¹ Paulo , umubomfi waba Yesu Kilishitu , Kaitwa uku ba uwa kutumwa ne ku patulula ikyebo ikyaba Lesa, ² Ikyo iki alayile limo akale kuba kushimika bakwe mufilembo fya mushilo , ³ ifya pa mwana waba umwalalume uyo uwali kukota kya kwe Dafiti kochi ni ku munefu . ⁴ Ukupichila Mumupashi wa kushila uyo walabilwe namakosa ukubomwo mwalalume uwa ba Lesa kuku kushiwa ukufuma muba fwile , ba Yesu Kilishitu Shikulu wesu . ⁵ Ukupichila mulibo twa pokelele nkumbu nebu tumishi bwa ku katalila kwa kusumina mwachi ka fyalo fyonse , pakuchi kufwaya kwe shina lyakwe . ⁶ Mukachi ka fifi fyalo , namwebo kamwitwa ukuba aba muli Yesu Kilishitu . ⁷ Kuli bonse mu Loma abo abakutemwa ba Lesa nekwitwa babo abantu ba mushilo : inkumbu kuli mwebo ne mutende wakufuma kuli ba Lesa ba wishifwe naba Shikulu Yesu Kilishitu . ⁸ Ukutanga , natota ba Lesa wangi uku pichila muli ba Yesu Kilishitu pali mwebo bonse , pakuchi ukuketekela kwenu kwatulishiwa uku pulaila ikyalo kyonse . ⁹ Pakuchi ba Lesa emboni yangi , aba abambela Mumupashi wangi mu fyebo fya mwana wabo umwalalume , uyu natwalilile ukupango kulabilapo kuli mwebo . ¹⁰ Impinji shonse ndepu nkesekekoso ukufikilisha so mukufwa kwa bene ba Lesa mukwisa kuli mwebo . ¹¹ Pakuchi na fwaisha ukubona mwebo , achi nenga mipela ifya bupe fya mupashi , mumusango wa kumi koseshamomwe . ¹² Efifyo , nafwaya achi mwangalikosesha mukachi kenu , ukupichila mukuketekela kwa mubyobe , ukwenu ne kwangi . ¹³ Pano nshilukufwa mwebo ukuba abakubulo kwishiba , mweba kwasu , filya lyonse nalabile ukwisa kuli mwebo ( Lomba kaba nkanga ne buli luno) , ukweba ati mwenga bapo nafimo ifisepo muli ,webo na mwe , fyenka nanebo nali nafyo muli babo bonse aba Jentile . ¹⁴ Nji ne kikoloto bonse ku ba Giliki naku ba mufyalo , bonse kuba kalango nakuba puneme. ¹⁵ Pakuchi , kani ninemo , nali teyanya ukutulishe kyebo nakuli mwebo mwe muli mu Loma . ¹⁶ Pakuchi nshikyumfwa lapo insoni kyebo , pakuchi makosa aba Lesa twila kuba Yuda na kuba Giliki . ¹⁷ Pakuchi mukachi kafyo ubulungami bwa ba Lesa baku bwenesha ukufuma kukusumina na kuku ssumina , kochi fyenka kya lembelwe , '' Abalungami bakekalila mukuketekela .'' ¹⁸ Pakuchi ubukali bwa ba Lesa babu bwenesha ukufuma mwiulu pali bonse aba kubula ba Lesa neba kubulo bulungami pa bantu abo ukupichila mukubolo ubulungami bala kwata kunuma ya kine . ¹⁹ Ifi fili pakuchi ati ifyo ifi tafishibanikilwe pali ba Lesa fyaboneka kulibo . Pakuchi ba Lesa ba fifisulula kulibo . ²⁰ Pakuchi umusango wakubulo ku boneka kwabo , ukwinikwa amakosa abo aa kulu panga kwa kyalo , fyali mimwe mu fintu kuleukila . ²¹ Ifi fili pakuchi , Nanga ba belishibile pali ba Lesa , tabalikuba lemya kochi ni ba Lesa , yowo , neli kubapelo kutota . Lomba , kababa abapuneme mu milangwe shabo , namumichima shakubula akalango shabo shali fichishiwa . ²² Bali kulita ukuba aba kalango , lomba kabesa kuba abapuneme . ²³ Kaba likingya ubuleme ubo tabonaka ubwa ba Lesa mufya kupalakanya kwa kilungi kya muntu uyo uwonaika , kutuni , ne fima ifya mipopoine nefintu ifikalaba panshi . ²⁴ Pakuchi ba Lesa kababapana ku fya kufwaya fya moichima kufya bubipisho , pachi imibili shabo bakashikama mulibo abene . ²⁵ Niba abo abalikingisha bukine bwa ba Lesa ku bufi , nababo abalikupupa neku bombela ifilengwa imyaka shonse . Amena. ²⁶ Pakuchi pali fifi , ba Lesa kababapela bo kufya kukutefya nsoni , pakuchi abana kashi babo balikingishe ukukila mufya kine ifya buntu kuli fifyo ifitafilipo fya buntu . ²⁷ Munshila imo , abalalume nabo kabasha inshilashabo ishakulishibi mo ne banakashi ne kwalukila shabo isha bunya umo ne nemubiye . Ababali balalume alikukite fya nsoni ne balalume ne kuli pokelela abene mukachi babo ubupingushi ububalingile mukuluba fyabo . ²⁸ Pakuchitaba suminishiwe ukuba naba Lesa mu kwishiba kwabo , kuli bo ukukite filye fintu ifita fyelelwe . ²⁹ Kabesulwa nekubulokulungama , ubunake , ukutoboka ne bukengeshi . Kebesuliwa ne fyakumichima ukwipayana , ubufutu , ukutoboka ukulya lukilomo ne michima sha bulwani . Batuntepentepe , ³⁰ Abalwefyo , abakupata ba Lesa , abamampulu , aba kulitota , neba nshila shakukichilamo ifibipile ; abakubula kumfwila abafyashi babo . ³¹ Aba kubula kalango , abakubulo kuketekela , aba michima ishi bipile , nekubule nkumbu . ³² Balomfwa ififwaya ba Lesa , ati balya abo abakita filya fintu balyelelwe mfwa . Lomba tali lukoso nibaba abakita ififi fintu , nabo kula suminisha aba kwabo ababakichila bo .