¹ Iji jo minyano kange ni ndagelo jijo mukojibataga nkelunga ekyo, untwa ungolove uvataye veenyu, avapile ukuhala, amajuva gooni gago mwitama pakelunga ekya pasi. ² Uwayelweli ya mwinangania mwomi mumwa avanya fivumbuku [ avanyafilonga ] ya mwivenga emingolove gyavo gegyo valekutekela, mufyamba, ififali, mutwamba, kange paasi pa mbeke ugunya keyenja. ³ Kange yamwidenya inekelo javo paasi, ya mwinangania fipija pija mbanda jaavo ija mawe , kange nukunyanya uwogi uwa Asherahi, mukojikenda [ mukoji ge dania ] ifihwa ifya kupoonja ifya mingolove gya vo kange nikugwesya ukuyaja elitawa lyavo kunji kukelunga eke. ⁴ Saya mkontekele untwa ungolove venyu nduvu ewo. ⁵ Poope ekelunga lelyo untwa ungolove veenyu aisala [ aichagula ] ukuhuma kufivumbuko fyeenyu ukuveke eli tawa elya mwene, apo piva pakelunga kekyo itama kange ukwa kukwene ya mwilota. ⁶ Ukwa kukwene ya mutwala [ ya mwigega ] ifya vupe [ ifivalaje ] ifya kutekelela [ ifya kunyanya ] ifya vupe fyenyu, inekelo jeenyo kenge ifya vupe fifyo fitwaliwa kukevoko kyeenyu, ifyavupe fyenyu ifya lufingo, ifyavupe ifya kusavula kange ung'olwa uva kwanda uwa fidemo ifya seenga ne ng'oosi. ⁷ Kuukwa yamwilya kuvulongolo kuntwa ungolove veenyu kange nokolovoka ukuta kyokyoni kekyo mavekile ekevoko, umwe kenge na valokolo lwenyu, po yiva untwa ungolove veenyu avasayile. ⁸ Sayaamwivomba amasyo gooni gago twivomba apa elelo, leno kela munu ivomba kyokyo ni kela ekenonu kemiho kumwene. ⁹ Ulwakuva mukalesamutumelile,kuvuhale vuwa untwa ungolove veenyu ikuvapa. ¹⁰ Poope lomo mwiluta kumwambo eya vele eya yordani kange nukutama mugati mukelunga kekyo untwa unguluve veenyu ikuvatanga umwe ukuhala, kange unseke ikuvapa ukutumela ukuhuma kuvalugu veenyu vavovikuvajongual pawipi, uvufumbwe po mtamage [ vononu ] mtenganile,. ¹¹ Kuvumalekelo yayiva ekelunga kekyo untwa ungolove venyu aisala ukutangela elitawa lyamwene ukutaama, ukwa yamu twala gooni gago ni kuvalagela, ifya vupe ifya kunyanya, ifivalage fyenyu, inekelo jeenyu, ifyavupe fifyo fihomile kukevoko kyeenyu , kange ifyavupe ifya lusalo lwenyu kunongwa eya lufingo jijo eyaka mwihumia kuntwa. ¹² Yamwihovoke [ kumiho ] kuvulongolo ku ntwa ungolove venyu umwe, avaana veenyu, avahenja veenyu, avavomba mbombo avademi [ avakegosi ] avavombambombo avahenja [ ava kedala ] , kange na walawi vavo vale gati mu kefigo kyeenyu, ulwakuva alevovole ulovafu pamo uvuhale mugati mundyumwe. ¹³ Uve jingaheji vemwene ukuta uleke ukihumia ifyavupe fyako ifya kunyanya poponi pakelunga baho wilola,. ¹⁴ Poope popa kelunga ekyo kekyo untwa aikuvasala mundyumwe umo mugati mu fivomboko fyeenyu kekyo yakihumiaka ifyavupe ifya kunyanya , nukwa yamwivomba kela keenu kekyonevalagile. ¹⁵ Leno po yiva, pomwibudaga nu kulya ifidemo mugati mufifigo fyeenu, ndavovwa mwinogwa, ukwambelela ulusayo ulwa untwa ungolove. veenyu, kunongwa ya fyoni avapile, kange avaanu vavo savanonu kange vanonu vooni vanogile ukulya, ifidemo ndiifi enyaloji kange kulungu. ¹⁶ Poope sayamwilijaga onkisa, yamwidudaga paasi palifu