¹ Kumbuka, Rubha, Ghafufunirie na ubhone iraghwa yeru. ² Urithi weru undeghatirwa kwa bhaghenyi, nyumba teru kwa bhaghenyi. ³ Fundebha yatima bila papa, na mama bheru nitha bhajane. ⁴ Mfwa shighwa fulihe hela kwa mringa weru mfwanywa kangi fulihe hela ipata mbao teru. ⁵ Fukunyire kwa mithari na Assiria fupale kijo cheighuta. ⁶ Papa bheru bharire nzune na bhakehobho na ifwe fundeondoa nzune tabho. ⁷ Bhandima bhafuikalilie na haghireho wefufunya hena mabhoko ghabho. ⁸ Ibho mbhacha kweru bhake habhwihi nyuma yeru fuchokie na haghire ipaho ihema. ⁹ Mfwapata mkate weru kwaihatarisha maisha gheru kwathababu. ya ipua nyika. ¹⁰ Njoni tindebha ta moro tha riko kwathababu ya moro wa nja. ¹¹ Bhaka mbhabhwarwa nguju Sayuni, na mabikira hena mri wa Yuda. ¹² Bhana bha mangi bhande nyongwa kwa mabhoko ghabho na haghire heshima irorererwe kwa bhaghothi ¹³ Bhandu bhakiumi bhandu mbhalathi mishwa ishagha mbeu kwa ighwe ye shaghia na lohathoro mbhakuna mbai ya mashiki. ¹⁴ Bhaghothi bhandeleka mlango wa mri nabhathoro bhandeleka denthi. ¹⁵ Ficha fya ngoo finde koma naichetha yeru linde ghaluka ibha ifugha. ¹⁶ Ngara indeghwa mrwenyi kweru ikyo ni kyeru ang'u fundeghwa nzunenyi. ¹⁷ Kwalia ngoo teru tindebha ntsbhabha na mithori yeru iyathia kwafindo fi mithori yeru iyathia. ¹⁸ An'gu mlima Sayuni undelea vukiva kile cha mtaani kikya chetha kaghu yakwe. ¹⁹ Mira Rubha, nkwa tawala telele,na kwaikaa hena kiphumbi chapho cha kaghu telele na telele. haniiki nkwafuibhaa telele. ²⁰ Haniiki nkwafuleka kwa mifirimingi. ²¹ Fubhwighire kwapho, Rubha, na ifwee fwabhwia bhika bhusha mifiri yeru fundu tighekepho kala. ²² There kwio ufuleghe na idinga kweru liire kiasi.