¹ Orusiku rumwi, Yesu yaaringa ahasi nya bhurebhe, aramusabha Waryubha. Hanu yaamara okusabha, oumwi wa abheehigirira bhaaye akamukeerya ega, "Omukuru, otwihigirye kya ega turaabhenga turasabha Waryubha, kya ega Yohana omubhatiji yaabheehigirya abheeigira bhaye." ² Yesu akabhakeerya ega, "Hanu muraabhenga murasabha Waryubha, mugambe ega, "Tata (wetu unu oringi mu rwire)," eriina ryaho rikumibhwe, obhukama bhwaho bhuuje. Ameega gaaho gakoreke, mukyaro hanu, kye ego murwireeyo ³ Otuhaane ebhyakurya kira orusiku. ⁴ Otwabhire obhusarya bhwetu, kya ego na bhetu turabhaabhira bhanu bharatusarirya. Atakaatutiga tusohe mumasakyo.' ⁵ Mbe, hanu yaamara okubheeigirya, akabha keerya ekire gyo ega, "Tu gambe ega, oumwi weenyu nyoore akagiiri ku omusaani waaye obhutiku gati, omukeerye ega, 'Musaani waani! Ndasabha emikate esatu. ⁶ Kwa okubha omusaani waani ahikiri owani okurwa murugendo, na ntaana ebhyakurya bhya okumuhana. ⁷ Nawe omusaani uyo omukyukye ega, otanyakya! Mumariri okusiika ekiseku, ndeeri na bhaana bhani. Ntakutura okubhuuka okukuhaana ekintu kiyo kyonsego.' ⁸ "Bhoono, ndabhakeerya ega kora onyoora weeki mumusaani waaye ataabhuuke okumuhaana omukate, nawe, kwa okubha omusaani uyo aragendererya okusabha bira okukwa omutima, arabhuuke omuhane kiyo kyonsego areenda. ⁹ "Kwa ego, oni ndabhaakerya ega, musabhe Waryubha, bheenyu murisikurirwa. ¹⁰ Kwa okubha, kira omuntu unu arasabha arahaanwa, na kira omuntu unu aratuna aranyoora, nakira omuntu unu arasikurya, arasikurirwa. ¹¹ "Niwi kubheenyu bha tata, unu omwanaa waaye arasabhe omukate amuhaane erigina? Kasi, aramuhane enswi, amuhaane njoka? ¹² Kasi, araamusabhe eriigi, amuhaane ekitoromoni? ¹³ Kwa ego, bheenyu onyoora muringi abhasarya, mumanyiri okubhaana abhaana bheenyu ebhintu ebhijomu mbhe, mbhuheene ega, esewenyu wa murwirye mumuheene bhukongu kwa ega, weeki arikora bhujomu bhanu bharamusabha." bharibha na omutima gwaye omurabhu bhanu bhanu bharamusabha." ¹⁴ Orusiku rumwi Yesu yaaringa arake riya ekiwi eki bhibhi kumuntu un yaaringa abheri eri mumu ekiwi kiyo hanu kyamu hatira akahaira kweki ouganda gwa bhantu bhakaruguura. ¹⁵ Nawe abhandi bhakagamba ega "Arakenya ebhiwi kwa obhuturo bhwa Beelzebul, omukuru wa ebhiwi ebhibhibhi." ¹⁶ Abhandi bheendanga okumusakya Yeesu, bhaaringa bharamusabha abhoorokye ebhimanyiriryo okurwa murwire. ¹⁷ Nawe akamanya ametegerero gaabho, akabha keerya ega obhuka mabhuyo bhonsego, hanu bhuraahu nkane, bhutakuguma. Nabhantu bhe enda eimwi hanu bharaarwane, bhatakuguma okwahukana. ¹⁸ Ego egona erisambwa, rire hakariya eryene ego, obhukama bhwaye bhureemirira egaki? ndagambega kwa okubha bheenyu muragamba ega, ¹⁹ ndakenya ebhiwi kwa obhuturo bhwa Beelzebuli, kora abheehigira bheenyu bhonse, bharabhikenya kwa obhuturo bhwaye. Kwa ekisigo kiyo, abheeigira bhayo, bharibhoro kya ega bheenyu mwasarya. ²⁰ Nawe, nyoore oni ndakenya ebhiwi kwa obhuturo bhwa