¹ Yesu akavuka handuho, akaghenda hena mkoa wa Uyahidi, handu mothia ya mfo wa Yordani,kangi umati ukamwivaria he, akavaloshe, vundunile mathoea ghakwe ihira. ² Na Mafarisayo vakacha ighemghera kangi vakamvetha, ni halali kwa mndu wa kiumi imleka mka wakwe ? ³ Yesu akavaghaluta, Mose alemuamorie kwiya? ⁴ Vakamvia Mose aleirikilie iandika cheti kyelekana, kangi imritisha mka. ⁵ Ni luja ngoo tenyu ni ngumu nikyo alemuandikirie sheri ii, Yesu alevavirie. ⁶ Mira ifumia kuvoka hena irambwa,Ruva alevavumbie mndu wakiumi na wakika. ⁷ Hena ikyo mndu wa kiume amleka ndie na mae wakwe ,avwarana na mka wakwe. ⁸ Kangi iva vavi vava mwiri umwi,angu si vavi hevo , mira ni mwiri umwi. ⁹ Hena ikyo kuinganishirwe ni Ruva mwanadamu arakitenganishe. ¹⁰ Wakati vakwe voshi nyumbenyi, vaghefundishwa vakwe vakamvethe kangi ihusu iki. ¹¹ Akevavia, "wowoshe amleka mka wakwe, akaondoa mka ungi, akyahira uzinzi hena we. ¹² Mndu hakika nawe akamleka mmi hakwe akaondowa ni mdu wa kiumi ungi, akyahira uzinzi". ¹³ Navo vakamwendie vana vavo vadu kimecha avabalie, mira vaghafundishwa vakavatoghotea. ¹⁴ Mira Yesu ekina manye kuyo,aranuliwe akavavia, vairikienyi vana vadu vache kwakwa kangi muunavaleghea, angu vaketha iva vamangi vwa Ruva ni vwavo. ¹⁵ Ukeni namuvia, wowoshe uya arakapoku vumangi vwa Ruva tha mwana mdu kididi airimawe iingia hena vumangi vwa Ruva . ¹⁶ Kangi akavaondoa vana vadu mavokonyi, akavia mavoko yakwe kaghu yavo. ¹⁷ Kangi akinadunge ndembo yakwe mndu umwi akamrililia akakava amagoti mothia yakwe akamvetha, mloshi mcha nivike kwiya niivie irithi ikia ya telele? ¹⁸ Yesu akaghemba, hamki kwanjiilagha mcha? haghire gho mcha, ni Ruva weka du. ¹⁹ Kuichi maamoro, Kunavagha, kunalaana, Kunaiva, Kunarerea vuonwa vwa mongo, umweshimu ndio na mao wapho. ²⁰ Mndu uya akaghamba, mloshi findo fyoshe mfivwere idungia ujana wakwa. ²¹ Yesu akamlolea akamfura.Akamvia,kupungukiriwe ni kindo kimwi, kwashighwa ukumbe findo fyoshe kughire uvanike vakiva kangi kwaghira kibubu ipho kaghu kwa Ruva, niho uche unjiivarie. ²² Mira akaphwiwa ni ngoo kwa mburi ya firero fi, akavuka arachangamkie ang`u aleghire mari nyingi. ²³ Yethu akalolea pande toshe akavavia waghefundishwa vakwe, ni kwiti vundu kike kwa mthuri iingia hena vumangivwa Ruva. ²⁴ Vaghefundishwa vakatetamishwa kwa firorofi .Mira Yesu akavaviahe, vana, ni vundu ni kikuji iingia hana vumangi vwa Ruva. ²⁵ Ni rahisi kw ngamia iingia hena ishimo ya sindano ,ikola mndu mthuri iingia hena vumangi vwa Ruva. ²⁶ Vakashangazwa mnu kakarereana kuyo nitho akia. ²⁷ Yesu akavalolea akaghamba ,kwa mwanadamu kikevekyo mira kwa Ruva ang'u hena fyoshe fyivimika. ²⁸ Petro akadunga igaya nawe ,loleya lulekiye fyoshe fukakuivaria ²⁹ Yesu akaghamba , ukeni namuvia imwe ,haghire ho alekie nyumba kana wavo ,kana lumbie kana maae ndie kana vana kana mbai vundu vakwe, kangi kwa mburi ya Injili, ³⁰ araghuhia kando ighana ikela fya luvaha iha ithangenyi, nyumba wenyu,lumbwia, mao ,vana na mbaia, kwa itetheka ,na ithanga lichie, ikia ya telele. ³¹ Mira vengi evo vevoka va vavmwisho vana vevoka. ³² Wakati vakenjia ighenda Yerusalemu, Yesu alevathongorie mothia yavo, vaghefundishwa vakashangaa, na vaya vaghekyamwivaria vakaovoha.Niho Yesu akavafanya mmbai vaya ikumi ni vavi akadunga ivavia kyakya ghemfumia mifiri ya awihi: ³³ Lolea fwaghende mpaka Yerusalemu kangi mwana wa Adamu afitwa kwa vaghetatha varwe na vagheandika vamlaha aphwe kangi vamfunya kwa vandu vakiithanga (vangoma ). ³⁴ Vamleletha , vamuchia mara, vamkava nzeta kangi vamvwagha.mira baada ya mifiri iraru afufuka. ³⁵ Yakobo na Yohana vana va Zebedayo vakacha kwakwe vakaghamba,mloshi, fwakushigha ufuhirire kyokyoshe fwkulomba. ³⁶ Akavavia mwashigha mmuhirire iki?. ³⁷ Vakaghamba ,Ufurikie fuikae naiwe hena utukufu wapho, umwi kuvoko kwapho kwa kumtho. ³⁸ Mira Yesu akaghaluta,mwichimwe kyo mwalomba. Mwairima inyughia kikombe kiya nakinyughia kana ubatitho uya nabatithwa?. ³⁹ Vakamvia ,fwairinma Yesu akavia, kikombe naghekinyughia uya naghebatithwa mwaubatithwa.? ⁴⁰ Mira agheikaa kuvoka kwakwa kwa kimi kana kuvoko kwakwa kwa kumtho thiinyiyi nafunya mira ni kwa vaya kwavo kidemiandeliwa. ⁴¹ Vaya vaghefundishwa vengi ikumi vekinaichwe kuyo,vakadunga ivaichua iding'a Yakobo na Yohane. ⁴² Yesu akavailagha kwakwe akaghamba, ku vaya vakya fikiriwaa ni valtewala va vandu va kiisanga vachiwale , na vandu vavo finguri vachivarora mamleka kaghu yavo. ⁴³ Mira kwenyu kiviekyo iva kuyo, wowoshe akyashigha iva mrwe weenyu kyashingha amuhirire, ⁴⁴ Na wowoshe akyashigha iva wevoka wenyu kyashigha ave mtumwa wa voshe. ⁴⁵ Kwa liya mwana wa Adamu achie we ituminukiwa, mira itumika, naifunya maisha ghakwe ghavefidia kwa vengi. ⁴⁶ Vakacha Yeriko wakati akyavuka Yeriko na vaghefundishwa vakwe na ibumba irwe, mwana wa Timayo, Btimayo, kipofu mghelomba,aleikae mbaimbai ya barabara. ⁴⁷ Akinaichwe ku ni Yesu Mnazreti akdunga ikava kilonzo akirera Yesu mwana wa David unjihurumie . ⁴⁸ Vengi vakambohea kipofu uya , akammbia atie, mira akafugha kwa sauti ndue , mwana wa Davidi njihurumia . ⁴⁹ Yesu akamka ,akaruma alilaghwe, vakamwilagha kipofu uya vakaghemba , ughire nzinya mka Yesu akyailagha. ⁵⁰ Akumba mbarinyi ikoti yakwe ,akrichafia kwa Yesu. ⁵¹ Yesu akamghaluta akamvia kwashigha nikuhirire iki? kipofu uya mndu wa kiumi akammbia, mloshi, nashigha ivona . ⁵² Yesu akamvia ghenda mwitikiji wapho undekukira , iho iho mitho ghakwe ghakavona , akamwivaria Yesu barebarenyi.