1 Sawula abevumelani nabo kutsi bamubulale Stefano.Ngakoke lacala lilanga lekuhlushwa ebandleni endzaweni yase Jerusalema;bazalwane bebagcwele yonkhe lendzawo bacamuka esifundzeni saseJudiya kanye nase Samariya,ngaphandle kwebapositoli. 2 Lamanye emadvodza lakholwako amgcwaba Stefano abe amlilela. 3 Kepha Sawula wetama kulibhubhisa libandla.Aphuma angena indlu ngendlu,awahudvula emakholwa ,labadvuna kanye nalabasikati,abafaka ejele. 4 Lamakholwa lasakateka achubeka ashumayela livi. 5 Filuphu waya edolobheni laseSamariya ayoshumayela ngakhristu kubantfu bakhona. 6 7 8 Sicumbi sebanftu salalela nganhlitiyo yinye loko kwakukhulunywa nguFiliphi,base baboma imimangaliso labeyenta. Bomoya lababi baphuma kubanftu bakhala kakhulu ngemavi lamakhulu,labo lababefe tinhlangotsi nalabebachuta waphiliswa. Kwaba nekutfokota lokukhulu edolobheni. 9 10 Kulelo dolobha kwakunendvodza lekutsiwa nguSimoni,lobesekanesikhatsi lesidze amangalisa emaSamariya lebekatikhandza ngatsi ancono. 14 Onkhe emaSamariya etinhlobo tonkhe,babembukisisa kahle;batsi,''lendvodza lena inemandla ankulunkulu lamakhulu''. 11 Bamulalela ngobe abesabamangalise kakhulu ngemilingo yakhe layentile. 12 Kodwva kwatsi nasebakholwa inshumayelo yaFiliphu ngembuso wankulunkulu kanye neligama laJesu Khrestu,babhajatiswa,labadvuna kanye nalabasikati. 13 NaSimoni licobo lwakhe wakholwa,amvakwekubhajatiswa wahlala njalo naFiliphu ngaso sonkhe sikhatsi.Wamangala nakabona lemimangaliso labeyenta. 14 Bapositoli baseJerusalema beva kutsi Samariya sewemukele livi lankulunkulu,ngako batfumela boPhetro naJohane kubo. 15 Kwatsi nasebafikile bawathandazela emakholwa kutsi amukele moyo longcwele. 16 kwatsi emuva kwesikhatsi,Moya longcwele abesengakehli ngisho kumunye wabo;bebabhajatiswe egameni leNkhosi Jesu kuphela. 17 Ngako Phetro naJohane bababeka tandla base bamukela moya loyigcwele. 18 19 Ngako Simoni wabona kutsi bamemukele Moya longcwele emuva kwekutsi babekwe tandla,wabanika imali. Watsi,''nginikeni lamandla,nami,kuze kutsi loyo lengimubeka tandla atewumukela moya longcwele.'' 20 Kepha Phetro watsi kuye,''imali yakho ayiphele kuwe,ngobe ucabanga kutsi ungatsenga sipho sankulunkulungemali. 21 Awunasabelo nalifa kulomsebenti,ngobe inhlitiyo ayikalungi emehlweni aNkulunkulu. 22 Ngako ke phendvuka kulelichinga lakho,utsandaze eNkhosini,kutsi ikutsetsele ngekucabanga infto lembi kangaka. 23 Ngobe ngiyabona kutsi ungcwele umona kantsi usiboshwa sesono.'' 24 Simoni waphendvula watsi,''ngithandazeleni eNkhosini,khona tingatokwenteka tonkhe letonfto lenitsi titowenteka kimi.'' 25 Emvakwekufakaza nekushumayela livi lenkhosi,Phetro naJohane babuyela eJerusalema,bahamba bashumayela livangeli emitini leminyenti yase Samariya. 26 Ingilozi yeNkhosi yakhuluma kuFiliphu yatsi,''tilingiselele uhambe uye emgagcweni loya eJerusalema kuya eGaza.'' (kutsi lomgcwaco usehlane) 27 Wasukuma wahamba.Watsi asahamba wabona umTopiya ,umtsenwa asiphatsimandla saKhandase,Indlovukati yemaTopiya.Bekangumugcini timali teNdlovukati.Bekete eJerusalema kutowukhonta. 28 Wabuyela emuva wahlala encoleni yakhe yemahhashi,afundza ngemphrofethi Isaya. 29 Moya watsi kuFiliphu,''hamba uhlale eceleni kwakhe.'' 30 Ngako Philiphu wayagijima waya kuye kuye,wamuva atsi ufundza ngemphrofethi Isaya,wase utsi ''uyakucondza yini lolokufundzako?'' 31 Wase sewutsi,''ngingacondza njani,ngaphandle kwekutsi kube khona longiholako?''Wase ubita Filiphu kutsi ete ahlale eceleni kwakhe. 32 Lesicephu abesifundza lomTopiya besitsi,''wacuntjwa njengemvu iyohlantjwa,phindze njengemvu phambi kweba gundibayo wathula. 33 Ekuhlushweni kwakhe umtsetfo wamukwa.Ngubani longachaza kahle labafundzi?Ngobe imphefumulo wakhe watsaftwa emhlabeni. 34 Umtsenwa wabuta Filiphu watsi,''Ngiyakuncenga,ngitjele kutsi lomphrophethi abekhuluma ngani,yena locobo lwakhe,nobe ngalomunye?'' 35 Filiphu wakhuluma watsi lombhalo ukhuluma ngelivangeli laJesu kuye. 36 Batsi basachubeka ngeluhambo lwabo emgacweni,bakhandza emanti wase umtsenwa utsi,''buka,kunemanti lana.yini lengangivimba kutsi ngubhajatiswe?'' 37 Filiphu watsi.''nangabe utsemba ngenhlitiyo yakho yonkhe ungabhajatiswa.'' LomTopiya waphendvula watsi,''ngiyetsemba kutsi Jesu khristu yindvodzana yankulunkulu.'' 38 Ngako lomTopiya watjela incola yemahhashi kutsi ime.Bahamba baya emantini,boFiliphu kanye nemtsenwa ,wase Filiphu uyambabhatisa. 39 Nabaphuma kulamant,Moya longcwele watsatsa Filiphu wamuhambisa,lomtsenwa wabona Filuphu asanyamalele kepha wachubeka watfokota. 40 Kepha Filiphu avelela e Azotsasi wase uchubeka kuleso sifundza,ashumayela livi kuwo onkhe emadolobha wase wafika e Sizera