¹ Petro omukangati wa Yesu Kristu kubhageni bha omunyragano, kubhanu bhachagurwa kureka kare gonsego, abhagaratia abhapadoki, abhahansia, abhabhithinia. ² Okurwa nho obhumanyi bhwa Waryubha tata kwo akogibhwa nho omutima omurbhu, kureka obhunyohu bhwa Yesu Kristu nho kwokwiririrwa amanyinga gaye obhujomu bhubha kubhenyu na obhujomu bhwenyu bhugendererye. ³ Waryubha tata omukuru, wetu Yesu Kirsto anonkwe. Okureka abhukuru bho obhwabhiri bhwaye yatuana okwibhurwa obhuya, nkyo obhuhari bhwaye obhuhanwa kuhitira obhwimuko bhwa Yesu kureka kubhaku, ⁴ kyo obhuanwa bhunu bhutakuwa, bhunu bhutakuwa, bhunu bhutaribha nho obhubhibhi bhunu bhukariwa, bhubhikirwe mwisaru kyo obhuhene bhwenyu. ⁵ Kwe eginguru gya Waryubha mwarindwa okuhitira obhuhene bho obhuturya bhunu bhuringi obhujomu okorokibhwa okureka amaragiriryo genyuma. ⁶ Mujomerwe kurinu kokubha ndarima kubhenyu okwihigwa obhubhibhi kuhitira amang'ana maru maru. ⁷ Rinu nkyokubha eimani yenyu ebhyo okusagya eimani hiyo ng'yo hiyo bhujomu okukira erigina eringaru rinu rirabhura kureka kumururo okusagya eimani yenyu rinu rirareka okubha eimani yenyu enyore okwibhura omukumo, mutima amurabhu go okusuka kukureka kwi bhumuko bhwa Yesu Kristu. ⁸ Tutaramurora weki okubh tumanyiri nwe tutakumurora bhono, ⁹ nawe tutakumukumya na weki, nawe tuna obhujomerwa bhunu bhwijuriri na obhuene. ¹⁰ Bhono mutaturung'ana bhenyu bhene amekyukyo ga eimani yenyu obhuturya bhwa okubha bhukabheri kubhenyu. ¹¹ Bharatuna kumanya ng'ainaki yobhuturya bhunu bhuraje bhutana kweki kumanya ndaki omutima gwa Kristu unu uringi munsi wabho yabhanga erahuruka nabho hinu yabhanga arabhabhurya bhwangu okumanya amabhibhi ga Kristu na obhutukufu bhunu bhwa ¹² musetanga.Yakundukurwa kubharoti okubha bhabhanga bharagakorera amang'ana gayo nho okubha nkubheki bhene nawe nkubhetu amagano ga amang'ana gayo, okuhitira kubhanu bhatata amang'ana na gayo amajomu kubhenyu ata makuka bharahanja okorokibhwa kwaye. ¹³ Bhono mubhoe ebhibhunu bhya obhumanye bhwenyu, mubhe abhaki riran'ya obhutegerero bhwenyu mubhe nho omutim omurabhu obhukari bho okwinuribhwa kwo omukuro Yesu Kristu. ¹⁴ Nyoore abhaana abheegwa mrabhowa abhene okubha amabhibhi mwatuna kubhunu mwabhanga mutana obhumanyi. ¹⁵ Nkwe nyoore unu yabhirikirwa kyego omurabhu, nawe bhenyu na mubhe ne enyoyo emirabhu eginsiku gyonsego gya amaragiriryo. ¹⁶ Okubha yang'orwa mubhe bharabhu okubha oni murabhu. ¹⁷ Okubha murabhirikira tata urya na eribhaga rya orugendo rwao kureka na omurimu gunu arajibhya kubhuene okuhunkana na omurimu gwo omuntu wonsego gendererya n eribhaga rya orugendo rwao kureka obhwisuhya. ¹⁸ Mmanye okubha atabhanga kwe egimbirya okubha etabhanga kwe egimbirya okubha etabhanga kwe egimbirya okubha erabhanga kwe egimbirya egindi gye erirabhu ebhintu bhinu bhirangamuka bhinu mturibhwa kureka mumbabhibhi bhenyu bho obhukangi, ginu mwe igira kureka mubhatata bhenyu. ¹⁹ Nuwe muturibhwe kumanyinga ga obhusuku bhwa Kristu nyoore ga ngoondi ganu gatana obhubhibhi. ²⁰ Kristu yachagurwa kurwa kare, nawe kuginsiku ginu gyo mwisho yemukibwa kubhenyu. ²¹ Obhujomerwa bwa Waryubha kuitira weki, okubha Waryubha yamunyoora. Kureka kubhaku na unu yamuhana obhukuru okubha obhumanye bhwetu bhubhe na ku Waryubha. ²² Mkoreri kubhujomu bhenyu okubha kuburabhu bho obhugendereryo bho obhene no obhujomererwa no obhuhanjani khurwa mumutima gwenyu. ²³ Mmariri okubhurwa orwakabhiri nao kugimbe gu ginu gitakusurikha kuhitira obhuhoru na emiaka na eryubha rinu ritigeni. ²⁴ Okubha emubhiri gonse mkama amanyanki, no obhukuru bhwaye bhonsego okubha erina rya erinyanki erhinyanki riroma, na eryubha ririho. ²⁵ Nawe ering'ana rya Waryubha rinatigara koko, bhunu obhwitegerero bhwakangatirwa na obhugambiro kubhenyu.