¹ Ba Yawe bali labile kuli Mose. ukwebati, ² ''Labila kubantu mu Isilaeli no kusenda inkonto ukufuma muli bena imo imo ukufuma kufikolwa fya mioka ikumi na shibili ishankonto. Ukalembe umubonfi ne shina lyakwe. ³ Ufwile ukalembe ishina Aloni pa nkonto yakwe Levi. pafwile paba inkonto imo imo kila ntangishi ukufuma kufikolwe ifya mitundu shabo. ⁴ Ufwile ukatwale inkonto mwi tente iye bungano kuntangile ya kipanana, kyamushilo emo na kumanine ne webo. ⁵ Kikamoneka kwati inkonto ys ulys umwalalume eo nasalile ukalikusapuka. Iki kikalengelo ukupwisha ukulilishañanya ku bantu ba mu Isilaeli, efyo bakolilishanya kuli webo. ⁶ Eli Mose alabile kabana ba Isilaeli. shonse intangishi ishamikoka shalimupele amakonto, imo inkonto ukufuma kuntangishi ukuusalwa ukufuma kufikolwa fyamikoka shonse, ikumi na tubili isha nkonto muli bonse. Inkonto yakwa Aloni nayo yali penka. ⁷ Kabili Mose alitwele inkonto shakwe kuntangile yaba Yawe mwitente lyakulayana amafunde aekalikilwe. ⁸ Ubushiku ubwakonkelepo Mose alile mwi tente lya mafunde aekalikilwe, kabili moneni, inkonto yakwa Aloni uwamumukoka wabene Levi yalisapukile. Ne fipangwa fya amonde fyalikulile nekutobaubuluba ubupile! ⁹ Mose alishifumishemo inkonto nekushilila kumenso aba Yawe kubana bamu Isilaeli, kabili umwalalume uli onse alisendelepo inkonto yakwe. ¹⁰ Ba Yawe balilabile kuli Mose, ''bika inkonto yakwa Aloni kuntanshi lye funde lyakuloyana lama kabe keshibilo, lama kabe keshibilo kakushitwa kubantu abasaluka kwebati baleke ukulilishanya pali nemo, nangu ba kafwa. ¹¹ Mose alikitile kwali efyo bakwe bamukambishe. ¹² Ababa ba Isilaeli balilabile kuli Mose ukwebati, ''Tukafwila penka pano. Bonse tukonaika! ¹³ Onse uukesa mukwimakana, nokupa kuli ba Yawe kwitempele, akafwa bonse bakonaika?''