¹ Inyi wachumi ibhonire mhinjiko mbai ya ngongo ye idin'ga ya Mangi. ² Bhandenjiritisha na injithababisha ighenda hena mma kuliko hena kilanga. ³ Keni andejighalutira kubhoko kwakwe mara kwa mara mdhaghari woshe. ⁴ Andelalidha nyama takwa na njoni yakwa ifia fia andetenya maghua ghakwa. ⁵ Andegha iboma kaghu yakwa na injithusha ibhabhiwa na ilethea. ⁶ Andenjiikalitha hena kio dhahabu bhaphie kala. ⁷ Anjithungukie kila handu hata ifuma dhairimanyi ande dhababisha nyororo wakwa ilemea. ⁸ Nikifugha na ilomba ighenjwa achilegha ilomba yakwa. ⁹ Adhuirie irira yakwa kwa maghwe ghadho ujiwe akondie iira yakwa. ¹⁰ Fundu ake kwakwa nidha dubu aadeghea (ooanyatia)Nitha ndimba ake hena iku fughana. ¹¹ Aghalutire iirira yakwa na inji barabara andenjibhika mkibha. ¹² Ande konda bhura bhwakwe Nainjibhika nibhe shabaha hena mpyi. ¹³ Andenjiokea kiti kwa mpyi wa ishika yakwa ¹⁴ Nndebha menaingia kwa bhandu bhakwa shoshe; Wimbo wabho madhaghari di. ¹⁵ Andenjiichwa idin'ga akunjichokesha kwa pakanga. ¹⁶ Andenji tenya maghegho kwa thangathanga andenji phinika maifu. ¹⁷ Kundenji bhika ngo yakwa hacha na amani Nikibhaa ifanikiwa. ¹⁸ Nikaghamba nguju takwa tindereka na mmaini yakwa kwa mangi. ¹⁹ Kumbuka mrabhadhi ghakwa na iphiwa yakwa ibhabha na nyoko. ²⁰ Ngoo yakwa ichiekumbuka gho Nayo iinemebhoshi yakwa. ²¹ Nakukumbuta kirero ki heicho nina matumaini. ²² Ningoo njicha ya Mangi irathia na huruma takwe ta mifiri mingi. ²³ Ninjisha kila ikero ukeni wapho ni mrwe Mangi ni urithi wakwa, Nirerie heicho namwi rahia. ²⁴ Mangi ni urithi wakina," Nirerie kwio namghwia. ²⁵ Mangi ni mcha kwabhaya bhamshigha. ²⁶ Nikicha ibhera mboa wokovu wa Mangi. ²⁷ Nikicha mndu itika ngoi yaghe ghabhujana. ²⁸ Leka aikae weka hena bhumboa ikambha ike kaghu yakwe. ²⁹ Leka abhike mumuwake hena teri-kwai rima haghire matumaini. ³⁰ Leka afunye ndumbu kwa amkabha, aichure mpaka kaghu kwa iraghwa. ³¹ Kwa lia Rubha arakulegha telele. ³² Mira hatakole aabhikia iraghwa, aghira huruma kwalia aghire ifura yakeno. ³³ Kwalia mabhichira ifuma ngoonyi kwekwe au ilidha bhana bhabhandu. ³⁴ Ibhra mbai ya marende bhafungwa bhoshe bhai thanga. ³⁵ Immima keno mndu modhia ya mndu wa kaghu. ³⁶ Imuima mndu keni Mangi airikime findo dhaisho. ³⁷ Niiarerie na ikabha kolethira mangi irera? ³⁸ Thiifuma mumu wa ake kaghu mabhichwa na umecha ghacha? ³⁹ Mndu ake namo airima iran'gara? Mndu airima kwia iran'ga kwa inyinyiriwa ya bhunzo bhwakwe? ⁴⁰ Nafulolie njia teru na ilighera, nafu mbhilie Mangi. ⁴¹ Na fubhutire ngoo teru na mabhoko ghaeru kwa Mangi Kaghu. ⁴² Fukokotherie na ilegha na kunaregheapho. ⁴³ Kukuphinikie na idin'ga naifuritisha, kubhwa ghie na kunaregheghewapho. ⁴⁴ Kuku phinikie na ilwi ili hana ghira ilombwa lijaira. ⁴⁵ Kundefuhira tha Mabore na taka maghari ya madhanga. ⁴⁶ Bhabhichwa bheru bhoshe mbhafulaani. ⁴⁷ Mhayohayo na iregho findefuibharia ubhichwa na konda. ⁴⁸ Midho ghaka ngha miminika na mifongo ya ni thori kwathababu ya bandu bhakwa. ⁴⁹ Midho ghakwa ghafunya mithori bila mwisho; bila ahueni. ⁵⁰ Mpaka aghelolea mbai ya mangi alolea ifuma kaghu. ^{51 53} Midho ghakwa ngha thababi ighariane (huzuni) kwa thababu ya mri wakwa. ⁵² Nndedhakwa tha ndeghe ighebhoe adui bhakwa bhandenji winda bila thababu. ⁵⁴ Namringa ukakutika kaghu ya mrwe wakwa nighererie nndetemewa hacha. ⁵⁵ Nikailagha rina yapho, mangi, ifuma ipho mbai ya ishimo. ⁵⁶ Ukaichwa irwi yakwa. Ukaichwa irwi ya kwa nikina rere, "Kuna thiba ku rwi kwapho kwa ifugha yakwa yelomba unjighenje. ⁵⁷ Kuchie haghihi mfiri nikuileghe, ukarera, kunaobhoha." ⁵⁸ Rubha kughenjere kethi yakwa, kughenjere maisha ghakwa. ⁵⁹ Mangi, kubhonire mabhichwa bhanjihirire nyi nyiria kethi yakwa. ⁶⁰ Kubhonire ikonda yabho. Mipango yabho yoshe ihusu inyi. ⁶¹ Kuchue inangia yabho, Mangi na mipango yabho injihusu. ⁶² Mumu yaibho mbhabhukia kinyume chakwa. mathitaka ghabho nghacha ihuthuinyi mfiri mthima. ⁶³ Lolea handu mbhaika na ibhukia. mbhanjinangia na inji ibha kwa nyimbo tabho. ⁶⁴ Bhabhighirie, Mangi, fundu bhahirere. ⁶⁵ Kwa leka ngoo tabho bile iroghotika! inyinyiria libhe kaghu yabho. ⁶⁶ Ubharitishe kwa idinga na ibhakonda ithanga ye kaghu kwa Mangi.