¹ Eribhaga rinu Yeesu yaamara amangana gayo akareeka gariraya, akagya murutunga rwa yudea embere kuruuji rwa yoridani. ² Omuganda omunene gakamuseeta, na akabhaweenya eyo. ³ Abhafarisayo bhakamuyako, bhakamusagya, bhakamukeerya, bhoono mbujomu omuntu okutiga mukaaye kwa eringana ryonse ryonse? . ⁴ Yeesu akakyukya akagamba, "mutaasoma ega unu yaakangata okubhumba yaabhumba omusaaja na omukari? ⁵ "Nakweeki akagamba, kung'ana hiyo omusaaja aratiga eseewaabho na ngina waabho na okugwatana na omukari waaye, na abhabhiri bhayo bharibha omubhiri gumwi?. ⁶ Kweego bhatari bhabhiri kweeki, nawe mmubhiri gumwi, mbe, kinuyakigwatan'ya waryubha omuntu wonse wonse atakyaahura" ⁷ Bhakamukeerya, bhooo nkwaaki musa yeekirirya okuruusya emborori na okumyatiga?. ⁸ Akabhakeerya, kwa obhukongu obhwa egiikoro gyeenyu Musa yeekirirya mutige bhaamukeenyu, nawe kurwa kare etaanga ego. ⁹ Ndabhakeerya ega, unu wowonse aritiga omukari waaye, kasi kwa engana eya obhusumbe, na akareeta oundi yaakora eya obhusumbe, na akareeta oundi yaakora obhusimbe, Na omusaaja unu arireeta omukari unu yaatigwa yaakora bhusiimbe, ^{10 12} Abheehigira bhakamukeerya Yeesu, nyoore niigo eringi kumusaaja na omukari bhuri bhujomu okuuteeta, ¹¹ Nawe Yeesu akabhakeerya, atari omuntu wonse wonse unu araturun'gane amehigiryo ganu, nawe nkubhanu bhekiriribhwa okuturungana. ¹³ Bhaamara bhakamureetera abhaana abhatuya naho abhatuire amabhoko eguru waabho na okusabha, nawe abheehigira bhaaye bhakabhakan'ya. ¹⁴ Nawe Yeesu akagamba ega, musikurire abhana abhaake, kora mutakabhakan'ya kuujambwa abhantu kya bheeki. ¹⁵ Akatuura amabhoko gaaye eguru waabho, akamara akareeka harya ¹⁶ Maha omuntu oumwi akaaja kuyeesu, "omwihigirya, nkintuki ekijomu kinu ndenderwa okukora naho nyoore obhuhoru obhwa eginsiku gyonseego? . ¹⁷ Yeesu akamukeerya ega, "nkwaaki orabhuurya nkitu kiha ekijomu? kuna omwigo owaheene, nawe nyoore oreende okunyoora obhuhoru, gwaata amaragiriryo aga waryubha. ¹⁸ Omuntu urya akamubhuurya, "mmaragiriryo ki? Yeesu akagamba ega, otige okwiita, otakakora obhusumbe, otakeebha, otakagamba obhubheehi,. ¹⁹ Osuuke eseweenyu na ng'ina weenyu na omuhanje omumenyani wao nkya omutima gwao. ²⁰ Omuntu urya akamukeerya ega, amang'ana gayo nagagwaata. Bhono nkyeenda eki?. ²¹ Yeesu akamukeerya, nyoore oreenda okubha owa heene, geenda ogurye bhinu unabhyo, na obhahane abhataka, na orabhe na ekibhumbiko murwiire, omare useete. ²² Nawe omumura urya yaaja okwiigwa amang'ana ganu Yeesu amukeererye, akarekaho asurumberi, kwa okubha yaaringa omwami bhukong'u. ²³ Yeesu akabhakeerya abhehigira bhaaye, mbukong'u omuntu omwaami okusoha kubhukama bhwa murwire. ²⁴ Kweeki ndabhakeerya, mbunyoohu engamia okuhita mwibhanga erya esindani, kukira omuntu omwaami okusoha kubhukama bhwa waryubha. ²⁵ Abheehigira anu bheegwa ego, bhakaruguura bhukongu bhakagamba "nguuha bhoono unu arihona?. ²⁶ Yeesu akabhamaha akagamba, "kubhantu eng'ana iyo etakuturiika kuwaryubha gonseego garatariika. ²⁷ Ho Petero akamuhunjura na akamukeerya "maaha twaatiga bhyoonsego twaaja kuuwe, turinyooraki. ²⁸ Yeesu akabhakeerya, "obhuheene ndabhakeerya unu yaanseeta oni, kukiibhuro ekihya anu omwaana wa Adamu ariikara kuntebhe eya obhukama eya obhukuru bhwaaye, nabheenyu murikara kuntebhe ekumina ebhiri egya obhukuru, okujibhyaegihamati ekumi na ebhiri gya ibhsisiraseri. ²⁹ Kubheenyu una yaatiga enyuumba, omumura, omuhara, tata maayi, hamwi omuguunda kuriina ryaani, arinyoora egana na okugabha obhuhoru bhwa eginsiku gyonsego. ³⁰ Nawe bhanu bhariingi embere kubhoono ego, bharibha abhe enyuma, na bhanu bhariinyuma bharibha abheembere.