¹ Kurwa kumang'ana gayo, omukuru akachagura mirongo muhungati abhandi, no okubhatuma bhabhiri bhabhiri bhakangate kurwa kira omugi na ahasi hanu yatunanga kugya. ² Akabha kerya, amanyoro maru. Okubha abhakoribheemirimu bhake nahombhe mbhe musabhe omukuru owa amanyoro, nawe okubha atume bhwangu abhakoribhemirimu kurwa kumanyoro gaye. ³ Mugende kurwa omugi, mwangarire, ndabhatuma naho mumangondi gatigati ye egimbhwa mwitu. ⁴ Mtagega emifuko gye ehera naho omukobha gya abhagendi; hata ebhiratu, hata mtakerania wonse wonse kunjira. ⁵ Kurwa omugi gonse gonse ginu mrisohako naho mgambhe, majomu gabhe kumugi kunu." ⁶ Naho omuntu owa mahene ariho harya, amajomu genyu garibha eguru yaye, naho mtarikora ego garibharindira bhenyu. ⁷ Naho kurwa kumugi guyo, mrirye no okunywa kukinubharusya, kwo okubha abhakoribheemirimu arihamwa amanyore gaye, mtamganya kurwa omugi gunu kugiga gundi. ⁸ Omugi gwonse gwonse mrisohako, no okubhatura mrye kyonse kyonse kinu kiribha embhere yenyu, ⁹ na muhwenie abharweli bhanu bharimo muyo. Mugambhe kubheki, omwimiriri wa Waryubha yajiri hangi kubhenyu. ¹⁰ Naho kurwa omugi gwonse gwonse gunu mrisoha na bhataribhaturunga na, mgende kibhara embharika yeribharabhara na mugambhe, ¹¹ no aruteri kurwa omugi gyenyu ririgwata amaguru getu turiyeya kubhenyu! Nawe mumanye rinu, omukangati wa Waryubha bhikiri. ¹² Ndabhakerya okubha orusiku rwe ehukumu duribha nu orukongu bhukongu kuu Sodoma naho omugi guyo. ¹³ Ambhe kuuwe Korazini ambhe kuuwe Bethsaida! nyole emirimu eminene ginu gyakorwa munsi yaho gikakorekeri Tiro na Sidoni bhakasabhiri kare bhukongu, bhakekeri munsi ye emyenda gya erigumira na oruteri. ¹⁴ Nawe rukabheri orukongu bhukongu orusiku rye hukumu kuu Tiro na Sidoni bhukongu kubheki. ¹⁵ Uwe Kapernaumu, oramanya orimukibhwa kugya murwire? dutariho, bharikuhindya hansi kugya kuzimu. ¹⁶ Unuaribhetegerera bhenyu aranyitegerera oni, na wonse wonse aribha abhangiri arinyanga oni na wonse arinyanga oni arimwenda unu yantuma." ¹⁷ Bharya muhungati bhahinda kwo obhujomu, bhakagambha, mukuru, nyore amabhibhi gatakuja kurina ryaho. ¹⁸ Yesu akabhakerya namumaha omubhibhi akagwa kurwa mwisaru kye ekubha. ¹⁹ Maha, nabhahana obhuturo bhwo okutaja enjoka na nge, na eginguru gyonsego gya amabhibhi, na etariho kyokyonse kwe enjira yonse yonse kinukira bhanyahara. ²⁰ Nego mtajomerwa kurinu, kubha omutima girabhasabhira nawe mujomerwe bhukongu kubha amarina genyu gangorwa mwisaru." ²¹ Kurwa kunsa giyogiyo yajomerwa bhukongu kurwa kumutima omujomu, no okugambha ndakukumya uwe, obhuhene Tata, omukuru owa murwire na abhiaro, kwo okubha wabhisa amang'ana ganu kurwa kuu bharya obhobhuhene no obhongo, no okugorokya kuu kubhanu bhatararagibhwa, okubha abhana abhake mbho Tata, kwo okubha yajomerwa