¹ Kyali bonekele pesabata limo, ili aile muñanda yakwa umo uwa muntungulushi sha ba Falisi mukulya shinkwa, palya bali kumu kebesesha ye kipi kipi. ² Penka, kuntanshi yakwe kwali umuntu uwali ku penshiwa kuli kifimbo. ³ Ba Yesu kabepusha abo abaishibishe ifya mishilo sha baYuda ne ba Falisi, '' Kili mushilo uku tendulusha pe sabata, ini Yoane?'' ⁴ Lomba balikele kelele. Penka ba Yesu kabamukwata ye, kabamutendulusha, nekumutuma ukuya. ⁵ Kabalabila kulinbo,'' Nani muli mwebo uli ne mwana mwalalume nangu ingombe ya po nena mumukalo pabushiku bwe sabata uya takamu nakalemo penkapo ye?'' ⁶ Tabamupelepo ilyasuko kuli fifi fintu. ⁷ Ili ba Yesu babwene abo bonse abo batewile kaba salapo amatebe abuleme, kalabila kishimpi, kalabila pali mwebo, ⁸ ''Ili ba miteula ku muntu umo muku lya ku bwinga, mwekekala panshi mu mpunsha ya buleme, pakuchi umbi naye kuchi bali mutewile ukindeme pali mwebo. ⁹ Ili ulyo muntu uwa mitewile bonse bobilo pakufika, akalabila kuli mwebo, mupeni uyu umbi umuntu impunsha yenu, kabili na munsoni muka twalilila mukutole mpunshe isulilwe ¹⁰ Lomba kani kaba miteula, kamuya ne kwikala pa mpunsha ya kusula, pakuchi ili akesa umwine uyo uwa mitewile aisa, engalabila kuli mwe,' kakwasu, koya palya peulu apene.' Penka baka milemya kumenso abantu abo bonse abakali kuli petebulu na mwe. ¹¹ Pakuchi uyo onse uulilemyo umwine baka mupufya, nauyo uulipufya bakamulemya. '' ¹² Ba Yesu kabalabila kabili kuli uyo muntu uwa batewile,'' Ili mwapele ikyakulya kya kasuba nangaba kingulo, tekwesho kuteula babyobe nangaba ba kwanu nangaba balongo bobe nangabe fikala nkulo ifinoshi, pakuchi nabo benga kuteula mukukubweshesha, ne kuku lipululula. ¹³ Lomba kani wapele kyakulya kya mulalilo, wingateula uupengele, ababulebene filema ne mpofu, ¹⁴ kabili mukashukishiwa, pakuchi tekuchi baku lipupulule webo. Lomba mukalipululwa muku buka kwa fyenka. ¹⁵ Lomba umo muli babo aikele kwitebulu na Yesu pakumfwe ifi fintu, kalabila kuli kuli ye, ''Alishikilwe uyo uukalya shinkwa mubufumu bwa ba Lesa!'' ¹⁶ Lomba ba Yesu kabalabila kuli ye, ''Umuntu umo ali teyenye ikyakulya kya kungulo ikikulu ne kuteula abengi. ¹⁷ Impindi ya kulya, katuma umubomfi wakwe mukulabila kuli balya batewile, 'iseni, pakuchi ifintu fyonse bateyamya.' ¹⁸ ''Bonse mushila imo katachiko kuli fitulukila. Uwa kutatwilako kalabila kuliye,' Nashite bala, kabili nji elelwe ukuyako mukulibona nasasa nga bangitabishe, ' ¹⁹ ''Naumbi kalabila, 'Nashita ingo sha fikochikala sisanu, pano koya kushesha po, mwane mungitabishe nemo,' ²⁰ ''Naumbi umuntu kalabila, Naupo umukashi, lomba tekuchi ngise.' ²¹ ''Umubomfi kaisa nekubula kapa yakwe fintu fyonse. Penka umwine wa ñanda ka buko bukali nekulabila ku mubomfi wakwe,' fuma koya bwangu mutushila na mumikwaka sha mumishi ne kuleta muno abapengele, ababulebe, impofu ne filema.' ²² Umubomfi kalabila, '' kapa, ifi mwaki nkambisha fyakichika, kabili kukili mpindi.' ²³ ''Kapa yakwe kalabila kumubomfi, koya mumisebo ishikulu namumpelo ne kuba konkakaya besa muno, ukwebachi iñanda yangi ingesula. ²⁴ Pakuchi nalabila kuli webo, Tapalipo pali abo abantu abatewilwe ba ku tompa pa fyakulya fyangi.'' ²⁵ Pakuchi amabumba akulu alikuya nakwe, nekwaluluka nekulabila kulibo, ²⁶ ''Kani umo aisa kuli nemo kabili nekuupata ba wishi, banyina, abakashi, abakwabo ne nkashi, kabili nangaba mweo wakwe umwine, ta angaba po umusambile wangi. ²⁷ Uyo onse utenga pinte mutaniko wakwe umwine ne kwisa ku nkonka tangaba po musambile wangi. ²⁸ Pakuchi nani muli mwebo enga sompa ikitala ukwakubula tange kaikala panshi nekubelenga mutengo wakwishiba kani ali nwfilukufwaikwa uku kipwisha? ²⁹ Munshila, ili a alo mufula kabili tekuchi apwishe yowo, Bonse abo aba kali kukibo na bakatatula ukumu punika ye. ³⁰ Nekulabila,' uyu muntu katatulo kusompa lomba tapwishishe.' ³¹ Nengu ninsa mfumu, kani yaya mukukumana ne ibyakwe mu nkondo, iyi taikala taye panshi nekupoka amalangulushi kani enga kimfya ne bantu ifitota ikumi limo ukulwa ne mfumu imbi ikoisa kuli ye ne bantu ifitota amakumi obilo? ³² Kani te fifyo, ili bambi aba shilika bakili ukutali, engatamako abakuya mukwipusha inshila benga tulilamo umutende. ³³ Lomba pakuchi, uyo onse muli mwebo uyo uyu ta lekako fyonse ifyuma fyakwe ta engabapo musambile wangi. ³⁴ Umukele uweme, lomba kani umukele aluso kutobala, Mba ninani enga bango kubo uutobele libili? ³⁵ Pakuchi waba uwalukoso kumaloba nangu niku mulumba wa mufundo. Uyo uli ne matwi akumfwa mulekeni ye pmfwe. ''