¹ Incwadzi lelengakubhalela yona,Thiyofelasi, yalandzisa ngako konkhe Jesu lacala kukwenta nekukufundzisa, ² kwaze kwaba lilanga lapho enyuswa khona, emvakwekuba anikete bafundzi labebakhetsile imilayeto ngaMoya Longcwele. ³ Emvakwekuhlushwa kwakhe, wativeta angulophilile kubo ngebufakazi lobunyenti lobuphocelelako. Emalanga langemashumi lamane wativeta kubo, wakhuluma kubo ngembuso waNkulunkulu. ⁴ Ngalesikhatsi ahlangana ndzawonye nabo, wabayala kutsi bangesuki eJerusalema, kodvwa bamele setsembiso saBabe,lasho ngaso watsi, "nivile ngami kutsi ⁵ ngempela Johane wabhabhatisa ngemanti,kodvwa kudze madvutane nitawubhajatiswa ngaMoya Longcwele." ⁶ ngesikhatsi sebahlangene kanyekanye bambuta batsi,"Nkhosi,sengiso lesikhatsi lotawubuyisela ngaso umbuso ku Israyeli? ⁷ Watsi kubo,"akusiko kwenu kwati tikhatsi letimiswe ngu Babe ngemagunya akhe. ⁸ Kodvwa nitawemukeliswa emandla Moya Longcwele makehlela kini,nitaba boFakazi bami eJerusalema nakulo lonkhe leJudiya, neleSamariya, nasemkhawulweni wemhlaba jikelele." ⁹ Ngesikhatsi Inkhosi Jesu seyicedzile kukhuluma tonkhe letintfo,basa buka etulu,wenyuswa embikwabo,lifu lamusitsa emehlweni abo . ¹⁰ Basebhekise emehlo abo ezuluwini asahamba,ngekuphatima kweliso,emadvodza lamabili labembhetse tembhatfo letimhlophe ema phambikwabo. ¹¹ Atsi,"madvodza aseGalile,nimeleni lapha nibuka ezulwini? Lo Jesu lona lenimubone enyuswelwa ezulwini asuswa kini, utawubuya njengalendlela lenimubone ahamba ngayo kuya ezulwini." ¹² Babese sebabuyela eJerusalema besuka enstabeni yemincumo ,ledvute neJerusalema,lengaba lilanga leliSabatha budze. ¹³ Batsi Nabefika , benyukela ekamelweni lelingenhla, lapho bebahlala khona. Bekubo Phetro, Johane,Jakobe,Endru,Filiphi,Tomase,Batholomewu,Matewu,Jakobe umsa waAliyfosu,Simiyoni umZelothi,na Judas umsa waJakobe. ¹⁴ Bebatinikele nemgomo munye wekukhuleka,kanye nebesifazane, kanye naMariya make waJesu, kanye nabanakabo. ¹⁵ Kulawo malanga Phetro wasukuma embikwebafowabo labekubantfu labebangema 120,watsi, ¹⁶ "Bomnaketfu bekuswelekile kutsi umbhalo ufezeke,loko lokwakhulunywa nguMoya Longcwele ngemlomo wa Davide, mayelana naJudas lobekaphekeletela labo lababopha Jesu. ¹⁷ ngobe angulomunye wetfu futsi wemukela incenye yalenkonzo." ¹⁸ (leyo ndvodza yatsenga sivandzi ngaleyo nzuzo layitfola ngesento sayo lesibi, ngenca yaloko wawa ngenhloko, umtimba wakhe wavuleka emkhatsini, ematfumbu akhe onkhe acitseka asabalala. ¹⁹ Bonkhe labahlala eJerusalema beva ngaloko, babese babita leso sivandzi ngeligama ngelulwimi labo batsi yi "Akeldama", lokusho kutsi , sivandzi sengati.") ²⁰ Ngoba loku kubhaliwe encwadzini yeTihlabelelo,'sivandzi sakhe asentiwe sibe yindzawo lengenamuntfu ; lomunye akatsatse indzawo yakhe yebuholi.' ²¹ Ngako ke, kuswelekile, kutsi yinye yalamadvodza beyisolo ihamba natsi sonkhe sikhatsi Inkhosi Jesu ingena iphuma emkhatsini wetfu, ²² kusukela eskhatsini sembhabatiso wa Johane kuyewufika esikhatsini lapho atsatfwa emkhatsini wetfu khona, abe ngufakazi kanye natsi ngekuvuka kwakhe kulabafile." ²³ Kwabekwa emadvodza lamabili embikwabo, Josefa lobekutsiwa ngu Basabasi, lobephindze kutsiwe ngu Justasi, na Matiyas. ²⁴ Bathandaza batsi, "wena,Nkhosi,wati tinhlitiyo tabo bonkhe bantfu, ngako ke yembhula kutsi kulamadvodza lamabili nguyiphi loyikhetsile ²⁵ kutsi itsatse indzawo kulenkonzo nebuPostoli leJudasi ayifulatsela waya endzaweni yakhe." ²⁶ Kwentiwa inkatho,yawela ku Matiyasi, wabalelwa kulabaPostoli labalishumi nakunye.