¹ Igheri Ezra akilomba na itenya mri, akafungha na ikukumba mbai mothia ya Ruva, ejungulikwa ni vomi fwa va Israel, vaka na vanake vakavunganyika kwake hena vandu waleafugha mnu. ² Shekania mwana wa Yehieli, mwana wa Elamu akammbia Ezra, " Fundeeva thi vaghevwara mma hena Ruva kangi fundeondoa vaka va kighenyi ifuma ithanga lingi. Mira hamwi na ikyo, haghire ikuji hena Israeli. ³ Luvaha fuvikenyi ndaghano hamwi na Ruva weru ivavuta vaka voshe na vana vavo kirivuta vaka voshe vana vavo kiringanyo na iivaria kirero kya Mndumi, iivaria vaya vakyadema ifumana na maamoro gha Ruva weru. na iki kihirike ifumana na sheria. ⁴ Mka, kindoki kikufaie iwe, na ifwe fuke hamwi na iwe, Uve kidindie na ihira iki. ⁵ Hena ikyo Ezra akamka na ihira Vutathi na valawi va vaisrael voshe vakiva kyathe hena njia iyo. Hena kwiyo voshe vakafunya kiravo. ⁶ Niho Ezra akavukia ifuma mothia ya nyumba ya Ruva na ighenda hena kyumba kya Yehohanani mwana wa Eliashibu, We alighiewe mkate kana inywa mringa. Idungia ho ekinafughe mnu ihuthiana vaya vaghire miirikilie midu vaya valeke hena ithama. ⁷ Hena kwiyo vakarunama kirero hena Yuda na Yerusalem hena vandu voshe vandu valevwirie ifuma hena vutumwa na iikaa hamwi Yerusalem. ⁸ Wowoshe ngewe arachie hena mifiri iraru ifuma na iivaria kiya kireriwe ifuma kwa varwe na vaghevathathongolea aondolewa mari yoshe mjunguluko mrwe wa vandu ngevo valechie ifuma handu valevukie. ⁹ Hena ikyo vandu voshe va Yuda na Benjamini vakavunganika Yerusalem kwa mifiri iraru. Ilevie ni mwiri wa kenda na mfiri wa makumiavi gha mwiri. vandu voshe vakamka mothia ya nyumba ya Ruva vakadedema ifumana na kirero na mwera. ¹⁰ Ezra mtathi akamka na irera, "Imwe mweka mundereka, imwe mundeikaa na vaka va kighenyi na iongera makotha gha Israel. ¹¹ Mira Luvaha mnikenyi matumbi Yahwe, Ruva wa vaya vamthongolerie, kangi muvike thafundu we afurie, muikae kua na vandu va ithanga na vaka va kighenyi. ¹² Ibumba yoshe likaghalua kwa irwi."Fwahira fundu kurerie, hata kole , ¹³ haghire vandu vengi na ni igheri ya mwera. Fughirefe nguju ye mka bwang'a na ii thi mfiri umwi kana ivi tehira ndima, Kwa liya fukotherie hena kindoki. ¹⁴ Hena ikyo varwe veru vamke baada ya ibumba yoshe, ive ku voshe vairikie vaka va kighenyi iikaa hena miri yeru vache hena igheri lipangiwe ni vaghefuthongolea va mri na vagheamua va mri ifi kaho iding'a ya Ruva yavuka ifuma kweru. ¹⁵ Yonathan mwana wa Asahel na Yazeya mwana wa Tikwa vakalegha ili, Methulamu na Shabethai mlawi vakavanika kuvoko vo. ¹⁶ Hena ikyo vantu vafumie kuya handu vafumie kuya handu valevukie vakavika kui, Ezra mtathi akathanghua vomi, vaghethongoa vandungie hena mbare nyumba, voshe vo kwa marina vakailolea mburi ii, mfiri wevoka wa mwiri wa ikumi. ¹⁷ Mfiri wevoka wa mwiri wevoka vakava vandemalia ilolea nicha vaya vomi valechiikaa na vaka vakighenyi. ¹⁸ Maghari ya vo vana va vaghetatha haleghire vaya valeikee na vaka va kighenyi. Maghari yavo vana va Yoshua mwana wa Yosadaki na varwe vakwe va kiumi ngevo valevie Maasela, Eliazeri, na Yaribu na Gedalia. ¹⁹ Hena ikyo vakarumbua ( akapanga) ivavuta vaka vavo. Kwa liya valeghire makotha, vakafunya itathi ya magonji hena vanyama vavo mburi ya makotha ghavo. ²⁰ Maghari yavo vana va Imeri, Hanani na Zebadia. ²¹ Maghari yavo vana va Harimu, Maseya, na Eliya na Shemaya, na Yehieli na Uzia. ²² Maghari yavo vana va Pashuri, Elasa. ²³ Maghari yavo valawi: Yozabadi na Shimei na kelaya (niwe kelita) na Pethaia, na Yuda na Eliezeri. Maghari yavo vagheimba Eliashibu na Maghari yavo vagheria Shalum, Telemu na Uri. ²⁴ Maghari yavo Israel valereghiwe- ²⁵ Maghari yavo vana va Paroshi, Ramia na Izia na Malkiya na Miyamini na Eliazari na Malkiya na Benaya. ²⁶ Maghari yavo vana Elamu Mataniana Zekaria, na Yeehieli, na Abdi na Yeremothi na Eliya. ²⁷ Maghari yavo vana Zatu: Elionai, na Eliashibu, na Matani Yeremothia na Zabadi na Aziza. ²⁸ Maghari yavo vana va Bebai Yehohanani, na Hanania na Zakai na Athlai. ²⁹ Maghari yavo vana va bani: Meshulami Maluki, na Adaya na Yashubu na Sheali na Yeremothi ³⁰ Maghari yavo vana va Pahath- Moabu, Adna, na kelali, na Benaya na Maaseya, na Matania, na Besaleli na Binti na Manase. ³¹ Na Maghari yavo vana va Harimu: Eliezeri na Ishiya, na Malkiya na Shemanya na Shimeoni, na ³² Benyamini na Maluki na Shemaria. ³³ Maghari yavo vana Hashumu: Matenei, na Matatana Zabadi, na Elifereti na Yeremai, na Manase, na Shimei. ³⁴ Maghari yavo vana va Bani: Maadai, na Amra na Aueli, na ³⁵ Benaya, na Bedeya na keluhi, na ³⁶ wania na Meremothi, Eliashibu, ³⁷ Matania na matenai. na ³⁸ Yaasi. Maghari yavo vana va Binui Shimei, ³⁹ Sheremia, na Nathani, na Adaya, na ⁴⁰ Maknadebai, na Shashai, na sharai. ⁴¹ Azareri, na sheremia, na ⁴² Shalumu, na Amaria na Yusufu. ⁴³ Maghari yavo vana va Nebo: Yeieli, na Mathiana zabadi, na Zebina, na Ido, na Yoeli na Benaya. ⁴⁴ Iva voshe valeondorie vaka va kighenyi na waleghirie vana thi voshe vo.