¹ Modekai akinaichwe ikyo kipangiwe akarandua dhori takwe akaraa magunia na maifu. ² Akaghenda maghari ya mri na ifugha na irwi ya vwadhi vungi. Akaghenda mpaka kwa mangi kwa ku haghire airikiwe iingia aree magunia. ³ Mburi ii ikinafike hena kila jimbo haleghire ifugha irwe kwa vayahudi na ifungha, ifugha na iomboleza. vengi vavo valelee hena m,agunia na maifu. ⁴ Malkia Esta akinamanye mburi ifuma kwa vahiri vwakwe, akagharwa ni midhori. Akaruma vandu vamtikie dhori Modekai nedha afunye magunia naavae dhori njicha Modekai akalegha. ⁵ Niho Esta akamwilagha Hathaki umwi wa vaghemkia kwa mangi, ningewe anikiwe imhirira. Akamruma ighenda kwa Modekai nedha amanye haniki Modekai andeamua ihira kwio. ⁶ Niho Hathaki akaghenda kwa Modekai hena mri modhia ya mlango wa mangi. ⁷ Modekai akamvia Hathaki mburi yoshe ye wawa vayahudi na ifunya pedha ningeyo Hamani avavirie vaghetunza pedha kwa mangi, nedha vavwawe vayahudi. ⁸ Na kangi amnika maandiko ghafunyirwe shushani kwa iwawa ya vayahudi. Alehirire kwio nedha Hathaki amvie Esta aghende ighemlomba mangi na imterereva badala ya Vayahudi. ^{9 10} Niho Hathaki akaghenda akamvia Esta kia aviriwe ni Modekai. ¹¹ Esta akaghaya na hathaki naimvia avwie kwa Modekai Esta akamvia Hathaki, "Vahiri voshe va mangi na vandu voshe hena majimbo ghoshe vaichi ku mndu wowoshe akiangia kwa mangi aranikiwe rudha aashiwa apwe mira wia we mangi amgholela ndata yakwe ya dhahabu. Ni mifiri makini araru dhirana ghenda mothia ya Mangi. ¹² Hathaki akamvia Modekai firero aaviriwe ni Esta. ¹³ Modekai akavwighiria mburi "Kunaririkana ku iwe kwakia hena vayahudi voshe. ¹⁴ Kole ukatia chwi kwa igheri lii, Ruva aendenjia ingi yefukira, mira iwe na nyumba ya papa wapwo mwapwa. Niidho amanyire achie hena nafadhi igheri dha ili. ¹⁵ Niho Esta akaruma mburi kwa Modekai, ¹⁶ "Ghenda uvavunganyire vayahudi voshe vake hena mri wa Shushani vanaya handu inywa kwa mifiri iraru. Inyi na Vahiri vakwa va kika fwapwunga kwa mifiri yo Na kangi naghenda Modhia ya mangi kinyume kya sharia. Na kole nikapwa nampwe. ¹⁷ Modekai akaghenda akahira fyofyoshe ninge fyo Esta aghemvirie ahire.