kuu kumeso gaho. ²² Naho ekintu kyahanwa kuoni na Tata wani, na atariho, unu amanyiri omuke ni wii naho Tata na atariho unuamanyiri Tata niwi no omwana, na onse urya omwana ariujomererwa okumaha kuweki. ²³ Aribhekyukirya abharagiribhwa, akagambha kubhumahi, bhahanwa obhujomu kuganu bharamaha gayo ganu bhenyu mragarora. ²⁴ Ndabhakerya bhenyu, okubha abharoti abharu na abhemiriri bhegombha okurora amang'ana ganu mrarora, na kubhanu bhatagarora no okugegwa ganu mwegwa na bhanu bhategwa. ²⁵ Mumahe, omorokerya oumwi wa amaragiriryo ga kiyahudi yemirira no okumubhurya, akagambha, omorokerya, nkore egaki ngabhe obhujomu nsiku gyonsego. ²⁶ Yesu akamukerya, kyangorwa kii kuu kumaragiriryo? Oragasoma gonse? ²⁷ Akakyukya akagambha, omuhanjiri omukuru Waryubha waho kwo omutima gwaho gwonse. Kwo omutima ghwaho gyonse, nguru gyaho gyonse, no kwo obhwongo bhwaho bhonsego, na abhajirani bhaho nego kumuyo gwaho. ²⁸ Yesu akagambha, obhuhunju rya kwo obhuhene. Kola ega na oribhaho. ²⁹ Naho omorokerya, aribha nenambha okwibharira omwene akamkerya Yesu na jirani waye ni wii? ³⁰ Yesu akahunjukya akagambha, omuntu oumwi yabhanga ararigita kurwa Yerusalemu kugya Yeriko akagwira gati ya abharushya, bhanu bharushya ebhintu bhaye no okumutema na kumutiga hang'i okubha omuku. ³¹ Kwo obhujomu omwimiriri oumwi yabhanga aretuma kuu njira hayo hanu yamumaha akahita orubharika orundi. ³² Hayo Mlawi wonse, yahika ahasi hayo na, akamurora akahita orubharika orundi. ³³ Naho omuhene oumwi, yabhanga aragenda, yahita harya yabhanga omuntu yamumaha, yasukumwa kwo okumwabhira. ³⁴ Yamusuntarira no okumubhoha ebhironda bhyaye, akamwitirira amaguta na divai eguru yaye, akamutirya eguru ye entienyi yaye na akamuhira gati kumugi gwa abhageni akamuturya. ³⁵ Orusiku rusikurunu rwafata yagega dinari ebhiri, na akamuhana akumugwatira omugi gwa abhageni na akamukerya, mumuhane kyonse kyonse kya arenda arye, ndikuhana hanu ndihinda. ³⁶ Nu wii gati ya bhanu abhasatu, aramanya, yabhanga jirani waho unu yagwire gati ya abharusya? ³⁷ Omuragirirya akagambha, ngurya yabhanga omwabhiri waye." Yesu akamubhurya, genda na okore hego hego." ³⁸ Bhono hanu bhabhanga bharagenda, bhasoha kwi kijiji kimwi, na omukari oumwi erina ryaye Martha yamukaribhisya kumugi gwaye. ³⁹ Yabhanga na muhara yabhirikirwanga Mariamu, yekaranga kumaguru ga omukuru na okwitegerera ering'ana ryaye. ⁴⁰ Nawe Martha yehana emirimu emyaru gyo gyokukora okurya, yagenda kuu Yesu, no okugambha, omukuru otakumanya kubha omuhara wani yantiga onkore omwene? Nego bhono mukerye yambhere." ⁴¹ Naho omukuru akamuhindya akamukerya. "Martha, Martha, oranyanka eguru ya amang'ana amaru, ⁴² Nawe ni ekintu kimwi tu kyo obhuhene. Mariamu yetora kirya ekijomu, kirya kitarirusibhwaho, kurwa kuweki."