Waryubha ensonga yaayeni ega, obhukama bhwaye bhumariri kubhaikiira. ²¹ Mwitegerere ekirengyo kinu! Omuntu unu yaana eginguru naaraangarira ebhintu bhyaye kwa ebhigwato iika awaye, ebhintu bhyaye bhyonsego bhitakukunibhwa. ²² Nawe, omuntu oundi unu yaana eginguru okumukira, hanu araaje amurwa riye, amuige, araamurusye ebhigwato bhyaye bhyonse gona bhinu yesigira, kimwi agege ebhintu bhyonsego na okubhigabhanya kuabhandi. ²³ Bhoono, omuntu uyo wonsego unu ataringa orubhaara rwani, weeki ngo omusigu waani. Na omuntu uyo wonsego unu atakukumanya hamwi na oni weeki ngo aranyaraganya. ²⁴ "Ekiwi ekiwi bhibhi kira kenyi bhwa okurwa ku omuntu, oranyoora kiresingura singura kukibhara, kiragamba ega, Ndaunjuka munyumba yani, munu narwa; ²⁵ Hanu kiraahunjuke kinyoore enyumba yee heereerwe na eseemiibhwe bhujomu. ²⁶ Hayo, kiragya okureeta ebhiwi ebhindi muhungati, ebhi bhibhi bhukongu okukira kya ega yaaringa arwariri obhwo kwamba." ²⁷ Yesu hunu yaaringa aragamba gayo omukari umwi akamukerya kwa eriisi ega, yaano nkwa omukari unu yaakwibhuura na okukuneen'ya!" ²⁸ Nawe Yesu akagamba ega, "Tiego bhaanonkwa bhanu bhareegwa ering'ana rya Waryubha, na okurigwata!" ²⁹ Eribhaga rinu, abhantu bharinga bharagendererya okwikumanya ku Yesu akabhakeerya ega "Abhantu bha orwi bhuro runu, muringi abhabhibhi muratuna ekimanyiriryo, nawe mutaryo orokibhwa ekimanyiriryo ekindi naho, muryo ro kibhwa kya omurooti Yona. ³⁰ Kwa ensonga ya ega, Yona yaringa kimanyiriryo kya abhantu bha mumugi gwa Ninawi ni ego omwana wa Adamu, aribha ekimanyiriryo ku abhantu bha orwi bhuro runu. ³¹ "Eribhaga rya omukama Solomoni yaaringa aratunga ho omukama umwi omukari uyo, yaaringa aratunga ebhyara bhya taragweta weeki yaagenda orugenda okurwa mubhyaro bha hare, naho yeegwe amang'ana gaegintugwa gya omukama Solomoni, mbe, orusiku rwa obhuji bhu, omukama uyo, arimirira na okubha jibhya abhantu bha orwibhuro ruyo ega, mbha abhusarya. Nawe mumanye ega, oni ndingi hanu omukuru okukira Solomoni. ³² "Kweki, orusiku ruyo rwa obhujibhu, abhantu bha mumugi gwa Ninawi bhonse, bharimiirira, nabharijibhya abhantu bha orwi bhuro runu ega, mbha obhusarya. kwa okubha, abantu bhayo bha Ninawi, hanu Yona yaabharaarika Ering'ana rya Waryubha, rumwi ego bha kamwi hunhurira Waryubha. Nawe mumanye ega, oni ndingi hanu, omukuru ku kira Yona. ³³ "Atariho omuntu unu aragwatya ekorobhoi, kimwi araikundi kirya kwa okuibhisa Araituura eguru kukisuunga, naho abhantu hanu bharasoha mukinyumba, bhorore obhurabhu bhwayo. ³⁴ "Ameeso gaaho nkya ekorobhoi ya omubhiri Nyoore mumahoru, omubhiri gwaho gwonse gurabha nobhurabhu. Nawe, amee gaho garaabhe amasariku, omubhiri gwaho gonse gurabha na ekisunte. ³⁵ Kwa ego, gutariija okubha ekisunte. ³⁶ Kwa okubha, nyoore omubhiri gwaho gonsego guu endingasi bira ekisunte kyokyonse, guring'ara, kya ego ekorobhoi erakumirikira kwa obhurabhu bhwaye." ³⁷ Yesu hanu yamara okugamba