¹ Eribhaga riyo anu bhaja Yerusalemu, anu bhahika bhangi Besthfage na Bethania, gati ye nkuku ye mizeituni, Yesu yabhatuma abhabhiri gati ya bhaigirya bhaye. ² Na yabhakerya, "Mugendegati yekijiji kinuturasuntarirana nabhetu, anu murasohe muyo, muramunyora omwa we mpunda unu akayri kutiryako mumusibhure no kumureta owaye. ³ Na kama onse onse aribhabhurya nkwaki murakora ogo? Murenderwa okugamba, 'omukuru aramubhirikira na kweki arimuhindya hanu." ⁴ Anu bhagya no kumunyora amwana we mpunda abhoherwe kibhara we kiseku kinu kiringi mtaa gunu gunomuranya, nabho bhamusibhura. ⁵ Abhantu abhake bharinga bhemiriri arya na bhakamubhurya, "murakoraki okumusibhura, omwana wempunda huyo. ⁶ Yabhabhurya kego Yesu yabhabhurya bhantu bhabhatige bhagende. ⁷ Abheigira bhabhiri bhamureta omwana wempunda ku Yesu na bhabharya amatati gabho, eguru yaye iri Yesu ature okumutira. ⁸ Abhantu bharu bhakabharya amatati gabho kwibharabhara, nabharu bhakabharya amasya ganu bhanga bhanga bhatabhyiri okureka kumugunda. ⁹ Bhanu bhagya embere yabhi bhamusingirira bhatema ekituri, "Hosana yakumibhwa unu araja kwerina ryo mukuru. ¹⁰ Yakumibhwa omukama araja kuo mukuru wetu Daudi! Hosana kubhanu bhatari eguru." ¹¹ N'go Yesu yasahaYerusalmeu na yagya mwisyengerero na yamaha kira ekintu, bhono, eribhaga ryanga ritiri, yagya Bethania orumwi nabho erikumi na bhabhiri. ¹² Orusiku runu ruraja, eribhaga anu bharinga bharainda akureka Bethania, yaringa nomweko. ¹³ Na akarora omuti mtini gunu guraringa na masya kwa hare, yagya okumaha kego akaturiri okunyora kyonse kyonse eguru yaye neribhaga rinu yagya heyo, atanyora kyonse kyonse etige kubha amasya, kokubha etanga eringi omwka gwe miti. ¹⁴ Yabhaburya, "Atario onse onse unu arirya orusumo okureka kuuwe kweki." Na bheigirya bhaye bhakegwa. ¹⁵ Bhaja Yerusalemu weki yasoha mwisyengerero nokwamba okubharusya kibhara abhagurya naabhaguri munsi yerisyengerero, yagari kya emeja kya abhasyenya bhe gimbirya gye bhitumbi bharya bharinga bharagurya eginguti. ¹⁶ Ataamwikirirya onse onse okugega kyonse kyonse mwisyengerero kinu bhatura okugurya. ¹⁷ Yabheigirya na akagamba, "Eyang'orwa, yenyumba yani eribhirikirwa enyumba ya Sara kubhyaro bhyonsego nawe mwarikora erisana rya okurusibhwe. ¹⁸ "Omusyengeri omukuru wa abhandiki bhegura kego yanga aragamba, abho bhatuna enjira yokumwita. Hatego bhamobhoa kwokubha omuganda gywaruguri bhwa na amang'orya gaye. ¹⁹ Kira eribhaga mugorobha anu yahika, bhemuka mukijungu. ²⁰ Anu bharinga bharagenda nyinkyo bhagurora omuti gwa kumuti gomeri mpaka kumiri gyaye. ²¹ Petro yaiyuka no kugamba, "Rabi! maha omuti gwa mtini gunu gwe imwa nokoma." ²² Yesu yabhaunjira, "Mubhe nentungwa gati ya Waryubha. ²³ Mukumye ndabhabhurya kwega unu arabhurya enkuku hinu, 'Imuka na wiyese omwene manyanja, nakego otana okubhi, mumutima gwao nawe arakumya kega kiyagamba kirakoreka, nigo Waryubha arikora. ²⁴ Kwego ndabhakerya kira ekintu kinumurasabha no kubhurya kworusumo rwaye, mukumwe ega nteterwe, bhyonse bhirabha ebhyenyu. ²⁵ Eribhaga anu muremirira nokusabha, murenderwa okwabhira kyonse kyonse kinu munakyo okukira onse onse kwokubha omukuru wenyu unu aringi kunyire, abhabhire obhusarya bhwenyu "Bhutarimo kunakara gya kare. ²⁶ Manyirirya muchafya gunu, Nawe anu murange okwabhira, wara omukuru wetu unu aringi kuryire ataribhabhira obhusarya bhwenyu" bhutarimo kunakara gya kare. ²⁷ Bhaja Yerusalemu kweki na Yesu anu yaja okugenda mwisyengerero, abhasyengeri abhakuru abhang'orya na bhakaruka bhakaja awaye. ²⁸ Bhamubhurya, kwe kisigo kiha orakora amang'ana gayo?" Niwi yakuheri ekisigo okukora gayo?" ²⁹ Yesu yamubhurya, "Ndibhakerya eringana rimwi mumburye na oni ndibhabhurya kwe kisika kiha kinu orakora amang'ana ganu. ³⁰ Obhubhatijura bhura Yohana okureka kuryire ama okureka kubhantu? Mungunjure." ³¹ Bhabhuranya munsi mwabho no kutigana nokugamba, "Kegoturu gambe, okureka kurirye; origamba kwaki bhono mutamwikirirya?' ³² Nawe kego tugambiri, 'Okureka kubhantu,..."Bhabhobhoha abhantu kwokubha bhonsego bhagwatirira kwokubha Yohana yaringa omuroti. ³³ Ng'o bhamuhunjura Yesu nokugamba, "Tutamanyiri. Ng'o Yesu akamubhurya, "Kweki oni ntaribha bhurya kwe kisiku kiha ndaga kora amangana gani.