¹ Kabili tulelabila ati shani Abalahama , umushyakulu wesu ukulinga na bu muntu , alisangile ? ² Kabili Abalahama ali ufikilemo mu nkito yakwe , ali nekya kuli totelamo , pano yaline kumenso aba Lesa . ³ Pano ifilembelwe filabila ati shani ? '' Abalahama ali sumine muli ba Lesa , kabili kyali labilwe kuli ye ati ubololoke .'' ⁴ Pano kuli ulya ubomba , infweto yakwe ta baipenda ati ubupe yowo , Pana kani iyo enkete . ⁵ Pano kuli ulya utabomba pano alitabile mu ulya ubingishya abashitabile muli ba Lesa , ulwitabilo lwakwe balalwita ati ubololoke . ⁶ Davida naye alilabile ati amashuko pali uyo muntu ba Lesa beba ukololoka ukwa kubula ukubomba . ⁷ Ali labile ati , '' ukushukwa kuli balya abalekelwa ububi bwabo , ne milandu yabo ya fimbwa . ⁸ Ukushukwa ku muntu utapendwa kububi .'' ⁹ Kabile uku ukushukwa balabila ku ba kopwelwe benka , nangu napali balya aba kubula ukukopolwa ? Pantu tulalabilati , '' Ulwitabilo lwa ba Abulahama lwa lichilwe ati ubololoke . '' ¹⁰ Kyalipendelwe shani kuliye kana nelyo akopwelwe nangu tanga kopolwa ? Tepakukopolwa yoo , pano nilyo tanga kopolwa ! ¹¹ Abulahama alipokele akeshibilo aka kukopolwa ati kishibilo kya bololoke ubo ubu akwete mu lwitabilo tanga kopolwe . Ati ekale niwishi wa bonse balya abasumine pano taba kopwele , pakuti betwe ati bololokela . ¹² Kabili balya benda mukisumino kya ba wishifwe ba Abulahamu ulu bali nabo nishi tabanga kopolwa . ¹³ Umulandu wa milaye kuli ba Abulahama naba mukikota ati bakekala aba kuswana ikyalo takwaishele ukupichila mumishilo pano ukupichila mu bololoke bwa lwitabilo . ¹⁴ Pakuti ati abo bonse abekala mumishilo bakaba niswani uluketekelo lukekala lwa lukoso , kabili lulekala lwalukoso , imilaye tabaikoka . ¹⁵ Imishilo ilaleta ulonaiko , pano apa tapali imishilo tapaba ukulenga imilandu . ¹⁶ Umulandu wakikyo ni mulwitabilo , emwingalenga imilaye ikale pa bupe pakuti bupewe ku kikota kya kwa Abulahama - kabili tekulibenka bo aba konka imishilo , pano nakuli abo abali muluketekelo lwa kwa Abulahama . Ewishi wafwebo bonse . ¹⁷ Ifyo fyenka kinembelwe , nami sonteni mwe ba wishi banikoka yonse . '' Abulahama ali mukyeni kya kwaulya aketekele , abo , eba Lesa , aba pela ubumi ku bafu kabili a leta ifintu ifi tafimoneka fyaisa kumoneka . ¹⁸ Mukuketekela ali litabile ukwakubula ukuketekela ,ati akekala wishi wa fyalo ifingi , ukulinganya nefya bamwebele , '' Ifyo ifikaba ikikota kyobe. '' ¹⁹ Ukwakubula ukunaka mu kiketekelo , ali mwene kwati umubili wakwe wamfwa ( umulandu ali ne mwanda umo wa mwaka ) , kabili na bungumba bwa kwa Sala . ²⁰ Pamulandu wa milaye yaba Lesa , Abulahamu tabwelele panuma mu lwitabilo , pano alikosele mu kiketekelo kabili kyalipele ubuleme kuli ba Lesa . ²¹ Kabili nokwishiba ati ifyo fyonse ifyalaile ba Lesa , ba kafikita . ²² Umulandu wa fifyo '' Balimwichile ati mwana wa ba Lesa '' ²³ Pano mu fyebo '' Fyalilabilwe kuli ye '' tafyalembelwe umulandu wakwe bushimwa yowo . ²⁴ Fyalilembelwe nakuli fwebo , kabili fya lilabilwe kuli fwebo a ba sumine muli ba Yesu ba kaapa Yesu ukufuma kubafwile . ²⁵ Uyu eo bafiswile pa milandu Yesu kabili alisangwilwe pakuti tubingishiwe .