¹ Kwa bhenyu abhajomu bhani, bhanu ndabhenda bhanu bhana obhujomerwa bwe ritaji riani. Mwimirire eimara kumkuru bhenyu bhenyu bhasani abhahanjwa. ² Ndakusabha huuwe Eudia kweki ndakusabha huuwa sintike, muhunukye obhumwibhwa eimani ya bhenyu. Kokubha bhenyu bhonsego bhabhiri mwagwatana na mkuru. ³ Kokubha ndabhasabha bhenyu abhakori bhe mirimu bharikiani, munyabhire habhakari kokubha bhakora hamwi na weni kukora eng'ana yo mkuru turingi na kelementi hamwi nabhakori bharu bho mukuru bhanu amarina gabho, gang'ori bwa kukitabho kiobhuoru. ⁴ Kumkuru nsiku gionsego kweki ndagamba, mjomerwe. ⁵ Obhunyou bhenyu bwiyoro kie kubhantu bhonsego omukuru arihang'i. ⁶ Mtenyankya kung'ana yose yose kokubha kwaye, mkore amang'ana genyu gonsego kwe njira yokusabha. Kusabha nokukumya na mang'ana genyu geyorokie ku Waryubha. ⁷ Bhono amani yomkuru inu ekuru kutiga obhumanyi bhonsego herangagia omutima metegerero genyu kubhera Kristo Yesu. ⁸ Nawe bhahiri bhani, mugetegerere bhukongu amang'ana gonsego ganu gano bhuene entungwa bhuene, obhurabhu obhujomu na garia ganu mang'ana majomu, inu obhujomu hamwi na garia ganu garendwa kukumibwa. ⁹ Mgakore amang'ana garia mwehigira, ganu mwagega ganu mwegwa na ganu mwarora kuweni, nawe omukuru wetu ne amani ebhe nabhenyu. ¹⁰ Nina obhujomerwa bharu bhukong'u eguru yenyu kumukuru, kokubha bheenyu morokia kweki ninekobh kwiyorokia kubhenyu eguru amendwa gani nawe mtanyora omwanya go kumbera. ¹¹ Ntakugamba kunyora kintu kokubha amenderwa gani nihigiri kwikuriya giosego. ¹² Munyiri okwikara kukusuhirwa naho kubhane obhwaru. Kubhintu bhinu bhiranyinara gosego ganu weni, nihigiri mwanya go kuriya omwanya go bhwigute na kiego oranye omwanya gwe enjara obhwaru bho omwenderwa. ¹³ Ndatura nkakora ganu kokukororwa na weki arang'una eginguru. ¹⁴ Naho mwakora bhujomu kwijongana naweni kumweko gwaani. ¹⁵ Bhenyu wafilipi mumanyiri ega obhwambiro bhwe injiri narekao Makedonia ritariho erisengero rinu riyakora kwa mang'ana ganu gakora obhurusha na kuramira etari bhenyu abheene. ¹⁶ Kiego naringa Thesaronike bhenyu mwantumira obhunagia kukira yorumwi kokubha ya amenderwa gaani. ¹⁷ Ntakutuna kwega ntakutuna okubheru, nawe ndagamba mnyore emisumo ganu garareta obhwera kubhenyu. ¹⁸ Ngegeri ebhintu bhyonsego, nabhono mwijuribhwene bhuntu ebhiaru, Ngegeri ebhintu bhyenyu okurwa kwa Epafradito, mbintu bhijomu bhinu bhira nyunka obhurangasiru bhinu bhirekiribhwa bhinu bhirekiriribhwa bhinu bhionsego nsadaka inuerajomerwa Waryubha. ¹⁹ Korusumo ruyo, Waryubha wani arabhejuriye ametenderwa genyu ko obhwami bho obhurabhu bhwaye Yesu Kristo. ²⁰ Bhono wa Waryubha no mkuru wetu obhurabhu bhwa konako Amina. ²¹ Amakeranio gani gamuhikire omwikirirya Kristu Yesu. Abhaanje bhanu nirabho hanu bharabhakerania. ²² Nawe abhekirirya bhonsego bharya habhairi bha Kaisari. ²³ Neriruguto riyo mkuru wetu Yesu Kristo ebheno mutima gwetu.