¹ Na vituhu akengia mwe sinagogi na mda nee mna muntu mwenye mkono wekuhooao. ² Wantu wekumwe wamtongea kwa hehi wakaue atin'nda ambhonye mwe msi wa sabato ili wapate kumgea mwe masa. ³ Zumbe Yesu akamwamba Yuda muntu mwenye mkono wekuhoooao, "Enuka ugooke gatigati ya utifii unu." ⁴ Akamwamba "Ivi ni vyedi kugosoa mbui yedi msi wa sabato au kugosoa yesayo haki, kuhonya ngima au kukoma? "Mia wasigaa bwii. ⁵ Akawakana kwa mbifya, akasininika kwa ajii ya ugumu wa myoyo yao. akamwamba Yuda muntu, "Enua mkono wako." Akawenua na Zumbe Yesu akambonya mkono wakwe. ⁶ Mafalisayo wakaita chongoi nee wagosoa yebo hamwe na Mahelode zidi yakwe ili wamkome. ⁷ Akaawaaho Zumbe Yesu hamwe na wahinywa wakwe wakaita bahalini hamwe na bunga kuu da wantu aliwatongea kuawiia Galilaya ya Uyahudi. ⁸ Na kuawa Yelusalemu, na kuawa Idumaya na mbele ya Yodani na hehi na Tilo na Sidoni, bunga kuu dekusikiaho kia kitu ekuacho akagosoa weza kwakwe. ⁹ Na akawamba wahina wakwe wagosoe mtumbwi mdodo kwa ajii uakwe kwa sibabu ya utifii, wesekweza kumfinta. ¹⁰ Kwa kua kahonya wangi ili kia mwekuae na sweba nee akatamiwa ambwiie ili amdonte. ¹¹ Hohose npepo wachama wekumwenaho wagwasi mbele yakwe na kuia, na wakamba we u mwana ya Mungu. ¹² Akawaagiia kwa kukong'ontea wesekutenda amanyike. ¹³ Kakwea wanga ya mwiima, akawetanga ekuwakundao wakaita kwake. ¹⁴ Akawasagua kumi na waidi (ekuwetangao mitume), ili wawe hamwe nae adahe kuwaagiia kubiikia. ¹⁵ Na kua na uweza wa kuavya npepo. ¹⁶ Na akawasagua kumi na waidi Simoni mwekwenkigwa zina da Petuo. ¹⁷ Yakobo mwana ya Zabedayo, na Yohana nduguye da Yakobo, mwekwenkigwa zina da Bonagesi, ao ni, wana wa tuntumo, ¹⁸ Na andweea, Fiipo, Batooomayo, Matayo na Tomaso, Yakobo mwana Alifayo Tadayo na Simoni Mkananayo. ¹⁹ Na Yuda, Iskaliote, mwendae amwehugute. ²⁰ Akabinda nee aita kaya, na utifii wa wantu wakeza hamwe vituhu, na nkaokudaha kuda hata mkate. ²¹ Familia yakwe yekusikiaho mbui iyo wenda kumgwia mana wamba "Kalukwa ni akii." ²² Wagonda wekwezao kuawa Yelusalemu waamba, "Kengiwa ni npepo ya Beelizebuli." na, "Kwa mtawala ya npepo aavya npepo. ²³ Zumbe Yesu akawetangwa kwakwe akatamwiia nao kwa mifano, "Kwa viivihi npepo adaha kumuavya npepo?" ²⁴ Ati ufaume ukepanga mwenye, ufaume uo nkaudha kugooka. ²⁵ Ati nyumba ikepanga mwenye, nyumba iyo nkaidaha kugooka. ²⁶ Ati npepo n'nda enudke badii yakwe mwenye na kwepanga, nkadaha kugooka na n'ndaawe kabua kiheo. ²⁷ Mia nkakuna hata yumwe mwendae adahe kwengia mwe nyumba muntu mwenye nguvu na kubawa vintu vyakwe pasi kumtaha mwenye nguvu na kubawa na kubawa vintu vyakwe pasi kumtaha mwenye nguvu bosi na akabinda akonge kia che umo nyumbai. ²⁸ Kwei namyambia, zambi zose wana wantu n'ndazifiiwe mbazi hamwe na kufuu zia watamwiiazo, ²⁹ Mia yoyose ndie amkufuu loho mtakatifu nkana afiiwe mbazi kabisa, bali ana hatia ya zambi ya kae. ³⁰ Zumbe Yesu kagombeka idi kwa ajii nee wakamba, "Ana loho ya uchama." ³¹ akabinda mamiakwe na wanduguze nee weza na kugooka chongoi. Wakaagiia muntu, amwetange. ³² Na bunga da wantu wekuao wekaa hehi wakamwamba, mamiako na nduguzo waaho chongi wakuonda wewe". ³³ akawatambaisa, n'ndai mame na ndugu zangu ³⁴ Kawakaua wekuao wekaa wekumzungukao nee amba, "Kaua awa ni wakina mmaa na wandugu wangu! ³⁵ Yoyose ndie agosoe vikundwavyo vikundwavyo ni Muungu, muntu uyo ni ndugu yangu, na umbu dangu na mame".