¹ Kokubha bhoni, Paulo omubhowa wa Yesu Kristu korusumo yenyu rwekyaro. ² Ndakumya okubha eguru yomurimu gwenonkye ya Waryubha unu yang'ana orusumo ryenyu. ³ Ndabhan'gorerya okubha ego obhukurundukurwa nkyaego bhwa kundukurwa kuoni, bhunu mbuhene bhunu bhwebhisa bhunu nang'ora obhen'gi kunyarubha ehindi. ⁴ Oreigira okubha ghanu oratura okumanya obhumanyi bhwani kokubha obhuhene bhunu okubha Kristu. ⁵ Kobhwibhuri obhundi obhuene bhwabho bhutakorwa bhumanykane kubhana bha bhantu. Kwabhonwago waturwa mubhurabhu bhomutima gwa bhaghaya bhanu bhaurwa na bharoti. ⁶ Amahene ganu gebhisa okubha abhantu bhekyaro abhamwi bharikyetu nabhekyama bhari kyetu bhomubhiri. Obhumwi namaragano gya Yesu Kristu kuitira kung'ana. ⁷ Na kwa rinu ryakoreka kumukori wemirimu obhutuo bhwenonkye ya waryubha inuyarusibhwa kuoni kuitira obhukori bheginguru gyaye. ⁸ Waryubha yarusha obhutuo bhunu kuoni, okubha oni numuntu omuke wabhonsego bharya bhaurwa korusumo wa Waryubha. Obhutuho bhunu bhurenderwa okubhararikira ebharo eng'ana yo bhwami bhunu bhutakukagurika ku Kristu. ⁹ Ndenderwa okumaa bhantu bhonsego eguru obhusemyo wa Waryubha wobhuguni okusemya kunu kwanga kubhisirye kwe mwaka myaru ginu gyaita na Waryubha unu yabhumba ebhintu bhonsego. ¹⁰ Hinu yangega, kuitira kwishengere, nobhukuru hagati ahasi ya murwire bhanyore okumanya igimbara eginjaru egyewabho Waryubha. ¹¹ Ganu magendereryo kuitira obhusemyo bha koko bhunu yabhuhikwa munsi ya Kristu Yesu omukuru wetu. ¹² Kokubha Kristu tunobhuhari no bhuturo bhokusoha kobhuari kwokubha ye imani yetu kuweki. ¹³ Okubha ndabhasabha mutabhutura enamba kokubha ya manyanyaso gani okubha kubhenyu hambe mbhukuru bhwaye. ¹⁴ Kokubha rinu ndatema amaru kutata. ¹⁵ Okubha weki omuiri wo rwire eguru ye kyaro yabhirikira erina. ¹⁶ Ndasabha ega ahanwe okwiju ryibha, kurekana na obhwami bhobhukuru bhwaye abhakorere obhuhene kweginguru kuitira omutima gwaye, okubha munsi yenyu. ¹⁷ Ndasabha ega Kristu yekare munsi yemitima gyenyu kuitira eimani. ¹⁸ Ndasabha ega muwe eritinya ryobhambiro bhobhuanje bhaye, mubhe obhwendo bhaye mture okumanya, amwi na bhonse bhanu bharakumya, obhughari na bhutambi na insi yo bhuanje bha Kristu. ¹⁹ Ndasabha ega mumanye omukuru bhobhuanje bha Kristo, bhunu orongerya okumanya. Mukore ghanu mwijuribhwe na ukamirifu bhonsego bha Waryubha. ²⁰ Na bhono weki omwene aratura okukora e'ngana, bhukongu bhwabhwonsego turagasabha ganu turagera, kuitira kuginguru gyaye girakora emirimu munsi yeetu. ²¹ Kuweki bhubheo obhukuru munsi ye rishengerero okubha Kristu Yesu ko rwibhuro ronsego koko na koko. Amina.