¹ Wacala futsi wafundzisa sicuku lesikhulu ngaseceleni kweLwandle,wagibela esikebheni lesasilapho wahlala phasi.Sonkhe sicuku bese sasiseceleni kweLwandle. ² Wabafundzisa tintfo letinengi ngemifanekiso,netifundziso takhe,watsi kubo. ³ 'Lalelani! Umlimi waphuma wayohlanyela. ⁴ Asahlanyela, lenye inhlanyelo yawela endleni,tefika tinyoni tayidla. ⁵ Lenye yawela elukhetseni, lapho kwakute umhlaba lowanele khona. Masinyane yamile ,kepha yangabi nemhlaba lowanele. ⁶ Kepha ngekwenyuka kwelilanga,letitfombo tabuna,toma ngoba betite timpandze. ⁷ Lenye yawela emanyeveni.Emanyeva akhula ayicindzela, yangatseli titselo. ⁸ Lenye yawela emhlabeni lononile yatsela titselo isakhula yachubeka yandza yafika ku 30,60 ngisho kuya ku 100. ⁹ Wase utsi kubo 'Loyo lonendlebe, akeve ¹⁰ Nakasasele yedvwa Jesu,labo bebaseceleni kwakhe nalaba labangu 12 bambuta ngalomfanekiso . ¹¹ Watsi kubo,'Nine ninikiwe imfihlakalo yembuso wezulu. Kepha labo labangaphandle konkhe ngumfanekiso, ¹² kepha nababuka, yebo bayabuka, tintfo bangatiboni, nabeva, yebo bayeva, bangaticondzi kepha batawugucuka Simakadze abacolele. ¹³ Watsi kubo,'niyawuvisisa yin lomfanekiso?Niyawuvisisa njani ke lemfanekiso? ¹⁴ Umlimi ulima livi. ¹⁵ Laba-ke ngulaba labasendleleni,lapho livi lihlanyelwa khona. Nabaliva, Sathane usheshe efike asuse livi lelihlanyelwe kubo. ¹⁶ Labake bangulenhlanyelo lehlanyelwe elukheseni;lebatsi nabeva lelivi basheshe balemukele ngentfokoto. ¹⁷ Kepha bete timphandze,baligcina sikhashana.Nakufika tinhlupheko noma kucindzeteleka, basheshe bawe ekukholweni. ¹⁸ Labanye bahlanyelwe emanyeveni. Bayaliva lelivi, ¹⁹ Kepha ngenca yekunaka tintfo temhlaba nekunjinga netikhanuko temhlaba kuyangena kuphikisane nelivi, bese libabete titselo. ²⁰ Labo labalinywe emhlabeni lononile ngulabo labeva lelivi, balamukele batsele titselo ngalokuphindziwe kanengi. ²¹ Jesu watsi kubo,'Uma uletsa sibane endlini usifaka ebhakedeni noma phasi kwembhedze? Utanaso usibeke etikwelitafula. ²² Ngoba kute lokufihlakele lokungeke kuvele, futsi kute lokuyimfihlo lokungeke kuphumele baleni. ²³ Lonendlebe,akeve!' ²⁴ Watsi kubo, "Lalelisisani kikonkhe leni kuvako, ngoba ngesilinganiso losisebentisile nakuwe kuto linganiswa ngaso futsi kakhulu kungetetelwe kuwe. ²⁵ Ngobe loyo loyobe anako, loyo utoniketwa kakhulu futsi loyo lotobe ete, naloko lanako kutotsatswa." ²⁶ Watsi futsi,'Umbuso waNkulunkulu ufananiswa nendvodza lehlanyela inhlanyelo emhlabatsini. ²⁷ Uyalala ebusuku, naka vuka emini lenhlanyelo iyachuma ikhule, noma angati kanjani. ²⁸ umhlaba uveta tihlavu ngekwawo; kucala emacembe,kuvele sbhuluja bese kuvela tinhlavu letivutsiwe. ²⁹ Nase kuvutfwe leso sivuno,utfumela bavuni ngoba sikhatsi sisuke sesifikile.' ³⁰ Waphindze watsi, singawulinganisa nani umbuso waNkulinkulu,noma ke ngumuphi umfanekiso longangawuchaza? ³¹ Ufananiswa neluhlavana loluncane,lolutsi naluhlanyelwe,lube luncane kunato tonke emhlabeni. ³² Kepha, lutsi nalukhula lube lukhulu kwendlula tonke engadzeni,lube nemagala lamakhulu,khona tinyoni telizulu takhele khona tidleke. ³³ Ngemifanekiso leminyenti lefana nale, wakhuluma livi kubo labatolivisisa, ³⁴ Tonkhe tinkhulumo takhe abesebentisa imifanekiso. Kepha watsi nakasayedvwa,wachazela bafundzi bakhe konkhe. ³⁵ Ngalelo langa,nakusondzela kuhlwa,watsi kubo,'Aseweleleni ngesheya.' ³⁶ Bahamba bashiya sicuku,bahamba na Jesu,nakase sikebheni. Bekunaletinye tikebhe tihamba naye. ³⁷ Kwaphakama siphepho lesimatima,emagagasi angena esikebheni,sagcwala emanti. ³⁸ Kepha Jesu naye abelapho ngemuva eskebheni,alele emcamelweni. Bamvusa,batsi, ' Mfundzisi awunandzaba yini kutsi siyafa?' ³⁹ Wavuka,wamisa sivunguvungu,watsi eLwandle, ' Peace!'Mani!' Sema sivunguvungu,kwaba nekuthula lokukhulu. ⁴⁰ Wase utsi kubo,'Nesabani? Solo nite kukholwa?' ⁴¹ Bafikelwa kwesaba lokhulu,batsi kulomunye,'Ngubani kani lona,ngoba nesivunguvungu siyamlalela?'