhu mdu akyagaya weka. ⁶ Ni iki ikyo kiafumwa nyika tha ngutho ya ya mti, ufukijirwe manemane na ubani, hamwi na mchu thoshe wa marashi luakumbwa ni vachuluthi? ⁷ Lolea, ni kirarokya Sulemani, Mashujaa mtandatu vakijungulukie, vanajeshi fiku makumi mtandatu va Israeli. ⁸ Vo ni vathoefu va upanga na vaiichi fira. Kila mndu wa kyumi aure upanga mbarinyi. Yakwe akyakuvika tayari kwa mfiri wa maathi. ⁹ Mangi Selemani akakuaghia kiphumbi kya kimangi kyevavwa na mbao ta Lebanoni ¹⁰ Ngutho takwe tiaghiwe kwa fedha, nyuma havikiriwe thahabu na kiphumbi kitambaa kya Zambarau. voshi yakwe hapambiwe kwa Lukundo lwa vepfwu va Yerusalemu. Mpfhu mndu akyagaya na vepfhu va Yerusalemu. ¹¹ Fumenyi bwang'a vephu va vomi va Sayuni, na mumlolie mangi Sulemani akyarana ngoki mae alemree mfiri wa arusi yakwe, hena mfiri wa iziihirwa hena maisha ghakwe.