¹ Ngesikhatsi Jesu ati kutsi emaFarisi sebavile kutsi bekenta futsi abhabhatisa bafundzi labanyenti kuna Johane ² (noma Jesu lucobo lwakhe abengabhabhatisi, kepha bafundzi bakhe bebabhabhatisa), ³ wayishiya iJudiya wabuyela emuva futsi eGalile. ⁴ Kepha bekumcoka kuye kutsi ahambe ngase Samariya. ⁵ Ngako wefika edolobheni lase Samariya lelibitwa ngekutsi iSikhari, dvutane nelucetu lwendzawo lena Jakobhe wayinika indvodzana yakhe Josefa. ⁶ Umtfombo waJakobhe bewukhona. Jesu besekakhatsele kuloluhambo lwakhe wahlala ngakulomtfombo. Bekucishe kube lihora lesitfupha. ⁷ Umfati wemuSamariya weta kutowukha emanti, Jesu watsi kuye, ''Nginike emanti ngitonatsa.'' ⁸ Ngoba bafundzi bami basaye edolobheni kuyotsenga kudla. ⁹ Lomfati wemuSamariya watsi kuye, ''Kanjani kutsi wena , kuba ngumuJuda nibuta mine ngingumfati wemuSamariya, lutfo lekunatsa?'' Ngoba emaJuda ete kusebentsisana nemaSamariya. ¹⁰ Jesu waphendvula watsi kuye, ''Kube bowusati sipho saNkulunkulu, nekutsi ngubani lolosho loku kuwe, 'Nginike sinatfo,' ngabe ucele kuye, futsi ngabe ukunike emanti ekuphila.'' ¹¹ Lomfati watsi kuye, ''Mnumzane, ute libhakede futsi lomtfombo uyashona. Akuphi lamanti akho ekuphila? ¹² Awusimkhulu yini, umkhulu, kunababe wetfu Jakobhe, lowasinika umtfombo futsi sanatsa kuwo lucobo lwakhe, njengoba emadvodzana akhe nemfuyo yakhe?'' ¹³ Jesu waphendvula watsi kuye, ''Wonkhe lonatsa kulamanti lawa utophindze ome futsi, ¹⁴ kepha loyo lonatsa kulamanti lengitomnika wona ngeke aphindze ome. Esikhundleni, lamanti lengiyomnika wona ayawuba ngumtfombo wemanti kuye, agubhuta emphilweni yaphakadze.'' ¹⁵ Lomfati watsi kuye, ''mnumzane nginikete lamanti kute ngingano woma nekutsi ngingeti emtjojeni kutokha emanti.'' ¹⁶ Jesunwatsi kuye,'' hamba uyobita umuyeni wakho, ute naye lana.'' ¹⁷ Lomfati wamuphendvula watsi kuye .'' ngite umuyeni.'' Jesu wamuphendvula watsi, ucinisile uma utsi awunaye umuyeni,'' ¹⁸ Ngoba uke waba nebayeni labasihlanu, nyalo lonaye manje akasiye wakho. loku lokushilo kuliciniso. ¹⁹ Lomfati watsi kuye, ''mnumzane ngiyabona kutsi ungumphrofethi. ²⁰ Bobabe betfu bebakhonteli etintsabeni, kepha nitsi i-Jerusalem yindzawo lapho bantfu kumele bakhonte.'' ²¹ Jesu watsi kulomfati, ''Ngikholwe mfati kutsi liyeta lihora uma utodvumisa Babe noma ngabe kukulentsaba noma eJerusalema. ²² Udvumisa longakwati. Sidvumisa lesikwatiko, ngoba insindziso ivela kumaJuda. ²³ Nomake, lihora lita, futsi ke selifikile, uma bantfu labacotfo batodvumisa Babe ngeliciniso nangamoya, ngoba Babe ufuna bantfu labanjalo labatamdvumisa. ²⁴ Nkulunkulu ungu Moya, futsi bantfu labamdvumisako kufanele bamdvumise ngamoya nangeliciniso. ²⁵ Lomfati watsi ngiyati kuye, ''Ngiyati kutsi Mesiya uyeta. Uma eta utawusichazela konkhe.'' ²⁶ Jesu watsi kuye. ''Nginguye, lona lolokhuluma naye.'' ²⁷ Kuleso sikhatsi bafundzi bakhe babuya. Manje bebatibuta kutsi leni akhulume