¹ Kukahomela kange palieneo lelalela pa kavepu umbumba fujo elitawa lya mwene ve sheba mwana va bikri mbenjamini. Akatova indudwe. nokojova, ''ufyefye tulevu vule ilieneo kwa davudi. tulevuvule uvulisi mumwana va yese. kela munu alute konyumba ya mwene, ko israeli. ² Evo avanu voni avaislaeli vakanoleka udavodi valekokunga usheba umwana va bikri navanu va yuda vakakunga untwa vavo pipipipi ukotiuma koyoldani munjela yoni ipaka kuyelusalemu. ³ Udawodi avile afike kukasri ya mwene ku yelusalemu, akavatola avamasulia avile avalekile valekoletunja eli kasri, akavaveka kunyumba nukuvalolela. akavandalela amandalisi sakagone navo kange. evo vakatengiwa ipaka ukufywa kwavo, valekutana ndavafwele. ⁴ Untwa akambula uamasa, uvelange avanu va yuda kusiku idatu iji, nayove uvepo apa. ⁵ Uamasa akaluta kukuvelanga avanu voni avaku Yuda paninye, akutumela useke utali kuliko useke ugwajovile untwa. ⁶ Udavudi akambola uabishai, ''linu umwana vasheba bikri ikotovombela uvuvivi kuliko uabsalomu. tola avavumbi vantwa vako, Avasihali vango, nutulondele ayivoka ikungela mke longa kya nyumba nukutoloka.'' ⁷ Avanu va Yoabu vakufyatelela, paninye na vakerethi na wapelethi navashujaa vuni, vakahuma kuyelusalemu kukufwatelela usheba umwana va Bikri. ⁸ Vuvavile paliwe ilivaha lilivaha lilyo lilikugibi oni, uamasa akija kukuvapokela. uyoabu avile afyalile isilaha yambaja, avile ne panga yeyo yele yekungiwe ikevina kyamwene, avile iluta kuvolongolo ipanga yekagwa. ⁹ Uyoabu akambola uamasa ugonile binamu vango kuvutalatibu uyoabu akamwibata ikedefu kya Amasa kukevoko kyamwe kya kulia ili abusu. ¹⁰ Uamasa sakeliwa ukuta kukevoko kya yoabu kulene jambia uyoabu akangoma uamasa ilitumbu lya mwene akagwa pasi ata uyoabu sakatova kange, nuamasa akafya. ivo uyoabu nu Abishai ulukolulwe vakakunga usheba umwana va bikri. ¹¹ Umunu yumo va Yoabu akema palukanji pa Amasa navupe akajova, ''uyalevupande wa Yoabu nu yale vupande wa dawodi akongage uyoabu.'' ¹² Uamasa alikuvefulyadeka nukisa gwamwene pagati panjela. umunu ula avile awene avanu voni vemile, akapemba uamasa akambeka kulukanji kunjela Akalaha aligwanda lya mwene. ulwakuva kkelamunu alikwema pala. ¹³ Uamasa avile akegile panjela avanu vani va kakunga uyoabu rukufyata usheba umwana va bikiri. ¹⁴ Usheba akagenda mukabila joni jaisilaeli ipaka ku Abeli kuvabethi maaka, nukukelunga kyoni kya berite kukwa vakelundanije paninye nu kukonga usheba. ¹⁵ Vakambwene nukujungula ukwa uabeli vaku bethi maaka. vakajenga [ ibuluji ] ya kuhusutu umuji kusana kuvukuta. Ilipoga lyoni lilyo likavile paninye nu Yoabu lili kutika ulumato leke uugwe. ¹⁶ Udala unyaluhala akuvela ukuhutua mkalunga, '' pulekeja, Youabu, nidova umuleke je' sogelela palyone tuvejilani nejove nuve.'' ¹⁷ Uyoabu akasogelela, udala , akambola, uve veve yoabu? akanda, '' nene'' udala akambola, ''pulekeja amamenyu ga tubombi vako. Akanda, ''nipolekeja.'' ¹⁸ Apo poakajovile, ''katale akajoviwe, yinogiwa mulonde uvoshavoli ukwa ku Abeli, ulwa kova uvo savoli uwa wigeda amamenyu. ¹⁹ Ufwe fwefwe kolonga kekye keleningofu no wamifu fijo koisilaeri. mwinogwa ukunanga ekelunga ekenyangofu kuisilaeli keki winogwa ukonanga ikelunga kya Yahwe?'' ²⁰ Uyoabu akanda nokujova, ''yeve kotali, yekutali nune, ata nemile ata nenange. ²¹ Lyo sio lweli. umunu ukuhoma kukelunga kya kukewamba kya Efraimu, ikwelangiwa sheba mwana va Bikri, inwile ikevoko kya mwene kisana nu ntwa kesana kya davodi, musigelje umwene nayone nikeleka ikelonga''. udala akambola uyoabu, uyowilosiwa utwe gwa mwene ukuhoma mbokuta''. ²² Udala akavalutela avanu voni vakelunga kulohala lwa mwene, vakaheja untwe gwa sheba umwa na va Bikri nukunduseheja uyoabu. vakutova indwidwe avanu va Yoabu vaka keleka ikelonga kela munu kunyumba yamwene, nu Yoabu akakilivoka kuyerusalemu kantwa. ²³ Uyoabu akale kukyanya kulipoga lyoni lya israeli no benaya umwana va Yehosada akale kukyanya kwa wakerethi na vapelethi. ²⁴ Uadoramu akale kukyanya kuvanu vavo vavombile imbombo ya shokoa nu ye hoshafati umwana va Ahiludi akale ikumbosaji. ²⁵ Usheva akale isimbaji, usadoki nu Abiathali vakale vatekeji. ²⁶ Uira va Yairi akale ingudumu imbaha va davodi.