¹ Lomba fwebo fwabakosele tulyelelwe ukupinta ubunake bwa nakile , kabili talipo kuli tubisha fwebene yowo . ² Lekeni ili onse muli fwebo asekeshe uyu apalamine nakwe pakuchi ifyo efiweme , mukumukusha peulu . ³ Pakuchi naba Kilishitu tabalisekeshe abene , lomba kyali kochi nififyo kilembelwe , '' Anatuka ababa abakumituka alaponena pali nebo . '' ⁴ Pakuchi fyonse filye fya lembelwe kunuma fyalilenbe pa fya kutu bulilisha ukwebachi ukupichila mukutekanya namuku koseshiwa kwa malenbo twengaba ne kusumininwa . ⁵ Lomba ba Lesa aba kutekanya neku koselesha benga mipela mwebo ukuba bano mu milangwe umone mukwabo kochi nimuli ba Kilishitu Yesu . ⁶ Benga kite fi munshila ya mulangwe umo mwenga lemya ku kanwa kano ba Lesa naba Tata aba ba Shikulu Yesu Kilishitu . ⁷ Fyopele fyo kamupokelela umo ne mubiyo , kochi nifyenka ba Kilishitu nabo bamipokelele mwebo , ku bulemye bwa ba Lesa . ⁸ Pakuchi Nemo nalabila achi ba Kilishitu bali pangilwe ababomfi ba kukopolwa ukwimakaninako bukine bwa ba Lesa ukwebati finge tabishiwa kumilaye ba pene ku ba Shikulu . ⁹ Naku ba Jentile ukulemya ba Lesa pa nkumbu shabo . Kochi fyenka kilenbelwe , '' Popele nkamipelo kutota kuli mwebo mukachi kaba Jentile ne kwimbe sha kutota kwi shina lyenu . '' ¹⁰ Nalibili kyalabilwa , '' Sekeleni , mwe ba Jentile , ne bantu bakwe .'' ¹¹ Nalibili , '' Toteni ba Shikulu , mwense mwe ba Jentile ; lekeni bonse abantu baba tote bo.'' ¹² Nalibili , Isaya kalabila , '' Umushashi wakwa Jese ukesa uyo uubusha kukutangilila pa ba Jentile ; muli ye aba Jentile basekuba ne kuketekela . '' ¹³ Lomba ba Lesa ba kuketekela benga misusha nekusekela konse ne mutende mukusumina , ukwebati mumakosa Mupashi wa mushilo mwebo mwebo mwenga kakwa muku ketekela . ¹⁴ Nemo nemwine nanemo nashininwa pali mwebo , mweba kwasu . Nashininwa nachi namwebo mwe bene kamwisulwa nebune , ukwisulwa ne mano onse . Nashininwa achi namwebo nomwe mwengali kulyeba umo ne mubiye . ¹⁵ Lomba nemo ngikunemba ifingi ifya bumubili kuli mwebo palwa fimo ifintu mu kumyanusha mwebo libili , pakuti pa fya bupe napelwe nemo kuli ba Lesa . ¹⁶ Ubu bupe bwali achi nangaba umubomfi waba Kilishitu Yesu ukutumwa kuba Jentile , mu kupana kochi wa kupapatila amashiwi aba Lesa , ukweba ati ukutubishiwa shaba Jentile shengaba sha kupokelelwa , ukutubishiwa ne Mupashi wa Mushilo . ¹⁷ Muli ba Kilishitu nji ne kulenga ukulitotelamo mumilimo sha ba Lesa . ¹⁸ Pakuchi ne nshikalabila po finbi yowo kaniso filya ba Kilishitu bafikilisha muli nemo mukukatalila kwaba Jentile . Ifi efintu fya kichikilwe ukupichila mwishiwi na mufikitwa , ¹⁹ mumakosa afyakubwenako nefya kukankamana , ne makosa a Mupashi . Ifi fyali achi ukufuma ku Jelusaleme , ne kushinguluka kochi butali bwa ku ililikuma , nemo nenga fikilisha ukupinta amashiwi aba Kilishitu . ²⁰ Muli iyi nshila , ukufwaisha kwangi kwa kubulishe kyebo , lomba talipo nikuko babeshibile ba Kilishitu peshina , ukweba chi nemo nengasompa pa mufula wa muntu umbi . ²¹ Kili kochi ifi kilembelwe : '' Kuli babo ukutakulipo ishiwi lyabo iseni mwakuba bona . '' Nabaabo aba tabaumfwile ba kumfwisha . '' ²² Popele nebo nalibikilwe impindi iitali ukubulo ukwisa kuli mwebo yowo . ²³ Lomba pano , nshilo ne mpunsha iili yonse muli uno mushi , kabili nali kufwaisha pa myake shingi ukwisa kuli mwebo . ²⁴ Ndi kuketekela uku mibona mwebo ili nkalikupita mulya pakuli kuya ku Sipeni , ne ku kwashiwa kuli mwebo palwendo wangi kulya nalimo naumfwa bwino ukuba kwangi namwebo pa pinji . ²⁵ Pakuchi ndukuya ku Jelusalema , ukubombela abantu ba mushilo ababa Lesa . ²⁶ Pakuchi kyali weme nekutubila abena Makedonya ne bena Akaya ukapana po fimo ifya kusonka ku ba kalilwe mukachi kabantu ba mushilo ababa Lesa abali mu Jelusalema . ²⁷ Ee ,kyali ba wamine bo neku fwaisha , kabili kabakongwesha kulibo . Pakuchi kani aba Jentile bali kwabana mufya ku Mupashi fyabo , bakonkwesha kuba Jentile muku fikilisha kulibo nefintu fyabo ifya kumaboko . ²⁸ Popele , ilina fikilishe umulimo nashinka ikikisepo kulibo . Nkaya ku sipeni nekumi pempula mwebo munshila . ²⁹ Naishiba sti ili nkesa kuli mwebo nkesa mu kwisulwa kwa mapalo aba Kilishitu . ³⁰ Pano namibulilisha mwebo , mweba kwasu , muli ba Shikulu besu ba Yesu Kilishitu , namu kutemwa kwa Mupashi , achi ka tulilwisha bonse naneno mu matembelo kuli ba Lesa pali nebo . ³¹ Tembeleni ukweba ati nenga kakululwa kuli baabo abata ba katalila mu Juda , ati bali ku bombela mu Jelusalema benga ba pokelela ku bantu baba Lesa aba mushilo . ³² Tembele ukwebati nengesa kuli mwebo mukusekela ukupichila mukufwaya kwa ba Lesa , ne kwebati ne ngaba na mwebo , kusango kutusha . ³³ Ba Lesa abaweme aba mutende babe namwe bonse . Amena .