¹ Olige okumuhumie onse otarija kuhukumirya. ² Kwa ehukumu orahukumirya na uwe uriukumirya na kwe ekipimo kinu orapima na uwe kasi oripimwa kiyokiyo. ³ Na kwaki oramaa rubhara rya omuti kinu kiringi ku-riso rya omuhiri wao, Anu uribhuribhwa urubhara rya eriti rinu ririmo gati ya erisa ryao. ⁴ Oratura egaki okugamba ku-muhiri waye yanya kurusirye orubhara runu rurimo ku-riso ryao ega orubhara rya eriti rurimo munsi wa eriso ryao. ⁵ Mramianyo uwe ega runsha eriti rinuringi ku-riso rya muhiri wao. ⁶ Otige kubhana egimbwa kinu ekijomu, na otige kubha rekerera egingurubhe (lulu) embere yao ebhindi bharibhi nyamura na okubhitaja na amaguru na ega na bharimuhanjarira uwe na okumtema mabhara mabhara ⁷ Sabha na uwe orihamwa. Tuna na hawe orinyora. Tema hodi na uwe orisikurirya. ⁸ Ku-ohonsego hunu arasabha aragwata. Na kuonsego unu aratuma arinyora. Na kumuntu unu aratema odi arisikurirya. ⁹ Amwi kuna omuntu gati yenyu unu aribha omwana waye arimusabha orubhara rya omukate arimuana arigina?. ¹⁰ Ega eribhu arimusabha ensu na weki amuhane enjoka? ¹¹ Kyego eribha bhenyu muringi abhusarya muramanya okubhana abhana bhenyu ebhintu bhijomega kintu kijomu tata unu aringi mukyaro aribha hana ebhintu bhijomu bharya bhana bharamusabha weki?. ¹² Ko-kubha anu orenda okukorerya ekintu kyonsego na abhantu abhandi nawe kasi erakukora kubhakorera ego ego bheki ko-kubha ego ni amagwato ga abharoti ¹³ Musoe ko-mu-miryango omunyerere kwa kubha omuryango omugari na enjira ni ngari inu erorokya ku-bhisarya na kuna abhantu abhara bhanabharaita enjira hiyo. ¹⁴ Omuryango munyerere omuryango minyerere ni enjira inu erakangata, gati ya ubhuoru na abhake bhani bharatura okuhirora ¹⁵ Mwianu na abharoti bha obhubhehi bharaja bhebho eri erisero rya eng'ondi, Anu obhukweri ni mbweha abhahari. ¹⁶ Kwa amatunda gabho muribhamanya. Ega abhantu bharatura okugesa matanda ku-mama,au kumiti ku-gimbusiro ya mbaruti?. ¹⁷ Kyego ego kila omuti omujomu gurebhura amatunda amajomu ega ontu omubhibhi gurebhura amatunda amabhibhi. ¹⁸ Omti omujomu gutakura okwibhara amatunda amabhibhi gutakurya okwibhura amatunda amajomu. ¹⁹ Kila omuti gunu yatakubhura amatunda amajomu gurigejwa na okweswa mumuriro. ²⁰ Ego aribhamanga okurya na amatunda gabho. ²¹ Ega gutari omuti unu aramburya oni omukuru omukuru arisoa gati ya obhukuru bhwa mkyaro ega ng'urya omwene unurakora amajomu ga tata wani unu aringi mkyaro. ²² Abhantu abhara bharimbura orusiku ruyo omukuru omukuru tutarusya abharoti kwe erina ryaye tutarusya amajomu kwe erina ryaye twakora amang'ana amaru amanene. ²³ Ng'o nibhabhura kibharu, ntabhamanga bhenyu- mwimuke owani bhenyu bhanu murakora amabhibhi ²⁴ Kyego kila ohumwi unuaregwa amang'ana gani na okugugwata ariunka na omuntu unu omuene unu yahagaja enyumba yaye eguru ya erigina. ²⁵ Embura ekatwa amanji gakejura na omuyaga yukaja na okusoa mnyumba ego gata etatura okugwa ansi ko-kubha yanga ehagajire eguru ya erigina ²⁶ kila omuntu unu aregwa engana yani aratura na ari unkanibhwa na omuntu omukangi unu yaanguja enyumba yaye eguru ya amarobha. ²⁷ Embura ekaja amanji yakejura na omuyaga gukaja na okutema enyumba hiyo na ekagwa na okurika na bhwaya bhakakamirika. ²⁸ Ryaika eribha rinu Yeesu rinuyamaru okuahira amang'o ganu amasikaho bhatamanya na amaragiriryo gabho. ²⁹ Ko-kubha yaragirirya kama omuntu omwene yanaobhukama na si kama abhandiki bhabho