Sura ya 14

1 Hena igheri iyo, Herode akaichwa mburi ta Yesu. 2 Akivavia vahiri ndima vakwe "Iu ni Yohana mghebatitha andevuka ifuma hena vapfwie. Hena ikyo nguju li tike kaghuyakwe." 3 Kwaku Herode alemvwere Yohana akamfunga na imkumbila korokoronyi fundu fwa Herodia, mka wa Pilipo mamae. 4 Ni lia Yohana alemvia, si kicha kyo imuondoa we ave mka wakwe." 5 Herode ave mvwagha, mira aleovohie vandu kwaku valemvonire Yohana ku ni mroti. 6 Mira mfiri we kumbuka ighirwa ya Herode ukinafike, mpfu wa Herodia akafina maghari ya vandu na Herode akanuliwa. 7 Hena inuliwa yo akarava kwa ighamba ku amnika kyokyoshe amlomba . 8 Vakinavikiane mrwe na mae, akaghamba, "Njinika inyi iha hena kitangu kirongo kya Yohana mghebatitha." 9 Mangi Herode akava andefura we kyo andelombwa ni mpfu, mira kwaku averavie , na hena fundu fwa vandu vaveke kijonyi hamwi nawe akaagiza ku kivaie kihirike. 10 Akaruma Yohana aendwe ifuma korokoroni 11 kimacha aveghwe mrwe wakwe na kirongo kyakwe na kikaendwe hena ithinia na akanikwa mpfu akakitika kwa mae wakwe. 12 Halafu valoshwa vakwe vakacha igheuondoa mwiri uya iurika, na Baada ya iho vakaghenda imvia Yesu . 13 Na we Yesu akinaichwekwio, akatethia ifuma haya akakwea voshi ya mashua akaghenda handu hatetyheriwe. Igheri Luvungano lukinamanye handu akei, kwa marende ifuma mrinyi. 14 Niho Yesu akacha, mothya yavo akaluvona luvungano hirwe lwa vandu. Akavavonira mbonea na inura mavuji ghavo. 15 Kyavukwau ikinafike vagheloshwa vakacha kwakwe na ighamba, Ii ni kibare kya jagwa na mthaghari undemiira. Valekele luvungano vaghende fijijinyi vagheghua kijo kyavo." 16 Mira Yesu akavavia, "Vaghire vo sababu Yeghenda vamikenyi imwe kijo" 17 Vakambia, "Iha fure mikate itanu na mikunga ivi du." 18 Yesu akaghamba, Iendenyi kwakwa." 19 Niho Yesu akaagiza luvungano luikae mbai hena mara.Akaondoa mikate iya itanu na mikunga ivi. Akalambua kaghu kwa ruva akavikia vuvoko na ibendua mikate na ivanika vagheloshwa. Vagheloshwa vakavanika vanduva luvungano. 20 Vakaya voshe na iighuta. Niho vakavunganya firumbue rumbue fya kijo fireghiwe mbai na fikaichura fi kapu ikumi na fivi. 21 Vaya valighie valetairwe iva vandu va kyumi fiku fitanu na bila itara vandu va kika na vana. 22 Fia tia akaagitha valoishwi vaingie voshi ya mashua, igheniyo voshi akavalaghanya vandu va luvungano ku vaghende kwavo. 23 Ekinalaghanye luvungano vaghende kwavo, akakwea kaghu Fumbuny ighelomba we weka. Akava ku ake pfo weka igheri ya kyavukwau. 24 Mira luvaha mashua iveke maghari ya bahari ikyayungayunga vundu vwa mawimbi, kwaku mkuta ni le wa mbisho. 25 Hena kio ya ikamba ya kana, Yesu akavachia akyaivara kaghu ya mringa. 26 Igheri vagheloshwa vakwe vakimvona akiivara kaghu ya bahari, vakaovoha na ighamba, Ni mthuka." na ikava kelele vweovoha. 27 Yesu akavavia kanda kamwi, akighamba" Kundindishenyi ngoo! ni inyi munavoha." 28 Petro akamghalua kwa ighamba, Mndumi, kole niwe, njivia niche kwapfo nikyavara kaghu ya mringa." 29 Yesu akaghamba, "Njoo" Henaikyo Petro akafuma voshi ya mashua akaghenda kaghu ya mringa imwiria Yesu. 30 Mira Petro akinavone mawimbi akaovoha na akadunga ikindia, thinyi, akailagha kwa irwi ya kaghu akaghamba, "Mndumi njikira!" 31 Fia Yesu akaghola kuvoko kwakwe na imvutira Petro na imvia, "Iwe kughire mwiirikirie mndu haniiki kuveghire mwiitikijo mndu? 32 Niho Yesu na Petro vekinaingie hena mashua, mkuta ukatia. 33 Vakaloshwa vaveke mashuenyi vakamwiirikia Yesu na ighamba "Kweri iwe ku Mwana wa Ruva." 34 Na vakinaambuke, vafikie ithanga ya Genesareti. 35 Na vandu hena handu vakinamanye Yesu, vakaruma mmondo kila handu ha batenyi, na iende kila mndu nge muwaji. 36 Vakamlomba nanga vaveirima ibalia ipindo ya thori yakwe, na vengi va balirie vanurie.