¹ Yesu ekivove akyaghenda ifumi hekalunyi, umwi wa vanghefundishwa vakwe akamuulitha, mloshi loleaghe mawe gha ghekushangatha na mjengo. ² Akammbia kuvoni majengo gha marwe? Haghiho iwe hata limwi yareghwa kaghu ya urwe liraghuthwa mbai: ³ Nawe kigheri aikee kaghu Mlimenyi wa mizeituni nyuma hekalunyi, Petro yakobo na Yohane na Andrea vanamuulitha kwa mbitho. ⁴ Fuvie findo fi fyafumia inchi? Ni dalili njiki ta findo fi ifumia? ⁵ Yesu akadunga ivavia, ikaenyi nicha mndu wowoshe anmuveta. ⁶ Vengi vacha kwa irina yakwa vakyaghamba,inyi niwe ,kangi vareta vengi. ⁷ Mukava mwaichwa vita na tetethi ta vita, muovoha, findo fi ni lathima fyafumia, mira mwisho ni bado. ⁸ Taifa limwi yavukia kibanga ya lingi , na vumangi kuinyume cha vumagi ,ghacheghira fidididmo kila handu na njaa iu ni ivoka ya utungu. ⁹ Ikaeni nicha ,vamutika mpaka ktala,kangi mwakavwa ipho hena masinagogi, mwamtwa mothia ya vaghetawala na vamangi kwa ni mburi yakwa, tha vaonwa vakwa. ¹⁰ Mira injili lathima kuvoka ibirikirwe kwa vaithanga voshe . ¹¹ Vakamvwara na imukabidhi, munaovoha mburi ya kiya mwagherera ,magheri igho igho mwanikwa kyerera , kangi mukavemwe vagherera,mira mbeho mcha. ¹² Mndu amshutaki wavo iwaghwa papa na mwana wakwe ,vana vavo vaivasabebishira ivwaghwa. ¹³ Vandu vamuchukiwa kwa mburi ya ivina yakwa, mira uya arimilia mpaka mwisho,mndutho aokoka. ¹⁴ Mukachavona ichukitho yekonda lindemka haya liraghekyashigwa imka (mghesoma na amanye) niho vake voshi ya Yuda varichilie milimenyi. ¹⁵ Na uya ake kaghu ya nyumba araghara thinyi ya nyumba ya nyumba, kana iondoa kindokyokyoshe kike bwang'a ya nyumba. ¹⁶ Na uya ake shambenyi anavwia igheondoa thori yakwe. ¹⁷ Mira ole wavo vandu vakavaghire mda na vaya vaghengetha mifiri yo. ¹⁸ Lombenyi ku kinafumia igheri ya mbeho. ¹⁹ Ang'u haghira matetho marwe,gharanawahi ifumia toa Ruva arumbembe ithanga mpaka luvaha haghireho, kangi kikafumiekyo kangi; ²⁰ Mpaka Ruva achepungutha mifiri haghire ho mwivi wachekia, mira kwa mburi ya vateule, aghevasaghua apungutha matero gha mifiri. ²¹ Magherigho hakighira mnduamvia lolea Kristo akeha kana ake kuya munaitikija. ²² Ang'u vakristo va mongo vafumia kangi vafunya fitende na fitende na firumo, kimacha vamulembe, mathani hata vaya vasaghuriwe. ²³ Ikeni nicha ! nindemimuvia fyoshe kabla magheri. ²⁴ Mira baada ya mitetho gha mifiri yo,mmbari wavikiwa mma, mwiri ukafunyetho kilanga kyakwe. ²⁵ Ndondo taghwa ifuma kaghu kwa Ruva na nguju tike kaghu kwa Ruva tatengishika. ²⁶ Niho vaghemvona mwana Adumu akicha mailwinyi kwa nguju ndue na utukufu. ²⁷ Niho uruma malaika vakwe na avathanganya na wathaghuriwe vakwe ifuma pande inya ta ithanga , mpaka mwisho wa kaghu kwa Ruva. ²⁸ Hena mri wa mtini, jifunzeneji vundu kyara kyairima ifunya na ivanika maringo ghayo, niho mwamanya kufuli ike awihi. ²⁹ Ni kuyo vundu kikei, mukivona findo fyo fyaya fumia, manyenyi kwake awihi, malangonyi. ³⁰ Keni, namuvia, irika ili likaire kuwa fundofi fivanafumia fyo. ³¹ Kaghu kwa Ruva na mathanga fyaira, mira firero fyakwa vikairefyo telele. ³² Mira ihuthu mfiri tho na thaa yo, haghire ho aichi hata malaika va kaghu kwa Ruva, kava mwana mira papa. ³³ Ikaenyi nicha, lolea kwaluja murauchi ni magheri makifya fumia (zingatia: mstariu, muve vaangalifu, lolienyi kangi terevenyi ang'u ukehotho hena maandiko gha kala). ³⁴ Ni thamndu akendembo,akara nyumba yakwe,akamvika mghelolea wakwe ave mtawala wa nyumba kila umwi na ndima yakwe .Na imuamora mrinji ilaa kiavi. ³⁵ Henwikyo ikaenyi nicha, ang'u muichimwe ni indii mweni wa wa nyumba avwia kenyi kwake, kyairimika ni kyavukwau, kio maghari ,igheri nguruvi tauruka, kana ikero. ³⁶ Kole akacha fia anakukolea kulee. ³⁷ Kya nakirera kwapho, nakirera kwa kila mudu, laenyi kiavi.