¹ Abhafarisayo namasadukayo bhamgira ukumwihigira Yeesu abhorokye urubhaso rurarya mwisaru. ² Nawe Yeesu yabhaakyuka okugamba kokubha ego mugorobha muragamba ega ego omuyaga mjomu kokubha urwire ndukangaru. ³ Nanyinkyo mragamba umyaga gwalero gutari mjomu kokubha orwirye ndukangaru rukundi kirye orwire ronsego. Mumanyiri omurobhoko gwa orwirye. Nawe mtakutura orubhaso rya eribhaga. ⁴ Orwibhuri orusarya na ubhusimbe kiratuna orubha so, nawe rutario orubhaso runse ronse kinukirihanwa, kokubha trya ya yona nawe Yeesu akabhatiga akagya gyaye. ⁵ Abhuhigiribhwa bhakaja urubhara orya kabhiri, nawe bharinga bharabhirye okugega emikate. ⁶ Yeesu akabhakerya, mwiyangarire ibhe obhuheene endunduru ya abhafarisayo na masadukayo. ⁷ Abhehigiribhwa akabhuranya obhumwi bhwabho na okugamba nkokubha tutagega emikate. ⁸ Yeesu yamanyariyo na okugamba, "bhenyu bhano mna orusumo oruke, kwake mmanyiri na okugambana obhumwi bhwenyi na okugamba kyego nkokubhwa mtagegri emikate? ⁹ Kweki mtamanyiri walakuhituka girya emikate etanu kubhantu bhiku bhitanu, na ebhikapo bhiringa bhinu mwakuman'ya?. ¹⁰ Amwi mikate muungati kubhantu bhikubhina na ebhikapo bhiringa mwagega? ¹¹ Ebheri egaki kweki hata mtakumanya ega nanga ntakuhaira na bhenyu eguru yemikate? mwirinde na mwiya ngarire amatunduru abhaarisayo na masandukayo. ¹² Nawe bhakamanya ega yaringa atakubhakerya eguru yaokuyangarira na emikate kilingi ekitunduru, ego okwiyangarira na abafarisayo masadukayo. ¹³ Eribhaga Yeesu yahika ahasi wa kaisari ya Filipi, akabhabhu rya abhehigiribhwa bhaye akagamba "abhantu bharagamba ega omwana wo omtu niwi. ¹⁴ Bhakagamba, abhandi bharagamba ega origo yohana ombhatuja, abhandi, Eliya na abhandi, Yeremia amwi ouumwi wabho wa abharoti. ¹⁵ Akabhekerya bhenyu mragamba oni niwi?. ¹⁶ Akakukyuka simoni Petro akagamba, "uwe nkristu omwana wa waryubha aringi omuhuru. ¹⁷ Yeesu akakyukya na okumkerya wanonkyibhwa, simoni bar yona, kukubha amanyinga na enyama bhitakukundukurwa ego kego tata wani aringi mrwirye. ¹⁸ Onikweki ndakukerya ega uuwe Petro, na eguru kwitare rinu ndahagaja erisyengerero ryani, ebhiseku bhya emisambwa ritaritame. ¹⁹ Ndakuane uuwe orufunguro rwa abhakuru wa mryire, kinuorabhohe kukyaro kiribha kibhoherye mryire kukyaro kiratanyurye kuryire. ²⁰ Nawe Yeesu akabhakerya abhehigiribhwa bhatambhurya omntu honse honse ega weki yaringa kristu. ²¹ Kyego eribhaga riyo yeesu yaamba kubhakerya abhehigiribwa ega kweki agende Yerusalemu, okunyankibhwa kwa amanga na amaru gati mmabhoko ga abhakaruka na abhakuru na abhang'ora okwita na okuyuka orusikurya kasatu. ²² Kweki Petro akamgega Yeesu embarika akamkan'ya ega akagamba, "engana inu ebhe harenawe omkuru ritarobhokera owaho. ²³ Nawe Yeesu akakyuka na okumkerya Petro, "Inda enyuma yani erisambwa uwe okwanga kwaho ega kokubha otakwanda amang'a na gawaryubha ega amangana ga abhantu. ²⁴ Kweki Yeesu akabhakerya abhahigiribhwa bhaye, "Nyore omtu arende kunsingirira oni kweki eyange weki omwene, agugege umsaarabhya gwaye na yansingirire. ²⁵ Ega kyego unuarenda okugiturya eginsu gyaye aragibhurye na kyego unuarabhurya eginsiku gyaye?. ²⁶ Bhunu mbweraki bhunu ari nyora omntu akanyora ekyaro gyonsego nawe akabhurya eginsiku gyaye? ²⁷ Kyego ega omwana wa Adamu arija gati ya obhurabhu bhwa waryubha waye na bhamaraika bhaye weki arimria kila omuntu kuring'ana na amakorwa gaye. ²⁸ Nawe ndabhakerya bhario abhamwi bhenyu mwimiriri hanu bhanu bhatarurabha oruku mpaka anubharimrora omwana wa Adamu araja gati ya ubhurabhu bhwaye