¹ Namipapachileni penka , mwe bakwasu munkumbu shaba Lesa , mupele imibili shenu ikyabupe ikyumi ikishilile ikya kupokelelwa kuli ba Lesa uku ekupyungakwenu ukucingile . ² Mweba kwati bamulikino kyalo lomba mwaluluke abakusangulwa mumano . Kiteniki mukwishiba ikiweme ikyakupokelelwa , ne kuba abakishinka ku ba Lesa . ³ Kwenka kunkumbu isha napelwe ndelabila kuli mwebo mwense mukati kenu : Mwelukulilangukila mwebene ukukila pafyo muli , panolomba , kamulukulanguluka . Ifyo Kilingile fyenka bamipine ikipimo , ikyakulanguluka ku muntu ku muntu ikiketekela abo Lesa amipela . ⁴ Fyenka fyo tu kwete ifiputulwa ifya mubili umo , lomba tali fyonse ifiputulwa fili mumusango umo . ⁵ Mwenka munshila imo , fye tulya abengi tuli mumubili umo mu Kilishitu , sombi pakwika umo umo tuli filewa fyamibili ifyana fyankashi ⁶ Tuli ne fyabupe ifipusene ukulin'ana mukumbu atupela umbi nga aliuwa kushimika , lekeni abombe ukulin'ana ne kyabupe kyakwe ikyo ikyaluketekelo . ⁷ Nga uuli ne kyabupe ikya kupyunga , mulekeni apyunge . Umbi uline kyabupe ikyakusombilisho , mulekeni asambishe . ⁸ Umbi nga aline kyabupe ikyo kulitundaika , mulekeni a tundaike . Umbi nga ali nekyabupe kya kupela , muleke apele ne muchima umo . Umbi nga aline kyabupe kutangilila , mulekeni atangilile nemunkosha , umbi naye nga aline kyabupe ikyakulangisha inkumbu mulekeni akite nkumbu ne kusangalala . ⁹ Lekeni ubutemwe mubule ukufutuka lekeni ifibipile ikachisheni ikiweme . ¹⁰ Ukulin'ana ne butemwe ubwo ba kwa besu , mwikatane umone munkwe . Kulinana ne buleme kamulikinjika umo ne mubyakwe . ¹¹ Ifya munkonsha tekufilwa , apalingi ulupata mube ne muchima uwalupata mukupyungila ba Shikulu . Babombeleni . ¹² Kamulukusangalala mukuketekela , kamutekanya mukokosa mube abakishinka mumapepo . ¹³ Kamuli kwabana ifya kukukalilwa fya bantu , abamushilo ababa Lesa fwayeni inshila ishingi iyakulangishi shamo ukutemwa . ¹⁴ Bapaleni balya abamikyusha ; Bapaleni tekwesha ukubafinga . ¹⁵ Sangalaleni naba lya abalikusangalala : lileni nababo abalelila . ¹⁶ Mube ne langulushi limo kuli umo na umo . Mweba ne malangulushi aya kulitumtumika lomba sumineni abantu abali munshi , mwelukuba abamano mumolungulushi yenu mwebene . ¹⁷ Tekwesha ukushinkana ikibi kukibi kamulukukita ifintu ifiweme kumenso abantu bonse . ¹⁸ Nga kyasuminishiwa , ukukichikwa kulin'ana ne makosa eyenu , mwikale umutende na bonse . ¹⁹ Mwelikushinkanya mwe bene na bene , mwebatemwe lomba paneni nshila kufyabukali fyaba Lesa . Pakuchi kililembelwe . ''' Ukushinkanya imilandu kwangi ; nemo ene nkabalambula , ' ba Shikulu balabila . ²⁰ Kani '' umulwani wenu ali nsala . Mulisheni kani ye ali ne kilaka , mupeleni ifya kunwa . pantu pakuti tefi wakita kwachi wabika umulilo pa mutwe wakwe . '' ²¹ Tekuchi mukimfishiwe mububi yowo , koni lukoso mukinfye ububi ne fiweme .