gayo, omufarisayo umwi akamugenihya, agende iika waaye okurya ebhya kurya. Akagya, akasoha munyumba, akeera okurya ebhya kurya. ³⁸ Omufarisayo uyo, akaruguura bhukongu hanu yaarora Yesu ararya bira okwisaabha kya ego ekimiira kyabho kyagambanga. ³⁹ Nawe Omukuru Yesu akamukeerya ega, "Beenyu Abhafarisayo, mureeeraama kwa okwo gya ekikombe naeki tubha kwa kibhara, enu mumitima gyenu mwijwiri orunamba na obhusarya. ⁴⁰ Bheenyu abhateng'o! Unu yabhumba omubhiri ng'o yaabhumba omutima? ⁴¹ Mubheerenga abhataka kwa emitima gyenyu gyonsego, nho bhyonsego bhiraabhe, bhyo giibhwe kuorusumo rwenyu. ⁴² "Murikirora bheenyu Abhafarisayo kwa okubha muramusirya Waryubha egijaaka gya ebhyakurya kya omunyu, ebhitunguru, omuchicha na emikubhi egindi, enu muratiga okukorera abhandi amang'ana ga obhuheene na okumuanja Waryubha. Gayo mureenderwa okugakora, hamwi naokumurusirya egijaaka giyo. ⁴³ "Murikirora ko kwa okubha muhanjiri okwikara kubhitumbi bhya abhakuru mumasinagogi, muhanjiri okukeerani bhwa kwa okusuukwa mumidiira. ⁴⁴ Murikirorako, kwa okubha bheenyu nkya abhakubhanu bhaagunda mugimbihira ginu gatakumaahwa, na abhantu bharaita bharagitaja bira okumanya ega, mumugiro." ⁴⁵ Rumwi ego, omwihigirya umwi wa amaragiriro ga Waryubha akamukeerya Yesu ega "Omwihigirya na bheetu abheehigirya bha amaragiriryo, ga Waryubha." ⁴⁶ Yesu ka mukyukya ega, "Na bheenyu abheeigirya bha amaragiriryo, murikirorako, kwo okubha mureetikya abhantu omurigo omurigo gwa amaragiriryo, gunu bhatakutur okugukora. Kora mutakubhasakirya okugukora guhuhe naho bhanagye okugukora. ⁴⁷ Murikirora ko, kwa okubha murahagaaja egi mbhihira eginjomu gya abharooti, nawe abhantu bhanu bheeta abharooti bhayo, mubhajaaji weenyu. ⁴⁸ Kwa ego, muroorokya ega mureekirirya ganu bhajaaji weenyu bhaakora, kwa okubha murahagaaja egimbhihira gya abharooti bhayo, enumurajeera mang'ana gaabho. ⁴⁹ "Nkyo kyaakora Waryubha yaagamba kwa egintungwa gyaye ega, "Ndabhatumira abharooti n abhatumwa. Nawa bhariita abharikyabho, na bhandi bharibhanyakya; ⁵⁰ Kwa ega, orwibhuro runu runururijibhi bhwa kwa ekisigo kya amanyiga ga abharooti bhonsego ganu geetika okurwa ku bhwambiro bhwa ekyaro. ⁵¹ Gayo garyambira ku amanyinga ga Abeli, mpaka ku amanyinga ga Zakaria, unu yeetirwa murisyengerero erikuru rya Waryubha gati ya emeja yaoku mwensera na enyumba enkuru rya okusyengerera. Nda bhakeerya obhuheene ega, abhantu bha orwi bhurorunu bharijibhi bhwa kwa gayo gonsego. ⁵² Murikirora, bhenyu abheeigirya bha maragiriro ga Waryubha, kwa okubha mubhisiri orufunguro, rwa okusikurira ekiseku kinu abhantu bhakahitiiri bhamumanye Waryubha. Bheenyu abheene mutasoha, na bhanu bhaaringa bhareenda okusoha, mukabhakanya." ⁵³ Eribhaga rinu Yesu yaarwa hayo, abhafarisayo na abheeigirya bha amaragiriryo, bhakaamba okubha abharuru bhukongu ku weeki. Bhaaringa bharamubhuririrya amang'ana amaru. ⁵⁴ Naho bhamugwatye kwa amang'ana gaaye.