¹ Magheri thabato ikinafike ,Mariamu Magdalena na Mariamu mae wako Yakobo, na Salome , Valeghurie marashi mecha, metha vairime icha igheufia mafura mwiriwa Yesu kwa mburi yerikwa. ² Kakero churu mfiri weka voka wa juma, vakaghenda kaburinyi maghemmbari ukinafunyanye ³ Vakarerena voka, mitho abingitire ighwe vundu vweru netha fuingie kaburinyi? ⁴ Magheri vakyalolea vakammba na mndu andemibiringita ighwe liya irwe mnu. ⁵ Vakaingia kaburinyi vakamvona mthoro umwi aree kanzu ya njewa aike kuvoko kwa kumundumi, akatekewa. ⁶ Akaghaluta, munaovoha mwamshigha Yesu, akahawe, lolea handu haya vaghammbikie. ⁷ Ghandenyi mughevavia vaghefundishwa vakwe hamwi na Petro kuandevathongongolea ighenda Galilaya. Ipho mwaghemmbona vundu alemuvirie. ⁸ Vakavuka vakariche ifuma mbirenyi, vakadedema kangi vakatekewa, vararere kyokyoshe kwa mndu wowoshe kwaliya valeovohie mnu. ⁹ (Vwara mnu ,firerofya kela fighirefyo Marko 16:9-20) kakeru churu mfiri wevoke wa juma, ekinafume kaburinyi, alemfumiriewevoka Mariamu Magdalena, ifuma wakwe kwake akamfunya membepo mfungate. ¹⁰ Alevukie akavavilia vaya alekehamwi nawo, magheri ghaya vakyathikitika na ifugha mithori. ¹¹ Valechue kuakenamo kangi avonikeme akenavo mira varaamini. ¹² (Vwara mnu, firerofya kala fileghirefyo marko 16:9-20) hena ikyo akavafumia kwa njia tefauti vandu vengi vavi, magherivakyaghende ifuma hena ithanga. ¹³ Vakaghenda vakavidiavaghefundishwa vengi vaghereghiwe, miravaraitikije. ¹⁴ (Vwara mnu ,firerofyakala fighirefyo marko 16:9-20) Yesu akakufunyanya kwa vaya ikumwi na umwi valeaghamivie methenyi ,akavatonghotea kwa iraitikija yavo na ugumu wa ngoo thava , kwa lija varaitikijire kwa ngoma. ¹⁵ Akavavia ghendenyi ithangenyi yoshe ,mughebirikira kirero kwa firumbe fyoshe. ¹⁶ Wowoshe aitikijire na ipatithwa akirwa, na uya araitikijire anyamarishwa. ¹⁷ (Vwara mnu , firerofyakala fighire fyo Marko 16:9-20) fitendefi fyavwarana na voshe vaitikijire. Kwa iri yakwa vafanya mambepo, valera kwa lughashaa. ¹⁸ Vavwara njoka kwa mavokoghavo, hata vakanywa kindo kyokyoshe kyevathuru kikaivimekyo. vavavikia vawaji mavoko, navo vanua. ¹⁹ Henaikyo Madumu ekinarere navo akaondolewa ipho kaghu akaikaa kuvoko kwa kiumi kwa Ruva. ²⁰ Vaghefundishwa vakavuka ighebirikira kila handu, mndumi akihira ndima navo akithibitisha kirero kwa miujitha na fitende fikighendeane navo.