¹ Yesu anu yarora omuganda akemuka okugya munkuku. Hanu yaringa yekeri hansi, abhehigira bhaaye bhakaja kuweeki. ² Akasiikura omunwa gwaaye akabhehigirya aragamba. ³ Nyakara bhanu bhana obhutaka bhwa omutima ensonga obhukama bhwa murwire mbwabho. ⁴ Nyakara bhanu bhana ameganiriryo ensonga bheki bharisimbiribhwa. ⁵ Nyakara bhanu bhana obhunyohu ensonga bheeki bharigabha ekyaro. ⁶ Nyakara bhanu omweko na enyonta ensonga bheeki bharigutibhwa. ⁷ Nyakara bhanu bhana entungwa ensonga bheeki bharinyoora entungwa. ⁸ Nyakara abhomutima omurabhu ensonga bhayo bharimurora waryubha ⁹ Nyakara abhagwatanya, ensonga bhayo bharibhirikirwa abhana bha waryubha. ¹⁰ Nyakara bhanu bhanu bharanyankibhwa kwa orusumo rwa obhuhene ensonga obhukama bhwa murwire mbwabho. ¹¹ Nyakara bhanu abhantu bharibhatura, okubhanyankya gati yaokugamba obhubhibhi kubhwaru bhweenyu kwa obhubhehi kwa orusumo rwani. ¹² Mujomerwe na okukiriririrya ensonga (thawabu) yenyu murwire ninene. ¹³ Bhenyu numunyu gwa mukyaro. Nawe nyoore omunyu gubhurirye omuta gwaye eratura egaki okukora omunyu kweeki gutakutara okubha omujomu kukintu ekindi kyokyonse kweki gati nkurekera kibhara na okutajwa na amaguru gabhantu. ¹⁴ Bheenyu nubhurabhu bhwa ekyaro. Omugi gunu gwahayajwa eguru ya enkuku. ¹⁵ Nawe abhantu bhatiryokya engintara na okutura insi wa ekikapo, niga kukinara gyoonse giribhorokya bhonse bhanu bharingi munsi wa ensega. ¹⁶ Tiga obhurabhu obhurabhu bhurabhe kubhukangati bhwa abhantu kwaokubha ega bhagarore amakorwa geenyu amajomu na okumugungya taata weenyu hunu aringi murwire ¹⁷ Mutamanya naja okusarya eriragiriryo gati abharoti. Ntaaja okusarya okubha okuhikya. ¹⁸ Obhuhene ndabhakerya ega orwire na ekyaro bhyoose gihite yodi imwi waranukta imwi ya eriragiririryo erirusibhwa kwiragiriryo kuhika hayo kira ekintu kiribha kiweri okuhika. ¹⁹ Hego wowonse unu arabhuna eriragirirya eriike kumaragiriryo ganu okwihigirya abhandi okukora ego aribhirikirwa omuke kubhukama bhwa murwire. ²⁰ Kwego wowonse hunu aragwata na okugaegirya aribhirikirwa omukuru kubhu kama bhwa murwire. Kwaokubha ndabhakerya hanu erange kwaru ha kubhangori na mafarisayo kubhyobhyonse bhirya mutarisoha kubhukama bhwa murwire. ²¹ Mureegwa yagambwa akare ega, oteeta na wowonse unu ariita aringi mubhujibhya. ²² kweego ndabhakeerya wowonse unu aramu bhihirirwa muhiri waaye aribha kubhujibha Na wowonse unu arimukerya muhiri waaye ega uuwe nu muntu hunu atakwisa aribha mubhubhibhi bhwa mwibharaja. Na wowonse unu aragamba uuwe numukangi aribha kubhubhiibhi bhwa omururo gwa (Jehanamu) ²³ Kwego nyoore orarusya ekimwenso kyaho kuhasi wa okusyengerera orahituka okubha omuhiiri wao yana eringana ryo ryonse eguru yaho. ²⁴ Kitege ekimwenso kwisyengerero ogwate enjiira yaaho ogwatane na muhiiri waahung'o uuje okukiruusya ekimwenso kyao. ²⁵ Mugwatane na omusitakya waho bhwangu obhe hamwi nawe kunjira anu muragya mwibharaja, gati omusitakya wao aratura okutiga amabhoko kumujibhya na omujibha akutige mumabhoko ga omusirikare na uuwe orirekerwa mwibhohero. ²⁶ Obhuheene ndabhakeerya, oriurwa kibhara mpaka orihe esenti ya obhuteero ya embirya iinu oratongwa. ²⁷ Mweegwa yagambwa ega(usizini). ²⁸ Okubha ndabhakeerya wowonse unu aramurora omukari kwa okumuhanja amariri (okuzini) nawe mumutima gwaye ²⁹ Na, nyoore oriiso ryaaho rya okuryo rirakukorera okwikujura riihe na oryeese ahare na uwe kwaokubha nyakara ekirungwa ekimwi kumubhiri gwaho kisarike omubhiri omugima guteeswa (jehanamu). ³⁰ Na nyoore okubhoko kwaaho kwa okuryo kurakukorera okwikujura kukate okurekera hare na uuwe kwa okubha nyakara ekirungo ekimwi kumubhiri gwaho kisarike kuririko omubhiri omugima okurekerwa jehanamu, ³¹ Yagambwa kweeki wowonse unu aramukeknyara mukaaye na amuhaane (etaraka). ³² Okubha oni ndabhakeerya, wowonse unu aramutiga mukaaye erangekubha kwa orusumo rwa (zinaa) aramukora okubha (omuzinzi)Na wowonse unu aramugabhura kwa okumara okumauana (etaraka) arakora (obhuzinzi) ³³ Kuweeki mwegwa yagambwa kubharya abhakare. Mutateena kwa obhubheehi muhire obhuteeni bhweenyu kumukuru. ³⁴ Kwaokubha ndabhakeerya mutehimirirya hata hake gati ya orwire kwa orusumo rwa waryubha. ³⁵ Kora mukyaro okubha nahasi aokutura ekitumbi kya okutajira mubhutajiro bhwaye agati wa omugi gwa jerusaremu kumukama omukuru ³⁶ Kora otehimirirya kwa omutwe gwao kwa okubha otakutura okukora orutukya orumwi okubha ururabhu gati orumwamu. ³⁷ Niga aman'gana geenyu gabhe, hene, hene amuna, amuna kwaokubha gayo gararuha garareka kumusarya urya. ³⁸ Mwegwa yagambwa okubha, Eriiso kwa eriiso na eriino kwa eriino. ³⁹ Okubha oni ndabhakerya (mutashindana) na omuntu omusarya nyoore omuntu arakuteme emboto ya okutyo mukyukirye na ehindi kweeki. ⁴⁰ Na wowonse unu arakusingirirya okugya nawe (maiili) eimwi genda nawe maiiri ebhiri. ⁴¹ Kuwowonse hunu arakusabha muhaane otamwobhoha wowonse unu areenda (okukukopa). ⁴² Na nyoore wowonse arahanja okugya na uuwe mwibharaja akakurusya engibho yao ⁴³ Mwegwa yagambwa omuhanje omumenya ni waho na omubhihirirwe omusigu waho. ⁴⁴ Okubha ndabhakerya mubhahanje abhasigu bheenyu mubhasarirye nabhanu bharabha sarirya. ⁴⁵ Okubha mubhe abhana bha tata weenyu unu aringi murwire, kwaokubha arakora eryubha ribharabhirye abhabhibhi na abhajomu na arabhatwera embura abhabhibhi na abhajomu. ⁴⁶ Nyoore murabhahanje bhanu bhabhahanjiri bheenyu muranyoora omutuho ki? bhoono abhatabhya bha erigooti bhataku kora ego?. ⁴⁷ Na nyoore murabhakerenye abhahiiri bheenyu abhene muranyora ki kubhwaru bhwa abhandi? Bhoono abhantu bha mukyaro bhatakukora ego ego?. ⁴⁸ Bhoono murenderwa okubha abhahikya nkya esewenyu wa murwire nkyego aringi omuhika.