1 Pawula, Silasi na Thimothi iya ebandleni kubaseThesalonika kuNkulunkulu Babe ne Nkhosi Jesu Khristu. Umusa nekuthula akube kini. 2 Sahlale siletsa tibongo kuNkulunkulu ngani nonkhe njengoba singayekeli kunibala emithantazweni yetfu. 3 Sikhumbula ngemuva kwaNkulunkulu wetfu naBabe imsebenti yakho yekukholwa, nemisiphalato yelutsandvo, nekubambelela kwelitsemba eNkhosini yetfu Jesu Khristu. 4 Bazalwane lenitsandvwe nguNkulunkulu, siyati unikhetsile, 5 ngoba livangeli letfu leta kuwe hhayi evini kuphela, kepha futsi emandleni, nangaMoya Longcwele, nangesiciniseko lesikhulu. Ngendlela lefanako, futsi uyati kutsi sasiluhlobo luni lwemadvodza lebesingiwo emkhatsini wenu ngenca yenu. 6 Senibalingisi betfu nebeNkhosi, ngesikhatsi nemukela livi nanisenhluphekweni lenkhulu nenjabulo lebuya kuMoya Longcwele. 7 Ngemphumela, nibe sibonelo kubo bonkhe labakholwa eMasedoniya nase Akhaya. 8 Ngoba lelivi leNkhosi selikhale laphimisela lichamuka kuwe, futsi hhayi eMasedoniya naseAkhaya, kepha kukholwa kwenu kuNkulunkulu sekuhambe tonkhe tindzawo. Ngako ke asisadzingi kusho lutfo ngalo. 9 Ngoba nabo lucobo lwabo babikile mayelana natsi satfola kwemukeleka lokuhle kuwe, futsi nagucukela kanjani kuNkulunkulu etithicweni nikhonte Nkulunkulu weliciniso nalophilako, 10 futsi nimele indvodzana yakhe lechamuka ezulwini, loyo lowavuswa ekufeni-Jesu, losikhulula elulakeni lolutako.