¹ Paulo,no mukhwikwe wa Kilisitu Yes'u no mulhunda timoteo kwa mwanetu filimoni,mkampibwe mulhunda wethu nomulongi wa kasi amo nethu. ² no kwa Afia nkasibyala gyetu no kwa Arkipa sola mwinethu, no kwa kiwhilo kilya kya kuminkana mu nsese gyobe. ³ bunthu bhube kwenyu no amani likuima khui Kabesha Mp'ung'u no nfumwethu yes'u kilisitu. ⁴ Kyaba Kabesha Mp'ung'u nankhukhutela mu malombi gane. ⁵ Nanthegelela bhukamwe no imani lyolhinalyo munda gya nfumwethu yws'u no kibalo kya beetabhishe bonse. ⁶ Nanomba kwana bhumo bwa imani lyenyu bhube no kasi kage kibalo kya khumanya kila mwanda ghusoga ghuiko mubhukata bwethu munda gya kilisitu. ⁷ Mwanda gwa kwana,andi no ndoge no khuempuwa akibalo kya mithima gya balhumbulhuke babele mukhutukisibwa nogwe mwanetu. ⁸ Kwa nansino nino kbhukome bonse mu kilisitu,khukhua luusa gwe khulongya kilya kyolhibhunyong'hona no khulongya. ⁹ Lakini kibalo kya bhukampwe, no kisha onka nankhwisasa Nene,Paulo hushalhi mukote,no ano ni mukhwikwe akibalo kya kilisitu yes'u. ¹⁰ Na nkhwisasa kibalo kya Mwanane onesimo,wambyalile munda gya bifungo byane. ¹¹ Kibalo,tangu mubambo amukhuyenene,lakini ano wakhuyenena gwe no nene. ¹² Namutuma ge nansi wa muthima gwane asa-khuibhuilhila kobe. ¹³ No nene nkampilhilwe usigale amolo nane, kibalo kya kwana,hantumikile Apaali lyobekyaba kyandhi mu kifungo kibalo kya bhusauli. ¹⁴ Lakini,nsimukampwe khulongya mwanda gogonse bila lhuusa lobe, Nongile nansino kwana mwanda gogonse ghusoga ghulongeke akibalo nkhukonkomikile, kwa khuba hukampilwe gwemine khwililongia. ¹⁵ Maana akibalo humwimikhile kwa kyaba,kibele nansho kusudi hubenage. ¹⁶ Kibalo kya kwana,nakabibyonka mugya,kwana bibebisoga sana kwa mugya sawa mulhunda mukampibwe asa kwane,no zaidi sana kobe,mumubhilhi no mu Nfumwethu. ¹⁷ Nonansho kwana wantwalhila nene mukuminkani nobe,mutamhule sawa byoswele khu ntambhula nene. ¹⁸ Lakini nthi wakhukosela mwanda gogonse,Ao wamukenda kinthu kyokyonse, kenda kikyo kwandhi. Nene nsankhulipe.nsimwisambe kobe kwana, nankhukanda maisha gobe. ²⁰ Sawa mwanethu,leka mpate mulogo gwa nfumwethu kuima kolhi; sankhisha muthima gwane munda gya kilisitu. ²¹ Nene khutanwa no imani kibalo kya kikokesi kyobe,Nankwandhikhila nene khumanya kwana nsimulonge ata zaidi lya nansho byandhi mukhukhulomba. ²² Kyaba onka kikyo,lhumbhulhula kyumba kya bageni akibalo kyane,kibalo nankhujaghila khuithila malombi gobe, nsankhutambhile nansino kalhibhu. ²³ Epafra,mukhuikwe mwinane munda gya Yes'u Kilisitu wa kwimuna. ²⁴ No sawa byalhikhulongya Maluko,Dema,Luka,batumiki ba kasi amolo nane. ²⁵ Bhunthu bwa nfumwethu Yes'u kilisitu bhube amo no muthimagobe amina.