¹ Umwe mulevaanu va ntwa ungolove veenyu, muleke ukwetema yuumwe, muleke ukuketa munduvafu mumiho geenyu kunongwa eya vafwe. ² Ulwakuva mulevanyakevumbuko [ ekelunga ] kekyo kyemekiwe kuntwa ungolove veenyu, no untwa avahalile ukuva vaanu kunongwa eya vuhale wamwene, ukolotelela kuvaanu vooni vavo valepakyanya pamiho ga kelunga. ³ Samwinogiwa ukolya ekenu kekyoni kekyo kikalaja [ ikivipeja ] ⁴ Ifi fyofikanu fifyo munogile ukolya, essenga, ing'osi, imene. ⁵ Ikulunga, inyaloji, ikulungu ingoosi, imene ija munsitu, enyaloji embalafu kenge pofu ni ng'oosi ija fyamba. ⁶ Munogile ukolya ifikanu fyooni fifyo fipanduliwe amavondo, yeyo yelena mavondo gago ga pandoliwe mala kavele, ukolya no kusyetulania. ⁷ Ndavo yelevo, samunogile ukolya ifinge ifikanu fifyo filya no kusyetulania lomo fifyo fili na mavondo gagogagavike mala kavele. ngamia, esude, pomono, ulwakuva filya nu kusyetulania poope safi gavike amavondo, fyo fivivi kulyumwe. ⁸ Engobe mbivi kulyumwe kenge ulwakuva ye pandoliwe amavondo poope sayidafunya nukusyetulania, mbiivi kulyumwe. mleke ukulya enyama eya ngobe, kange muleke nuku palamasya [ ukwibata ] ifituvi fyavo. ⁹ Aga gagogalemugati mumalenga munogile ukulya. kyokyoni kekyo kele namapeji no vugegele. ¹⁰ Poope kyokyoni kekyokelevovole a mapenji nu vugegele mleke ukolya, kevivi kulyumwe. ¹¹ Ifiyuni fyooni finoni munogile ukolya, ¹² Poope ifi fyofiyuni fifyo samnogiel ukulya; etai, etumbusi, ekepungu. ¹³ Uladege ulofuvefu nolutitu, ekehwani kyo kyoni ekya ludege. ¹⁴ Samnogile ukulya ekehwani kyokyoni ekya mahove. ¹⁵ Kange imene no ludege ija pakelo, lanes keyuni ekya kunyanja, ekehwani kyokyoni ekya ludege. ¹⁶ Elituye elidebe, elituye elivaha kange elituye eliva. ¹⁷ Mwari, ifituvi ifya tai, mnandio. ¹⁸ Muleke ukolya elidondogololo, ekehwani kyokyoni ekya kongote , hudihudi, nolumbova. ¹⁹ Fyooni fifyo filina mapapatelo; ifinu filino vutano fyo fivivi kulyumwe; safinogiwa ukulewa. ²⁰ Munogile ukulya ifinu fyooni fifyo fipululuka. ²¹ Muleke ukulya kyokyoni kekyo kifwa kyeene, unogile ukumpa uhesya yuywa alembujenge wenyu, ukuta anogile ukolya lomo mnogile ukuguja kuhesya. ulwakuva kyokevomboko kekyo kyemekiwe kanongwa eya untwa ungolove veenyu. samunogiwa ukoteleke emene endebe mundokame ulwa vanina uva kyene. ²² Yelweli mnogile ukuhumia ekelundo ekya kumi ekya vubeni uwa mbeyu jeenyo jooni, yiyo yayikwija ukuhuma kukyalo kela mwaka [ kyenja ]. ²³ Munogiwa ukulya pavolongolo pantwa ungolove veenyu, palieneo lilyo aihala lenga pavalaje pamwene, elifungu elya kumi elya mbeyu jeenyo, ija mvinyo umpya, kange ni mono jeenyu, ne ng'olwa eya kwanda eya fikanu ni fidemo, ukuta mwetange ukumanyela ukuntuga untwa ungolove veenyu. ²⁴ Lenga enjela nali kulyumwe nukute mwilemwa ukupemba, ulwakuva ekelunga kekyo untwa ungolove veenyu aihala ndovu pavalaje pamwene kutali kulyumwe, unseke untwa ungolove ikuvasaya. ²⁵ Yamukwosania, ifyavupe ni ndalama, gunja indalama mukevoko, kange mlute kukelunga kekyo untwa ungolove veenyu aihala. ²⁶ Ukwa yamwivombelage indalama kyokyoni kekyomwinogwa kusenga lomo kung'oosi, lomo ku mvinyo, lomo ifyakunywa ifinyamaka, lomo kyokyoni kekyo mwinogwa, apo yamwilya mumbolongolo mwa ntwa ungolove veenyu, kange yamwihovoka, umwe ni nyumba jeenyo. ²⁷ Mlawi yuywa alemu fifigo mudyumwe muleke ukusamwa, ulwakuva alevovole uluvafu wala uvuhale paninie numwe. ²⁸ Kuvumalekelo umwakela mwaka [ kyenja ] ya muhelekage elifungu elya kumi elya mbeyu [ fiinu ] kumwaka gugwa, kange ya mwiveka mufifigo fyenyu. ²⁹ No mlawi, ulwakuva alevovole uluvafu wala uvuhale paninie numwe, kange nuhesya, umpena, navafwele vavovalegati mufifigo fyenyu, yavikwija nu kulya nukuhaliwa, vomba ewo kuntwa ungolove veenyu po avasaye mumbombo joeni ijamavoko geenyu jijo mwivomba.