¹ Wana wa Islael wakagosoa ubanasi he meso ya zumbe, nee awagea mwe mikono ya midiani myaka mpungati. ² Midiani akawadaha Islael na kuwamesa mesa, Kwa sibabu ya midiani, wantu wa Islael wakagosoa makao wenye kulawa mwe miima na mabwawa, mapango, na ng'ombe. ³ Ikabinda ikawa kwa ukati wowose wekuhandaho mazao yao Waislaeli, Wamidiani na Waameleki na wantu kulawa mashaiki wakawahangania Waislaeli. ⁴ Wakadaha kugosoa jeshi dao uanga ya sii na kubananga mazao. Mpaka siya ya Gaza Nkawekubada nkande uko Islaeli, wala ngoto wala ng'ombe wala npunda. ⁵ Kila ukati wowo na mifugo yao na mahema wekwezaho weza enga bunga da sige na nkayekudanika kutaazia wantu au ngamia zao, wakaivamia sii ili waibanange. ⁶ Midiani ikawanyong'onyeza waisladi visiavyo mpaka wantu wa Islaeli wakamwetanga Zumbe. ⁷ Kwa ajii Midiani wantu wa Islaeli wakamwombeza Zumbe. ⁸ Zumbe akamtuma nabii mwa wana wa Islaeli. Nabii akawamba, Zumbe Muungu wa Islaeli, agombeka ivi, Nkimieta kula wa Misli; Nikakulavya chongoi ya nyumba ya utumwa,. ⁹ Nkawahanya kulawa mwe mikono ya Wamisli, na kulawa mwe mikono ya wose wekuawa wakakumesamesa Nikawaguusa mbele yenu, na nikawenka si yao. ¹⁰ Nikawamba, "Mie nee Zumbe, Muungu yenu, nkiwaamulu msekuivikia miungu ya Waamoli, ambao mwekaa mwe sii yao, mia nkamwekuitii sauti yangu." ¹¹ Basi malaika wa zumbe akeza kwekaa uko ofta si ya mwaloni, ukuao wa Yoshi (Mwabiyezeri), ukati Gidioni, mwana Yoashi, akapagua ngano mwe sakafu, mwengahu ya divai- kuifisa kulawa kwa midiani. ¹² Malaika Zumbe akamlawiia, akamwamba Zumbe yu hamwe nanywinywi. mtoanaji mwe nguvu! ¹³ Gideoni akamwamba, Oo Zumbe yangu, ikawa Zumbe yu hamwe naswiswi, kwa mbwa basi yose aya yatipata? Je? Je, yaku hi ugosozi wakwe wose mtana ambao tate zetu watambia, wekugombeka, 'Je! nki Zumbe mwetutihonya kulawaMisli? mia isasa Zumbe katibada na kutigea na mwe mikono ya Midiani.' ¹⁴ Akamkauwa Zumbe na kugombeka, "Hita mwe nguvu wenayotiyali. Uihonye Islaeli kulawa mkono wa Midiani, Je, mchekukutuma?" ¹⁵ Gideoni akamwamba, "Tafazai,' Zumbe, nadaha vivihi ni zaifu kwembeka mwa Manase, na mie nkio muhimu mwe nyumba ya tate yetu," ¹⁶ Zumbe akamwamba, "Nenda niwe hamwe na wewe, wendaudishinde jeshi dose da Midiani enga muntu yumwe," ¹⁷ Gideoni akamwamba, Ikuia kutamiwa ni mimi, basi unenke utangio kwamba wewe nee mgombeka namimi. ¹⁸ Tafazai, usekuhahauka hanu, mpaka nendaho neze kwako na kueta geeko dangu na kuiika mbele yako" Zumbe akagombeka, "Nendanigoje mpaka 'wendihouuye," ¹⁹ Gideoni akaita, akaanda mwana mbuzi, na efa mwenga ya unga akagosea mikate yesayo kugewa chachu, akaaika nyama iyo mwe ngatu, naakagea msozi mwe sufuia na kuvyegaa si ya mti wa mwaleni; akaviavya. ²⁰ Maika wa Muungu akamwamba, Doa nyama na mikate yesayo kugewa chachu, ukaike uanga ya mwamba unu, ukawetie msozi uanga yakwe, "Gideoni akagosoa iivyo. ²¹ Ikabinda Malaika wa Zumbe akatoza nncha ya ng'oda mwe mkono wakwe, akadonta kwa hiyo nyama