¹ Iki ni kiroko cha injili ya Yesu Kristu Mwana ya Mungu. ² Kama yekuandikwayonimabili Isaya, kaua mamtuma mjumbe yangu mbele yako, niee ndiye agosoe sia yako. ³ Sauti ya Mungu mnwetanga nyikani sia zakwe. ⁴ Yohana keza, akabatiza nyikani na kubiikia zambi. ⁵ Sii yose ya Yudaea, na wantu wose wa Yerusalem waita kwakwe. Ne wakabatiizwa mwe mto Yolodani. Wakaungama zambi zao. ⁶ Yohana nee akavaa vazi da mazoya ya ngamia na mkanda wa babu mmre kigudi chakwe; na mee akada sige na hasai ya mzitui. ⁷ Ne akabilikia na kugombeka, kuma mweza badii yangu ana nguvu kuliko mimi, na hina hazi hata yakwenama si na kutaha sigi za viatu vyakwe. ⁸ Mimi nkiwabatiza kwa mazi, akini andaawabatiize nywinywi kwa loho Mtakatifu. ⁹ Ikatenda mwe iyo misi kwa zumbe Yesu keza kuawa Nazareti ya Galilaya, wa Yolodani. ¹⁰ Ukati Zumbe Yesu akwemukah kuawamwe mazi, tikaona mbingu zikapanga chazae na loho akaseeea asi kwa mfano wa ngiwe. ¹¹ Na sauti kuawa mbinguni ikagombeka, wee nee mwanangu mkundwa, nekutamwae naye. ¹² Akabinda baad ya hada loho akamuo ngumiza kuita nyikani. ¹³ Kekaa nyikani misi alubaini ukuageezwa ni shetani, Nee yuhamwema wanyama wa mzitui. Na malaika ne wakamhusumia. ¹⁴ Baada ya Yohana kugwiwa, Zumbe Yesu akeza Galilaya uku abbiikia injili ya Muungu. ¹⁵ Akamba, mda ubua na ufaume wa Munguu uhehe. Sosoani na kuamini mwe injili. ¹⁶ Ne akenda nkandankanda ya bahali ya Galilaya akamwona Simoni na Andwea nduguye watambika nyavu zao mwe bahali, me ni wavuvi. ¹⁷ Zumbe Yesu akawamba Jooni, nitongeani na ndani watende wavuvi wa wantu. ¹⁸ Saa iyo wakabada zia nyavu wakanitongea. ¹⁹ Ukodi Zumbe Yesu ekubuaho hae kidogo akamwona yakobo mwana wa Zebedayo na Yahana nduguye ne wa mwe mtumbwi uku wagosoa nyavu zao. ²⁰ Hamka akawetanga, na wowe wakambada tati yao Zebedayo mwe mtumwi, na wandima we kukodishwao. Wakamtongea. ²¹ Na wekubnaho kapenaumu. mei wa sabato, Zumbe Yesu akengia mwesinagogi na kuwahinya. ²² Wakadunduwaa hinyo dakwe kwa via me akawahinya kama via mntu mwenye mamulamka na mkoyo kama wagondi. ²³ Ukati uouo nee kuna muntu mwe sinagogi dao ana npepo, atoa vuzo. ²⁴ Uku agombeka, Tina mbwai cha kugosoa na wewe, Zumbe Yesu wa wazarati, kweza? Kutidagamiza? Tamanye undani, wee ni mtakatifu ukedu wa Mungu. ²⁵ Zumbe Yesu akamkea npeop na kugombeka, Nyamaa na ulawa ndani yakwe. ²⁶ Na loho mchama akamgu sa, akalawa uku akema kwa santi nkuu. ²⁷ Wantu wose wakadunduwaa, wakauzana wenye kwa wenye, Ivi mavyo ni mbwai. Hinyo dihya denye mamlamka ? Hata kuamuru npepo wachama nao wamtii. ²⁸ Na mbui izi kuhusu yeye maa mwenga zikatangaa kia hantu mwe mzi wa Galilaya. ²⁹ Hamka baada ya kulawa mwe sinagogi, wakengia nyumbani mwa simon na, andwea uku wana Yakobo na Yohana. ³⁰ Sasa mkwewe da Simon ya kivyee, nee kagoma ana hom, wakamwamba Zumbe Yesu izi mbui. ³¹ Ivyo akeza, akamtoza mkono na kumwenua akahona na akawahusamia kama kawaida. ³² Dia guoni ukati Zua dengia kae wakamwetea kwakwe wada wose wekuao watamu au wenye wada wose wekuao watamu au wenye npepo. ³³ Mzi wose ekekonga hada he uvi. ³⁴ Akahonya wengi wekuao watamu wa ntamu mbai na kulavya npepo wangi, bila ya kummhusu kutamuiia, maana wammanya. ³⁵ Akenuka kiokio dia keo ukati kuke na kazi, akahauka akaonda he ukedu akaomba. ³⁶ Simon na wose ekuaomao wakamtongea. ³⁷ Wakampata na wakamwamba, kia muntu akuondeza. ³⁸ akawamba, Titeni hatuhu, hae kidogo mwe ida mizi yekuzungukayo, ui Nee viekavyo ncheza aha. ³⁹ Akaita kwembokea Galilaya uku abiikia mwe. masinagogi yao ma kukemua npepo. ⁴⁰ Mwenye ukoma Yumwe akeza kwakwe akamhembeeza, uku akika mavindi na kumwamba kana wakunda wadaha kunitenda kana wakunda wadaha kumitenda ming'ae. ⁴¹ Kamwonea mbazi Zumbe Yesu aka nyoosha mkono na kumdonta, akagombeka, Mataigwa uwe mtanda. ⁴² Hamka ukoma ukahoma. Ukamuawa nae akang'azwa. ⁴³ Zumbe Yesu akamuonya vikai na kumwamba akanye kuhauka. ⁴⁴ Akamwamba, Hakikisha nkutamwia mbui izi kwa muntu yoyose akinihita keonyese kwa kuhani na ulavye zabihu kwa ajili ya ushuhuda. ⁴⁵ Akini akaita ma kuvoka kumwambikia yumwe na kuemeza mbui zaidi hata Yesu mkekudaha vituhu kwengia mwe mizi kwa uhuru, ivyo akekaa hantu he ukedu na wantu wakeza kwakwe kuawakra hantu.