nda malenga. ¹⁷ Mwetangage ukuleka ukulya mugati mufifigo ukuhuma munekelo ija mbeyu [ ifini ] fyeenyu, uvinyo gwenyu umpya . [ inyungu ] jeenyo pamo ni ng'oosi. kange muleke ukulya inyama yoyoni yeyomwihumia ifyavupe paninie ni nyefingo jojooni ijeenyo jijomwivomba, wala ifyavupe fyenyu ifyawegane, wala ifyavope fifyo mwihomia kukevoko kyeenyu. ¹⁸ Emianeji yaake yamwilijaga mbolongolo mwa ntwa ungolove veenyu munkelunga kekyo untwa ungolove aisala umwe, umwana veenyu, avahenja venyu, umbombambombo uvakegosi [ udemi ] umbomba mbombo uvakedala [ ung'nja ] kange nu mlawi yuywa alemu fifigo fyeenyu, Ya mwihovoke mumbolongolo mwa Antwa ungolove veenyu ukuhume kela kenu kekyo mwiveke ekevoko kyenu. ¹⁹ Muve vajinga heji yumwe pomuleke ukundeka umulawi, ulwakuva mwitama munkelunga kyenyu ²⁰ Unseke untwa ungolove veenyu ejembwile ifingo [ imake ] jeenyu, ndovu aefingile, nukujova, '' Yanilya enyama'' ulwakuva mulenovonogwe wenyu mwilya enyama, mwetange ukulya enyama, ndovu uvunogwe hwa mmepo veenyu. ²¹ Lenga ekelunga kekyo untwa ungolove veenyu ahalile ukuleveke elitawa lyamwene kutali ukuhuma kulyumwe, po ya mwibuda fimo ifidemo fyeenyu kange ifidemo fyenyu fifyo untwa avapile, ndavowa navalagile, ewo po mulijaga mugati mufifigo fyenyu, ndovo uvunogwe uwa mmepo veenyu. ²² Nduvu enyaloji ne kulungu filewa, voyelewo ya mwilijaga avaanu vavosavanonu kange avanonu vanogile ukolya vowa. ²³ Poope muve nowa yelweli ukuta samwilya ukisa, ulwakuva ukisa vowomi, sayamwilya uwomi paninie ne nyama. ²⁴ Sayamwilijaga ya mwidudaga kunji paasi palifu ndamalenga. ²⁵ Sayamwilya, po yeve nonu kulyumwe, kange ava eveenyo volotile uve, unseke yamwivomba kekyo kelevononu pamiho pa ntwa. ²⁶ Poope amasyo gago ga ntwa gagomlenago kange ifyavupe ifya lufingo lwenyu yamwitola iji nukuluta pakelunga baho untwa ahalile. ²⁷ Apo ya mwihomiaga ifyavupe ifya kunyanya, enyama nunkisa, pa ketekelelo kya untwa ungoluve veenyu, unkisa ugwa ifyavupe fyenyu gududiwagwe panji pa ketekelevelo elaja ntwa ungulove veenyu, kange yamwilijagu enyama. ²⁸ Mulolesanie kenge mupole heja aga amamenyu gooni gago ni kuvalagela, po yeve lononu kulyumwe na vaana veenyu umwe vomulotile ukusakwisile lusiku, unseke gugwa mwivomba kekyo kenonu kange kekyokele hine pamiho pa ntwa ungolove veenyu. ²⁹ Unseke untwa ungolove veenyu inegula [ iheja ] ifivumbuku ukuhuma kulyumwe, unseke mwikwingela kakovavenga, kange mukuvavenga nu kutaama munkelunga kyavo. ³⁰ Muve vajingaheji yumwe mwevene po mleke ukweyibata ukuvakonga, munu muva budile ukuhuma kulyumwe ukwibatwa munkololesania emingolove gyavo, munko vuuja, ''po ndakeki ifivomboko ifi fiteke la emingolove gyavo? Yani vomba vovowa. ³¹ Sayawivomba ewo ukontoga untwa ungolove vaako, ulwakuva kela keenu kekyo kikalaja kuntwa, amasya gago giko nkalaja vavombile aga ne mingulove gyavo. hata ukuyaja [ ukunyanya ] avademi vavo kange na vahenja vavo mumwoto kunongwa ya mingoluve gyavo. ³² Kyokyoni kekyo ni kukulagele, lolesania uleke ukwongeleja pakyanya lomo uleke nukunegula.