newesifazane, kepha kute lowasho, ''Ufuna ini?'' noma ''Ukhulumelani naye?'' ²⁸ Ngako lomfati washiya imbita yemanti, wabuyela emuva edolobheni, wafika watsi kulabantfu, ²⁹ ''Wotani, nitobona lomuntfu longitjele konkhe lengikwentile. Ngeke kube ngu Khrestu, kungenteka yini?'' ³⁰ Bashiya lidolobha base beta kuye. ³¹ Kulesikhatsi, bafundzi bakhe bebamncenga, batsi, '''Rabi, dlani.'' ³² Kepha watsi kubo, ''Nginako kudla lengikudlako nine leningati ngako.'' ³³ Ngako bafundzi bakhe bakhuluma kulomunye nakulomunye, ''Kute namunye lomletsele latokudla, bakhona yini?'' ³⁴ Jesu watsi kubo, ''Kudla kwami kwenta intsandvo yaloyo longitfumile futsi ngiwucedze umsebenti wakhe. ³⁵ Ungasho kutsi, 'Kunetinyanga letine futsi, bese kuta sivuno'? Ngitsi kini, bukani etulu nibone emasimu, ngoba alungele kuvunwa! ³⁶ Loyo lovunako wemukela liholo futsi abutsise titselo temphilo yaphakadze, khona loyo lohlanyelako futsi naloyo lovunako batfokote kanyekanye. ³⁷ Kulenkhulumo lena, kuliciniso kutsi, 'lomunye uyahlanyela lomunye avune'. ³⁸ Ngakutfuma kutsi uyovuna longakakusebenteli. Labanye basebentile, wena uvele wangena emsebentini wabo. ³⁹ Lamanyenti emaSamariya kulelo dolobha akholelwa kulombiko lowafakazelwa ngulomfati ngaJesu, ''Ungitjele konkhe lengikwentile.'' ⁴⁰ Ngako uma lamaSamariya eta kuye, bamucela kutsi ahlale nabo, wase uhlala emalanga lamabili. ⁴¹ Labanyenti futsi bakholwa ngenca yelivi lakhe. ⁴² Batsi kulomfati, ''Asisakholwa ngenca yalokushito, kepha kungenca yalesikuvile, futsi siyati kutsi impela lona ngumsindzisi walomhlaba.'' ⁴³ Emvakwemalanga lamabili, wabashiya waya eGalile. ⁴⁴ NaJesu lucobo lwakhe wamemetela kutsi umphrofethi ngeke aphatse eveni lakhe. ⁴⁵ Uma efika eGalile, bantfu base Galile bamemukela. Bebabone tonkhe letintfo latenta edzilini laseJerusalema, njengoba nabo bebayile kulelidzili. ⁴⁶ Nyalo weta eCana lase Galile, lapho wenta emanti liwayini. Bekunemuntfu lotsite wasebukhosini lebekanendvodzana lebeyigulela eKhepenawume. ⁴⁷ Uma eva kutsi Jesu ubuya eJudiya uya eGalile, waya kuJesu wacela kutsi ehlele phasi aphilise indvodzana yakhe, lebeseyitokufa. ⁴⁸ Jesu wabese utsi kubo, ''Ngaphandle kwekutsi ubone tibonakaliso netimangaliso, ngeke ukholwe.'' ⁴⁹ Lowasebukhosini watsi kuye, ''Mnumzane, wota indvodzana yami ingakafi.'' ⁵⁰ Jesu watsi kuye, '' Hamba. Indvodzana yakho iyaphila.'' Lendvodza yawakholwa lamavi lashiwo nguJesu kuye, wase uyahamba. ⁵¹ Ngesikhatsi asahamba aya entasi, tisebenti takhe tahlangana naye, tamtjela kutsi indvodzana yakhe iyaphila. ⁵² Ngako wababuta lelihora ngesikhatsi lacale ngaso kululama. Bamuphendvula, ''Itolo ngelihora lesikhombisa lomkhuhlane wamushiya.'' ⁵³ Lobabe wakhumbula kutsi bekungulelihora lakhuluma ngaloJesu, ''Indvodzana yakho iyaphila.'' Ngako yena cobo lwakhe natotonkhe tisebenti takhe takholwa. ⁵⁴ Lesi bekusibonakaliso sesibili Jesu lasenta uma aphuma eJudiya kuya eGalile.