na mikate yesayo chchu moto ukalawa chongoi ya mwamba, ukaiteketeza nyama na yesayo chachu, ikabinda malaika wa Zumbe akahauka, na Gideoni. Nkekudaha kumuona vituhu. ²² Gideoni akamanya kuwa yuda maika wa Zumbe, Gideoni akagombeka "Wee Zumbe MUUNGU! kwa ajii nkimuona Malaika wa Zumbe cheni kwa chenii. ²³ Zumbe akamwamba, Kwako kuwe npeho! nkuda kufa" ²⁴ Basi Gideoni akamzengea Zumbe hemvi ko uko. Akayetanga, 'Zumbe ni npeho," Hadi ivyeo bado mwe ofia ya jamaa ya Waabiezeri. ²⁵ Icho kio Zumbe akamwamba, "Ooa ng'omme wa Tati yako, na ng'ombe wa kaidi wa umli wa myaka mpungate, ukaiuse maza bahu ya Baali, ambaye ni ya tati yako , na kuisenga Ashela wehehi nayo. ²⁶ Zenga hemviko he Zumbe, Muungu yako hantu uanga ha kuguukia, na kuizenga sia sahihi. Toa ng'ombe wa kaidi enga kafaa da kuda dagamiza ukatumia nkuni kulawa mwe Ashela ukuisengayo.' ²⁷ Gideoni akadoa wandima wakwe kumi na kugosoa enga Zumbe ekumwambavyo. Ivyo ukati wa musi, akagosoa ivyo nakio, ²⁸ Keo ukati wantu wa mzi wekwendaho kwenuka, hemviko ha Baali Ibomwolwa na Ashela ikuwayo hehi nayo isengwa, na ng'ombe wa kaidi kalavigwa kafaa ya hemvika yekuzengwayo. ²⁹ Wantu wa mwe mzi wakambiana, Ni ndai mwekugosoa mbui inu? Wekuaho wakatamwiia na watuhu na kuonda majibu, wkagombeka. Gideoni mwanawe da Yoashi nee mwekugosoa mbui inu." ³⁰ Aho wantu wa mwe mzi wakamwamba Yoashi. "Mlavye mwanao ili afe, kwa Sibabu kaisenga Ashela yekuwayo hehi." ³¹ Yoashi akawamba wose wekuhiganae nae, "Je, nywie mwamhembeeza Baali? Je, mwenda mumhonye? Muntu yoyose mwe ndaamvunie, basi keo idi endaakomwe, Atiho Baali ni Muungu, basi endaevunie. Mwenye ukati muntu akabomoa hemviko hakwe" ³² Kwa ajii Misi Iyo wakamwetanga Gideon "Yerubaali, kwa sibabu kagombeka, "Baali evunie dhidi yakwe," Kwa sibabu Gidioni kabenda hemviko ha Baali. ³³ Basi wa midiani wose, Waameleki, na wantu wa mashaiki wakekonga hamwe, Wakakavuka Yoldani na wakepanga mwe koongo da Yezreeli. ³⁴ Mia Loho wa Zumbe akeza uanga ya Gideoni, Gideoni akataa gunda, akawetanga jamaa ya Abiezeri, ili wapate kumbaesa. ³⁵ Akawatuma Wajumbe wose mwa ma nase, na pia wowo, waketangwa chongoi kumtongea, akatuma wajumbe kwa Asheli, na zabuloni, na Naftali, Nee wenda kumhachiiza. ³⁶ Gideoni akamwamba Muungu, "Atiho wakunda kunitumia kuhonya Islaeli, enga ukugombekavyo, ³⁷ Kauwani, naika babu da samazi mwe sakafu. Atiho kuna mnyozu tu uango ya babu, na ni kauu duniani basi nendani manue kwamba wanitumia kuihonya Islaeli, enga ukugombekavyo." ³⁸ Ivi nee ikulawiavyo Gideonu akenuka mapema wakeo, akaifumbua babu na akauavya mnyozu mwe babu, wa kutosha kumemeeza bakui kwa mazi, ³⁹ Gideoni akamwamba Muungu, wesekumii fya, nigombeke vituhu kwa maa ntuhu, Tafazai niluhusu nigeeze vituhu kwa kuditumia babu ukati unu uigosoe nkavu na iwe na mnyozu uanga ya si yose kuzunguuka. ⁴⁰ Muungu akagosoa kia ekuombezacho icho kio babu dikawa dinya, na kukawa na mnyozu mwe si yose ikuzunguukayo.