¹ Orusiku ruyo yareka ika akagya kuikara kumvamlo gwenyanya. ² Aambhatu abharu bhekumania kuimwinara yasala kubhwato na kuikaramo, Abhantu bhonsego lahetimina kumrambo gwe enyanja. ³ Hayo Yeesu Yahaira amang'ana maaru kwe misusano, mmale omuhambi ya okubhusura. ⁴ Hanu yanga rabhusura egibhusiro egindu gyagwa ambarika ya enjira ebhunyonyi bhikaja bhikasondogora. ⁵ Egimbusiro egindi gikagwa kuitare, giyo gitanyora erirobha rya okwisa, kobhwangu gyamera kwa akubha ritanga enene. ⁶ Nawe hanu omubhasu hanu gwabhara gyarungura kwa okubha gitanga na emirina gikoma. ⁷ Egumbusiro egindi gyagwa agati mumawa, emiti gyamawa gyakuma kugya eguru gikaginyitirirya. ⁸ Egimbusiro egindi gyagwa kuirobha erirobha erijamo na kuibhura egimbusiro, egindi manga egana rimwi, egindi manga mirongo esansabha egindi manga mirongo esansabha egindi manga mirongo esatu. ⁹ Hunu yana amatwi na yegwe ¹⁰ Abhehigira bhaja na kumbhurya, kwaki orahaira na abhantu mumosangiryo kwa miisusano kwa miisusano?. ¹¹ Yeesu akabhakyukya akabhakerya, Mwahanwa obhungairya bhwa okumanya obhukama bhwa muruive mawe ebhindi lhitahamwa. ¹² Nawe wonse wonse urya yanankyo arirusibhwa. ¹³ Kwego ndahaira mabho kwa bhususano kwa okubha bhararora, bhatige okurora obhuhene. Na nyoora bharegwa bhatige okwigwa, na okumanya. ¹⁴ Oburoti bhwa omuroti Isaya bhwabhahikiribheki bhurya bhuragamba. Hanu mrategerra mwigwe kwa orusumo rorose mtamanye, eribhaga mrarora mture okurora, nawe kurusumo ryuyose mtamanya ¹⁵ Na emitima ya abhantu bhanu gyabheri kismute mbukangu okwigwa na bhahindirirya bhatige okurora kwa ameso gabho, amwi okwigwa kwa amatwi gabho, amwi okumanya kwe emitima gyabho bhakaminurira oni ndabhaweniya. ¹⁶ Hataego amesogenyu ganonkwa kwa okubha gararora, na amatwi genyu ganonkwa kwokubha mregwa. ¹⁷ Amahene ndabhakerya abharoti abharu na abhatu abhahene, bhanga bharenda kumanya amangana ganu mnago nawe bhatatura kugarora, bhendanga okwigwa ganumwegwanga bhatagegwa. ¹⁸ Bhono mwigwe ekirengyo kya omuhambi. ¹⁹ Kuribhaga ryonse hunu aregwe eringana rya obhukama na atige kurimanya, hayo ng'o omusarya araja na kukisaka kinunyahga hambiri, nimtima gwaye hii ni embusiro inu yangaheha mbirwe munjira. ²⁰ Huu yahamba kwitare ngurya aregwa eringana na kurigega bhwangu kwa okujomerwa. ²¹ Akyari kubha na emiri muntima gwaye nawe yaterema kuribhaga etuya, hanu enyanko amwi okunyoonkibhwa hanu gamujako arekujura bhwangu kuring'ana na kugwa. ²² Hunu yabhusura gatigati ya emitigya amawa hunu ngurya yegwa eringana nawe enyanko ya mkyaro na abhubhei, obhwani bhitakora eringana ritige okurusha emisumo. ²³ Hunu yahamba kwirobha erijomu ngurya yegwa eringana na kurimanya, hunu ngurya arebhura emisumo na okugendererya okwibhura kamwi bhukong'u mara gana, erindi mirongo esamsabha erindi mirongo esatu. ²⁴ Yeesu yabhahawa ekirengyo ekindi akagamba obhukama bhwa mvurumire bhurahukamibhwa na amuntu huu yabhusura embusiro enjomo mmguunda gwaye. ²⁵ Nawe hanu yasmundagira abhasigwa bhaye bhakaja bakabhusura amanyanki gatigati ya embusiro nawe akagya gyae. ²⁶ Hanu engano yamera na okurusha embusiro hayo ngo amanyanki garobhoka ²⁷ Hanu abhagaye bha omwene mgunda bhaja bhakamkerya "omukuru otahamba embegu njomu mmugunda gwao? ebhiri egaki rina amanyaki?. ²⁸ Akabhakyerya omusigu ng'o yakora ganu, abhagaya bhakamkerya kwego orenda tugende tugehe? ²⁹ Omwene mgunda aragambe; Ntakwenda hanu mrehe amanyanki mwakehe na engano