¹ Leno aga gomalagelo, ndagelo, niindagelo jijo untwa ungulove veetu andagile unene ukuvamanyesya umwe, po mwetangage ukwibate mu nketunga kekyo mwilota kumwambo eya vele eya Yordani ukuhala,. ² Po mwibatage no kutoga untwa venyu, po mwibatage indagelo ja mwene jooni, na malagelo gago nikuvalagela umwe, avana venyu na vana va vana venyu, amajova gooni aga mbotamo [ uvotamo ] po amajova geenyu gongelelalage. ³ Po ewo pomwapolehejage, israeli, nu kwi bata po yeve honu kulyune, po ulovengelelo po lolotelele kyongo mu nkelunga kekyo kijolola ulukama kange no wooki, ndowo untwa ungulove uvataye venyu, efingile aivomba. ⁴ Poleheja, israeli: untwa ungolove veetu aleyumo. ⁵ Mukugana untwa ungolove venyu ne numbula ula yeemu yooni, numepo venyu vooni, kange na kuluhala lwenyu lwooni. ⁶ Amamenyu gago nikuvalagela umwe, elelo yagivijaga munumbula yeenu,. ⁷ Kange mwetangage ukumanyesya fijo ku vaana veenyu, ya mwijovaga vo ntamile munyumba jeenyu, womwigo na, kange wo mwigenda. ⁸ Vukojipinya wita kehwani palayanya pa kevoko kyako, goope pogiva lokaata [ lwenda ] pa miho gaako. ⁹ Yavukojusiimba mufifigo ifya munyumba yako na mumadendelo. ¹⁰ Unseke untwa unguluve vaako ikoko twala kukelonga kekyo aefingine ku va taye veenyu, ibrahimu, isaka, Yakobo, ukuta akale ikakopa, paninye nu vugenge uvuvaha ne minonu gegyo samwa jenge. ¹¹ Ni nyumba jijojidegile kela fiinu ifinonu fifyo samwavombe, ifisiva fifyo sa mwayave. ifyalo na mabeke aga mizeituni gigyo sa mwavyale, yamwilya nu kufwane. [ no kwiguta ] ¹² Po muve vajihaheji muleke uku nsamwa untwa, yuywa avatwalile ukuhuma kukelunga ekya misri, ukuhuma ku nyumba eya vusuhiwa. ¹³ Mukotogaga untwa ungolove veenyu, umwene tukontekelaga, no kwefinya kulitawa elya mwene. ¹⁴ Sayamwiluta kumingolove egenge, emingolove, egya vaanu vavo viko vajongula vooni. ¹⁵ Ulwakova untwa ungolove venyu pagati palyumwe ngolove unya mwenu lenga, ya mwivomba, elyoyo elya untwa ungolove veenyu aikwaka ne lyolyo nuku vayaja ukuhuma kumiho ga kelunga. ¹⁶ Sayamkogele untwa ungolove veenyu ndovo mwagelile ukwa ku masa. ¹⁷ Mwetangage yamwikwibata amalagelo ga untwa ungolove veenyu, amalagelo ga mwene majingahefu, kange indagelo jijo avalagile. ¹⁸ Ya mwivombaga kela kekyo kyalweli, kange kenonu kumiho ga ntwa, po yeve nonu kulyumwe, nukuta mwetangage ukwingila no kuhala ekelunga ekenonu kekyo untwa eayegile kuva taye veenyu. ¹⁹ Ukuvaheja avalugu venyu vooni kuvolongolo kulyumwe, ndovo untwa omoajovile. ²⁰ Unseke gugwa umwana vaako ivooja kwo nseke gugwa gwikija, ukujova, jojileku indagelo ija lufingo, indagelo ija lufingo, imbateko, ni ndagelo ijinge jijo untwa ungolove veenyu atulagile? ²¹ Po ya wijovaga ku mwana vaako, twale vatumwa [ vasuhiwa ] va farao ukwa kumisri, untwa atuhumije kumisri kukevoko na maka,. ²² Kange avonisye nifihwani ni fiswigo [ ifidego ], amavahe na makali, misri kwa farao, na kunyumba ya mwene yooni, kuvolongolo kumiho geenyu. ²³ Kange atuhumije ukuhuma ukwa, po atutwale mugati, atupe ekelunga ekekyo aeyegile kuvataye veetu. ²⁴ Untwa atulagile haani ukwibata indagelo iji, ukudwada untwa ungolove veetu kuvunonu weetu, po atuveke voomi, vovwa tulewo leno. ²⁵ Lenga twikwibata indagele [ amalagelo ] aga gooni kuvulongolo kwa untwa ungolove vee tu ndovu atulagile, eyeyiva lweli yeetu.