¹ Iho kuvoko haleghire kirero , na kirero aleke na Ruva , na kirero nile Ruva. ² Kirero u iho Kuvoko aleke handu hamwi na Ruva. ³ Findo fyoshe file chembiwe iiria kwakwe , na there we nanga kindo kimwi kilechembiwe kyo. ⁴ Voshi yakwe haleghire moo,na moo tho niletho kilanga kya vandu voshe . ⁵ Kilanga kilekyaangaja ruminyi , nanga rumi ileirimie ikikelayo. ⁶ Haleghire mndu alerumiwe ifuma kwa Ruva , rina yakwe alechilaghw Yohana. ⁷ Alechie du tha shaidi irera vuonwa vwa kilanga kyo , kimetha vandu voshevairime iitikija iiria kwakwe. ⁸ Yohana thilewe kilangakyowe ,mira alechie kimetha akishuhudie kilanga kyo . ⁹ Ikyo nile kilanga kya keni kilekya cha ithangenyi , nakyo kichimvikia kilanga kila umwi. ¹⁰ Aleke ithangenyi na ithanga lilevumbiwe iiria we na ithanga lilemuichiyo. ¹¹ Alechie kwa vandu vakwe , na vandu vakwe varamghuhie. ¹² Mira voshe valemghuhirie mbavo valeliatikijire irina yakwe alevanikie haki yeva vana va Ruva. ¹³ Ambavo valeghiriwe ,thi kwa nzakame wala kwa kikundire kya mwiri wala kwa kikundire kya mndukyo, mira kwa kikundire kya Ruva weka. ¹⁴ Kirero nawe aleghalukie mwiri na eishi kighari kyeru , nafwe fuvonire utukufu tha lwa mndu wa kipekee alechie ifuma kwa Papa, aichue neema na keni. ¹⁵ Yohana aleshuhudirie ihuthuwe na alekavie kilotho akyaghamba ku "iu niwe nilemvirie mburi takwe ku itho akyacha nyuma yakwa ni mrwe injikela kwaku alekeho kabla yakwa. " ¹⁶ Kwaku ifuma na utimilifu lwakwe ifwe voshe fundeghuhia bure kiingwa baada ya kiingwa. ¹⁷ Kwaku sheria alechia iiria Musa Neema na keni filechie iiria Yesu Kristo . ¹⁸ Haghire mwanadamu emimvona Ruvaho wakati loloshe. Mndu weka du ambaye ni Ruva ake hena mbafu ya papa andemfunya we amanyike. ¹⁹ Na ulu nileho ushuhudu lwa yohana vakuhani na valawi valerumiwe kwakwe ni Vahudi imvetha ku iwe kuii? ²⁰ Araghalukegaluke evavia ku inyi thi Kristo nyi. ²¹ Hena ikyo vemvetha ku iwe ku luvaha? ku Eliya? eghamba hai vemvetha ku iwe ku mroti? evaghaluta , "Hai" ²² Vemvia ku fuvie kui kimetha fuvanike ijubu vaya vafurumie, Kuaghifuma kuaghamba iki ihuthu iwe kweka? ²³ Eghamba ku" Inyi ni irwi lialonza ifuma nyika "gholenyi njia ya mfumwa,thafundu mroti Isaya alererie". ²⁴ Bathi , haleghire vandu haya valerumiwe ifuma kwa vafarithayo vemvetha vakyaghamba, ²⁵ Haniking'u kuabatitha kole iwe kura Kristo hang'u Eliya, hang'u mroti? ²⁶ Yohana evaghaluta inyi niabatitha kwa mringa , mira hata kwio kighari kyenyu haniki mndu muramuichi . ²⁷ Itho niwe akyacha baada yakwa itho thafikia hata irughua fyaru fyakwenyi." ²⁸ findo fyo filefumirie ipfho Bethania, kimunu kya Yordani handu Yohana alekyabatithira. ²⁹ Mfiri waivaria Yohana emvona Yesu akyacha kwakwe, eghamba "Lolea kangonji ka Ruva kakyaondoa nzune ya ithanga . ³⁰ Itho niwe nirerie mburi yakwe ku, itho avhie nyuma yakwa ni mrwe njikela , kwaku alenjithongolerie. ³¹ Thilemmanyirenyi, mira kilevie kwio kimetha apfhunuliwe hena Israeli, ku nilechie niabatitha kwa mringa. ³² Yohana aleshuhudirie ku" Nilemvonire mbeho akyaghara ijuma pfho kaghu tha ibeta na ireghwa kaghu yakwe ³³ .Inyi thilemuichinyi mira itho alenjirumie ni bhatithe na mringa alenjiverie ku uya kwamvona mbeho akyaghara na iikaa kaghu yakwe , ithon niwe achibatitha kwa mbeho mcha. ³⁴ Ndevona ndeshuhudia ku iu ni mrana wa Ruva. ³⁵ Kangi mfiri waivaria Yohana alemki handu hamwi na Vanafumthi vakwe vavi. ³⁶ Vemvona Yesu akyaghenda , na Yohana eghambva , Lolea kagonji ka Ruva . ³⁷ Vanafunthi vavi vemuichwa Yohana , vemuivaria Yesu. ³⁸ Yesu eghaluka evavona vanafunthi vaya vakyamuivaria evavia, "muashigha iki? veghaluta , "Rabbi, "(mana yakwe , "mwalimu"), kurue kwi? ³⁹ evavia "nnjonyi muvone" Luvaha vaghenda na vevona handu alerue, veikaa nawe mfiritho mna nile handu ha thakumi. ⁴⁰ Umwi wa vaya vavi valemchue Yohana akyarera , akamuivaria Yesu nile Andrea,wavo Siimoni ⁴¹ Petro.Emvona wavo we Simoni emvia "fundemvona masihi (mana yakwe ni Kristo). ⁴² Emuende kwa Yesu. Yesu elelolea eghamba ku" "Iwe ku Simoni mrana wa Yohana mira "kwailaghwa kefa,"(mana yakwe ni Petro). ⁴³ Ngama yakwe Yesu akyashigha ivuka ighenda Galilaya emvona Filipo emvia "njiivaria " ⁴⁴ Filipo nile mndu wa Bethsaida, miri wa Andrea na Petro. ⁴⁵ Filipo emvona Natanaeli emvia ku fundemvona uya ewe Musa eandikiwe mburi yakwe hena sheria na varoti .Yesu , mrana wa Yusufu ifuma Nazareti. ⁴⁶ Natanaeli emvetha ku "Kiindo kicha kyairima ifuma Nazareti?Filipo emvia nnjo uvone ". ⁴⁷ Yesu emvona Natanaeli akyacha kwakwe eghamba"Lolea muisraeli wa keni , haraghire mongo voshi yakwe!" ⁴⁸ Natanaeli evetha ku"Kundenjimanya kwia? Yesu eghaluta emvua ku Filipo aranakuilagha kuke thinyi ya nighekuvonire. ⁴⁹ Natanaeli eghaluta "Rabbi , iwe ku mrana wa Ruva .Iwe mangi wa Vaisraeli!" ⁵⁰ Yesu emvetha ku "Kukundeitikija kwaku ndekuvonia ku ni kuvonire tangu hena mri wa mtini?Kwavona findo firwe ikelafyo. ⁵¹ Yesu aghamba ,"Kididi niamuvia ku mavona mailwinyi hakyarughuka na malaika vakyakwea na ighara fundu fwa mrama wa Adamu."