¹ Eirbhaga riyo, abhatobhya bha erigoti na abhasarya abhandi, aringa bhamujira Yesu naho bharamwingehererya. ² Mbe, ekakora abhafarisayo na abhe higirirya amaragiriryo ga Waryubha bheenge herya ega omukuru ndegwa. ³ Yeesu akagamba ekirengyu kinu kubheki, akagamba. ⁴ Niwi kubheenyu, kweki yana amang'ondi egana rimwi akabhurya imwi yabho, arabhatige mirong'o kenda na kede mkirisya agye okutuna inu ebhuriri mpaka ainyore. ⁵ Nahanu arahinyore, araaigegere kuririko kwa obhujomerwa. ⁶ Hanu araiike iika, araabhirikire abhasaani na abhamenyani baaye abhakeerye ega, "Tujomerwe hamwi kwa okubha eng'ondi yaani inu yaaringa ebhuriri, ng'inyoreri.' ⁷ Ndabakeerya ega, ego ego, haribha obhujomerwa bhwaaru murwire, nyoore omusarya umwi arimwihunjurira Waryubha obhujomerwa eguru ya omuntu umwi unu yaaringa abhuriri na akamwihunjurira Waryubha, bhuribha obhunene okukira bhwa eguru ya abhantu mirongo kenda na kenda abhaheene, bhanu bhataabhura." ⁸ Yesu kweki akabhakerya ekire ngyo ekindi ega, "Tugambe omukari umwi yaana egimbirya ekumi. Nyoore eimwi erabhure, ataagwate ekorobhoi, na okweyerera enyumba yonsego, aitune mpaka ainyore? ⁹ Hanu arahiinyore, araabhabhirikire abhasaani na abhaamenani bhaaye, abhakeerye ega, "Tujomerwe hamwi, okukubha embirya inu yaaringa ebhuriringi nyoreri. ¹⁰ Ndabhakeerya ega, ego ego ni ego Waryubha arajomerwa embere ya bhamaraika, hanu omusarya umwi araamwihunjurire." ¹¹ Yesu akabhakerya yaringao omuntu umwi. Omuntu uyo, yaaringa na abhaana abhabhiri bha ekimura. ¹² Omuke akamkeerya esewabho ega, "Tata ng'aana eng'abho yaani. Mbe, esewabho uyo, akabhaga bhanya ebhintu bhyaye. ¹³ "Eribhaga rya eginsiku nke ego, omwana uyo akakumanya ebhintu bhyaye bhyonsego, bhinu ese wabho yaringa amuheeri, akabhigura akagya mukyaro kyahare. Hanu yaahika eyo, akarya egihera bhu yagahaga, akamara chwe. ¹⁴ Hanu yamara egimbirya gyonsego, mkyaro kiyo ekabha mo enjara enduru bhukongu. Okukubha ataringa na ekintu kyonse kyonse kyo okurya. ¹⁵ Akagya kumuntu umwi wa mukyaro muyo akamsabha emirimu. Omuntu yu akamutuma mimigunda okumrisirya egingurubhe gyaye. ¹⁶ Omwana uyo akegwa omweko mpaka akagwatwa na enamba ya okurya amakanda ganu gingurubhe gyaryanga girarya nawe, atatuuka omuntu unu yamuaananga ekintu kyonse kyonse kya okurya. ¹⁷ "Kubhuteero, obhung'eni bhwaye bhukaamba okumhindira, akegambira omwene ega, Abhagaya bhatata, baana ebhyakurya, bhararya, bhiratama! nawe oni hanu ndarambuka. ¹⁸ Ndaahunjuke kutata, mumukeerye ega "Tata mumusarirye Waryubha nkusarirye onse. ¹⁹ Ntakwenderwa kweki okubhiri kirwa omwana waho kwa ego ndakusabha. Unkore kya oumwi wa abhagaya bhaho." ²⁰ Mbe akamba orugendo, okuhunjuka ku esewabho. Hanu yaaringa akyari, esewabho akamurora, akagwatwa na ekyabhira Akamukenyerera omwana waye, akamuhumbata. ²¹ Omwana uyo akamkerya esewabho ega, Tata, mmusarirye Waryubha nkusarirye uuwe onse. Ego, ntakwenderwa okubhirikirwa omwana waho. ²² Nawe esewabho akakerya abhagaya ega mumureteere omwenda omujomu bhwangu mumwibhoye na eginkeeto kumaguru. ²³ Hanu muramare mugire eng'o mbe enure inu twaringa tuseme rye ku orusumo rwa enyangi. Muigoge museemye enyangi enene, turye tujomerye. ²⁴ Kwa okubha omwana wani yaringa muna akwiri, bhono ego, ahukiri. Yaringa arobheeri, bhoono ego atukiri kweki;' mbe, bhonsego bhakaamba okujomerwa hamwi. ²⁵ Eribhaga riyo omumura omutangi wo omuntu uyo aringa agiri kumugunda. Hanu yaahika hang'i na iika wabho eribhaga yahunjuka nga okurwa kumugunda akegwe omujiki gurareetye na abhantu bharabhina. ²⁶ Akabhirika omugaya umwi, akamubhuurya ega, Niki kituukiri iika hayo? ²⁷ Omugaya uyo kamukyukya ega, omuke waaho yajiri, na esewenyu amugogeeri eng'ombe enure irya, kwa okubha ahunjukiri omuhuru kweki. ²⁸ Omumura omutangi uyo, akajima obhukong'u akanga okusoha munyumba kimwi esewabho akahuruka kibhara, akamukomererya asohe. ²⁹ Omumura waye oyo, akamkerya ega itegerera! Mumyaka eringa ginu naabha nda kukorera emirimu, ntakatigiri okugwata amaragiriryo gaaho Nawe, otakangeri kora ekimanwa kya emburi, nkore enyangi hamwi na abhasaani bhaani. ³⁰ Nawe, omwana waho unu yaarya ebhintu bhyaho na abhasimbe bhuyaga yaga, weeki aikiri ego, aramugogera eng'ombe enure; ³¹ Esewabho akamkerya ega omwana wa owe wekara hamwi naoni eginsiku gyonsego, na ebhintu bhinu bhyonsego mbyaho. ³² Nawe omke waaho yendeerwe tumkurere enyangi na okujome rwa hamwi. Kwa okubha yaringa muna akwiri, bhono ego ahukiri, yaringa mnaarobheri, bhoono ego, atukiri kweki."