¹ ''Mwileka imitima yenu ikantashiwa. Mwebo muketekela muli Lesa, muketekele namuli nemo. ² Muñanda yaba Tata muli apakwikala apengi. Nga takili fyo, nga namubuleni, nemo ndukumubuleni mwebo, pakuti nemo ndukuya mukumipekanishisheni umupunda mwebo. ³ Nemo nganaya kabili mukubapekanishisheni umupunda mwebo, nemo ndinekubwela libili kabili mukumupokeni mwebo kuli nemo nemwine, pakweba ati ukondi nemo na mwebo eko mukekala. ⁴ Mwebo mulishibile ishila uko kalukuli nemo nekuya.'' ⁵ Tomasi kalabila kuli ba Yesu, ''Shikulu, fwebo tatwishibile uko mwebo mulukuya, kuti twaishiba shani ishila?'' ⁶ Ba Yesu kabalabila kuli bo, ''Nemo nine shila, ne bukine, ne kabili ne mweo;takulipo umo uwisa kuli baTata ukwakubula ukupichila muli nemo. ⁷ Nga mwebo mwangishiba nemo, mwebo muli ne kuba ne kubeshiba baTata fyopelefyo. Ukufuma lweka luno mwebo mukabeshiba bena kabili mukaba ne kumona nemo.'' ⁸ Filipo kalabila kuli ba Yesu, ''Shikulu, tutangisheni ukuli bawishinwe, kabili pakwebati kilitwelelwe na fwebo.'' ⁹ Ba Yesu kabalabila kuli bo, ''Nemo nali napamo na mwebo papindi itali kabili mwebo mukili tamungangisheba nemo, Filipo? Uyo onse umona nemo amona na baTata. Nga na mwebo mwalabila shani, 'Tubuleni fwebo bawishinwe'? ¹⁰ Kanshi mwebo tumuli nekuketekela mukwebati nemo ndimuli baTata kabili na baTata muli nemo? Penka mashiwi na nemo kolabila kuli mwebo nemo tekuti ndalabile ukufuma kuli nemo ne mwine musambushangi, pakuti baTata balekala muli nemo ne kubomba abene imilimo. ¹¹ Ketekeleni nemo pakuti nemo ndimuli baTata, kabili baTata nabo muli nemo, nangu nifimbi ifyaku ketekela pakwebati pa milimo yabo abene. ¹² Kine, Kine, ndukulabila kuli mwebo ati, uyo uli ne kuketekela muli nemo ali nekukita imilimo kwati nemo kita, kabili uyo ulu kukita iweme milimo pakuti pali fifi pakwebati nemo ndukuya kuli baTata. ¹³ Ikyo kyonse mwebo mukepusha mwiishina lyangi, nemo kuli kukita pakwebati baTata bakindikilwe muli ye umwana. ¹⁴ Inga mwebo mwaipusha nemo ikyo kyonse mwishina lyangi, nemo kalukukita. ¹⁵ Inga mwebo mwatemwa nemo, mwebo ukulu kulama amafunde angi. ¹⁶ Kabili nemo kali kulomba kuli aTata, kabili nemo bakabapeleni mwebo naumbi umwkofwako mukwebati ena akali kuli na mwebo lyonse - ¹⁷ ne mupashi uwakishika. Penka ikyalo kani kyakana ukubapokelela bena nangu kubeshiba bena. Pakuti mwebo tamwishibile nemo, pakuti mwebo tamwishipo nemo, penka ena uli muli mwebo kabili akalukwikala muli mwebo. ¹⁸ Nemo shakamusheni ubwana bwashiwa; Nemo nkesa mukubwela kuli mwebo. ¹⁹ Penka nainini yashalako ishita kabili ne kyalo takili nekumbona nemo, pakuti mwebo muli ne kumbona nemo. Pakwebati nemo ndi nemweo, nemwebo mulukwikala nemweo. ²⁰ Akasuba ko mwebo mukalu kwishiba ati nemo ndi muli baTata, kabili ne mwebo mukalu kuli muli nemo, kabili na nemo kalu kuli muli mwebo. ²¹ Ena uyo ukuba mumafunde angi ne kualama pamo akali kuli umo uyo katemwa nemo, kabili ena uyo katemwa nemo akali kuba nekubatemwa na baTata, kabili nemo kaluku mutemwa ena kabili nemo kalu kuli mwenesha nemo ne mwine kuli ye.'' ²² Lomba Juda (uyo umbi utaali ni Isikaliote) kalabila kuli ba Yesu, ''Shikulu, mbanindo kyabela ifyo mwebo tamulu kuli mwnesha mwebo mwebene kuli fwebo kabili takuli kuba ku kyalo?'' ²³ Ba Yesu kabasuka kabili nokulabila kuli ye, ''nga pali umo utemenwe nemo, ena akali kulama ikyebo kyangi. Batata bakalu ku mutemwa ye, kabili nafwebo tukesa kuli ye kabili fwebo tukali kwibaka umupunda wesu pamo na ye. ²⁴ Sombi uyo utatemenwe nemo nekulukubula ukulama ikyebo kyangi. Penka ikyebo ikyo mwebo mufwatakili kyakufuma kuli nemo sombi kilafuma kuli baTata abo abayumine nemo. ²⁵ Nemo nali nekulabila ifi fintu kuli mwebo, mukwebati nemo kalukulipamo na mwebo. ²⁶ Uyo onse, akabapalamina - Umupashi Uswetelele, uyo baTata bali nekutuma mwishina lyangi - uyo akalu kusambisha mwebo ifyo fyonse pakuti nemo kalabila kuli mwebo. ²⁷ Nemo ndikubashileni mwebo umutende; Nemo ndukubapeleni mwebo umutende. Nemo tekutikite ukupela ifyo bakita abapano pa kyalo kyapashi bapela. Tekuti muleke imitima yenu ibe nemwenso. ²⁸ Mwebo mwalyufwele akwabati nemo kalabila kuli mwebo, 'Nemo ukundukuya, kabili Nemo kabwela kuli mwebo,' nga mwebo muli temenwe nemo, mwebo nga muli ne kusangalala pakwebati nemo ndukuya kuli baTata, pakuti baTata bakilile nemo ubukulu. ²⁹ Pano nemo namubuleni mwebo ilyo tafingakitwa, penka nga fyakitwa, mwebo mukaba nokuketekela. ³⁰ Nemo tekuti kabe nekulabila sana pali mwebo, pakuti imfumu isho isha pakyalo kyapashi ilu nokwisa. Taikwete-po amakosa pali nemo, ³¹ pano mukwebati abapa kyalo kyapashi tabakabe nokwishiba ati nemo ndi batemenweni na baTata, Nemo ndkita ifyo baTata bakambisha nemo. Lekeni fwebo twimepo ne kuya ukufumapo pano.''