¹ Wimba mcha, lwa Sulemani. mndu mpfho akyagaya na mkunde wakwe ² wo, na kole kuvenjibuthie kwa mumu wapho, kwaku lukunda lwapfwo ni mcha ikela mfinyo. ³ Mafupa kukufirie ghaghire mbungo njicha. rina yapho ni tha marashi ghakyanyukia, hena ikyo vepfwa vakufurie. ⁴ Njitika kwapfho, na furiche, mangi, na anjitike kenyi kwakwe nikufurie na ikuilihirwa, leka mizihirwe ni lukundo lwapfho, mcha ikela mfinyo. Vepfhwu vakufurie. ⁵ Inyi ni wa njiu, mira ni mcha imwe vephu va Yerusalemu- Wanjiu tha mahema gha Kedari, mcha tha mapathia gha Sulemani. ⁶ Kunandenjimaka kwaku ni wa njiu mmbari unjikere. Varana va mao wakwa valeniichurie iding'a valenjighoshere mgherema mighunda ya mithabibu, mira mghunda wakwa wa mithabibu thinatunzani. ⁷ Njivia iwe nikufurie, ku ni kwi kuagherishia mifungo yapfho? Ni kwi Kughehemesha mifugo yapfho mathangari Haniiki nive tha mndu akya vathi hena mafio gha vambie vapfho? ⁸ Kole kuraichi iwe kughe mcha hena vandu va kika, ivaria mavato gha ifio yakwa na mahema gha vagheembea. ⁹ Niakuananitha mkunde wakwa na farathi mcha wa kika hena farathi ta magare gha farao. ¹⁰ Ndumbu tapfho ni njicha na mapambo, nzingo yapfho na uvitha lwa madini. ¹¹ Nakuchembea mapambo gha dhahabu ithanganyirwe na fedha. mpfwo akyagaya. ¹² Igheri mangi alee kiraronyi kwakwe marashi ghakwa ghethaja mbungo. ¹³ Mkunde wakwa ni tha mkebe wa marashi uchilaa kio hena mavele ghakwe. ¹⁴ Mkunde wakwa kwakwa ni tha kifurushi kya maova gha hena mashamba gha mithabibu gha Eni Gedi. mkunde wakwe akyagaya nawe. ¹⁵ Lolea iwe kumcha, mkunde wakwa Lolea uwe ku mcha, mitho ghapfho ni tha gha hua. Mpfhu akagaya na mkunde wakwe. ¹⁶ Lolea iwe kuke nicha, lolea kuchangamkie. ¹⁷ Ngutho ta nyumba yeru ni ta mierenzi na kali yeru ni fya miberoshi.