hamwi. ³⁰ Mtige gakina mriha hanu erigesa ririhika, kuribhagaya erigesa ndihaira kubhagesi kwamba mwihe amanyanki na mgabhoe miganda miganda na kugasamba. Nawe mkumamie engano mkitara kyani. ³¹ Nawe Yeesu yabharusirya ekirengyo ekindi akagamba obhukama bhwa mrwire bhurahukaa na mbusiro enke yaharadari hinu omuntu yagega na kuihamba mmugunda gwaye. ³² Embusiro hinu obhuhene mintija okukira egibusiro egindi. Nawe hanu aramera erakina okukira egimbusiro egindi mmgunda erabha kya omti hata obhunyonyi bhya mmasaru bhiraja bhihagajako ³³ Akabhabhurya ekirengyo ekindi obhukama bhwa mrwire nkya obhutundura bhurya bhwagegwa na omukari na kusangana ebhirengo bhisatu bhikebhuka. ³⁴ Gayo gonsego Yeesu yagahaira mbhireengyo ebhyaru, bhura bhirengo atahaira kyokyonse kubheki. ³⁵ Hunu yaringaana kirya kyamara kyamara kuairwa kuitira kubharooti kibhe harya yagamba. Ndamanyirirya amwa gwani kubhrengyo, ndigamba amangana garya ganu gangagabhisirwe kwambira obhubhumbwa ekyaro. ³⁶ Yeesu akabhatiga abhantu akagya ika abhehingira bhaye bhamseta no okugamba. ³⁷ Turonderera ekirengyo kya amanyaki ga mumgunda. Yeesu akahunjura akagamba unuabhusura embusiro enjomu ni omwana wa Adamu. ³⁸ Omugunda niekyaro na embusiro enjomu bhanumbana bha obhukama, amanyanki ni omwana wa omsarya na omusigu unu ya hamba ni erisambwa. ³⁹ Kimwi yanyora mwigesa ni ekyaro na abhagesi ni Maraika. ⁴⁰ Kyego amanyanki garakumanibhwa na kusambwa mmururo egonigo eribha orusiku rwa obhutero bhwa ekyaro. ⁴¹ Omwana wa Adamuu arireta Maraika wake nakukumania okureka mubhukama bhwaye amangana gonsego ganu gakora obhusarya na bharya bhakora obhusarya. ⁴² Bharyeswa bhonsego mubhutikiro rya omururomyo mribhaokukura na kuirumarwa. ⁴³ Hayo ngo abhahene bharingesangesa kya eryubha mbhukama tata hwe sowabho hunu yanaamatwi na yegwe. ⁴⁴ Obhukama bhwa mrwire kyego enonkwe hinu yabhiswa mumugunda, Hanu omuntu arairore na okuibhisa kubhujomerwa bhwaye akagya kugurya bhyonsego bhinu yanga yanabhyo na kugura omugunda. ⁴⁵ Kweki obhukama bhwa mrwire ni kama mtu unu aakora bhiashara hunu aratumwa ejahabu ya thamani. ⁴⁶ Hanu yarora enjomu hirya yagwa akagurya bhyonsego bhinu yanga yanabhyo na kuigura ⁴⁷ Obhukama bhwa murwire kye omtego gunu guringi mnyanja gurakunamia abhyonsego bhinu bhiringi mnyanja. ⁴⁸ Hanu gwenjura gwarutwa kumrambo hayo bharekara hansi bhakakumania ebhijomu musiya ebhintu, nawe mabhinu bhitakwendwa bhireswa hare. ⁴⁹ Irubha ego mubhutero bhwa ekyaro, Maraika bharijo na okubhagabha abhatu abhasarya okurwa mbhatu bhobhuhene. ⁵⁰ Nakubhesa mwitanuru rya mmruro hayo eribha kukara na kuirumaruma. ⁵¹ Mwamanyiri amang'ana ganu gonsego ? Abhekigira bhakamuhunjura "migo" ⁵² Yeesu akabhakyera "omugori hunu yabha omwi higira wa obhukama arahukana na hunu yanenyumba ararusha mbhitu bhyaye ebhiya na bhya kare. ⁵³ Hanu Yeesu yanamara ebhurengyo bhiyo akarwa orubharika ruyo ⁵⁴ Yeesu akaika mmkoa gwaye akamba kubha hingirya abhantu mumaasinagogi abhantu bharugura na kugamba, Ng'asha omuntu hunu yanyora entungwa ya okurugurya. ⁵⁵ Omuntu hunu atari omwana wa Seremara? Mariamua atari ngiwa wabho? na abhairi bhaye bhatari bha Yakobo, Yusuph na Yuda?. ⁵⁶ Abhahara bhabho tunabho owetu hanu bhono omuntu hunu yaganyora ganu haagosego? ⁵⁷ Bhambhihirwa nawe Yeesu akabhakerya "omrootu atakubhura okukumibhwa nawe ewabho namkyaro kye wabho. ⁵⁸ Na hatatura okukora ebhiruguryo bhyaru kwakubha bhatanga na imani naweki