¹ Pakutanga lukoso epo lyali ishiwi, ne shiwi lyali na ba Lesa, kabili ne shiwi lyopele eba Lesa. ² Ili lyopele lyalipo apkutanga naba Lesa. ³ Ifintu fyonse fyalilengelwe ukupitila muli ye, kabili apakubula ye tapalengelwe ne kimo. ⁴ Muli lyo emwali umweo, na uyo mweo walukwikala kutuba ukwa kubantu. ⁵ Ukutuba uko kulatubila mumfishi, nayeyo mfishi tayakomekele. ⁶ Kwali umuntu uyo uwatuminwe naba Lesa, Ishina lyakwe ni Yoane. ⁷ Alishile kuti ne nimboni mu kushimika palwa kutuba ko, ukweba ati bonse bakaketekele muli ye. ⁸ Yoane tali kuteba, lomba ye alishile ukwebati abantu abengi bakashimike pauako ukutuba. ⁹ Ukutuba ukwakine uko ukupela ukutuba kubantu bonse, kwalu kwisa mu kyalo. ¹⁰ Bali mu kyalo, ne kyalo kyalilengelwe kuli bo, ne kyalo takyabeshipo bo. ¹¹ Balishile ku bantu babo, ne bantu babo tababapekelele po. ¹² Sombi fyense fweba bapokelele, abaketekele mwishina lya bo, balipelwe amakosa akuba bana ba baLesa. ¹³ Aba tabafyelwe ku milopa, neli kukufwafwayo kwaku munofu, neli kukufwayo ukwa bantunshi, lomba nikulu ba Lesa. ¹⁴ Nalyo ishiwi lyalibele munofu kulukwikele pakuti kesu, twabo na ubuleme bwabo, ubuleme ubupalene koti bwauyo utulile kukakuli ba wishi, iliswile ne nkumbu na bukine. ¹⁵ Yoane ali shimikile ifya pali ye ne kulabilisha, ukulabila ati, ulukwisa panuma pangi alikilile nebo, pakuti ewatangileko elo nshinga nena.'' ¹⁶ Na muku fikulisha kwakwe fwebo bonse tapokelelamwe mkumbu ne nkumbu. ¹⁷ Pakuti ifunde lyapelwe ukupitila muli Mose. Inkumbu na bukine fyalishile ukupitila muli ba Yesu Kilishitu. ¹⁸ Tapalipo neli umo ubwenepo ba Lesa; ba Lesa benka, Abo abekele kulubali ukwishibanikwa. ¹⁹ Uku ekushimika kwakwe Yoane ili aba Juda batumine kuli ye aba papatilishi ne bena Lefai ukufuma ku Yelusalemimukumwipusha ati, niwe nani?'' ²⁰ Penka alifisulwile- takene koku, Sombi alifisulwele ati- ''nebo nshili ba Kilishiu.'' ²¹ Nabo bali mwipwishe ati, ''Niwenani lomba? Kani niwe Elaij ''Alilabile naye ati, Nshili ninebo.''Bali labile ati, ''Mboli wakushimika?'' Naye ne kwasuka ati, ''Tau.'' ²² Penka bali labile kuli ye ati, mbefyo lomba niwe nani, pakweba ati tukababule abo aba tutumine? Mba nifindo ulukulabila pali wemwine?'' ²³ Ali labile ati,'' nebo ndi shiwi, Ili kobikishiwa mu mpanga: 'Ati lunjikeni inshila yaba Shikulu, 'kuti nifyopele ifilabile uwakushimika Yisaya. ²⁴ Lomba bambi ukufuma mu ba Falisi balitumilwe, ²⁵ Nabo bali mwipwishe ne kulabila kuli ye ati, ''Mba nindo ulukubatishala kani tali Kilishitu neli Elaija neli niuyo uwakushimika?'' ²⁶ Yoane aliba swike, ne kulabila ati, ''ne ndukubatisha kumenda. Sombi pakuti pali mwebo palimakene umbi uyo tamwishipo mwebo. ²⁷ Ni uyo ulukwisa panuma yangi ne bo, ulushinga lwapa nkwabila yabo nshelulwe nebo ukulukakulula. ²⁸ Ifi fintu fyalikitikilwe ku Betania peshilya lya Jodeni, uko Yoane alukubatisha. ²⁹ Akasuba akakonkelepo Yoane ali bwene ba Yesu kabilikwisa kuli ye ne kulabila ati, boneni, umwana wambelele uwa ba Lesa opele eupinta ne ku fumyapo ukubifya ukwa mukyalo kya panshi. ³⁰ Aba ebo aba nalukulabila ati, abo abalukwisa panuma pangi abankilile nebo, pakuti bo bali tangilile ne kale.' ³¹ Nanebo nshamwishibile po, pakuti kyali ni fyefyo ukwebati ba kafisuluke ku ba Isilaeli pakuti nalishile mukubatisha kumenda.'' ³² Yoane ka shimika, ne kulabila ati, ''naliubwene umupashi ulukuseluka koti ni kiba ukufuma kwiulu, nekwikala pali ye. ³³ Nanebo nshamwishibile-po yo, Sombi abantumine nebo ukubatisha kumenda bali mbulile ati, 'opele uyo ukabona ukamuselukila umupashi ne kwikala pali ye, opele ewakubatisha kumupashi uswetelele. ³⁴ Lomba nali bwene nebo ne kushimika ati uyu mwana wa ba Lesa.'' ³⁵ Kabili, akasuba akakonkelepo, eli Yoane alimakane ne basambile bakwe bambi babili, ³⁶ Penka bali bwene ba Yesu bali kuoita, na Yoane alilabile ati, ''Boneni, mwana wa mbelele uwa ba Lesa!'' ³⁷ Lomba abasambile bakwe bobilo bali mumfwile kalukulabila ifi lomba ne kuba lomba ba Yesu. ³⁸ Penka ba Yesu balishokolokele ne kubona balukubalonda ne kulabila kuli bo ati, ''mbanifindo mulukufwaya?'' nabo bali basukile ati, mwe ba Labi;'' (Ilyakwalula ati ba sambishi), ''mulekala kuli pi?'' ³⁹ Nabo balilabile balibo ati, ''Iseni ne kubona.'' Penka balile nekubona apo balukwikala; balikele nebo ako kasuba, pakuti impindi yali iyalengele ikumi. ⁴⁰ Umo pali babo bobilo uyo uwamfwile ili Yoane alukulabila kabili ne kubalonda ba Yesu ali ni Andeleya, umukwabo Simoni Petilo. ⁴¹ Alitangile ukumusanga umukwabo Simoni ne kulabila kuli ye ati, Twababona ba Masaya'' (Ilyakwaluka ati niba: Kilishitu) ⁴² Ali mutwite kuli ba Yesu, na ba Yesu bali mutonto mekele ne kulabila ati,'' Webo niwebo Simoni umwana wakwa Jona. Ukalukwitwa niwe Kefasi'' (Ilyakwaluka ati ni Petilo). ⁴³ Akasuba akakonkelepo, Ilyo ba Yesu balukufwaya ukwima ne kuya ku Ngalili, Lomba bali musangile Filipo ne kulabila kuli ye ati,'' Undonde nebo.'' ⁴⁴ Lomba Filipo alukutula ku Besaida, kumushi kwabo Andaleya na Petilo. ⁴⁵ Filipo ali musangile Natanyeli ne kulabila ku ye, ''abo abalembulwe kuli Mose ifyakuli bo mu mafunde, ne ba kushimika, twaba sanga: Ba Yesu abana bakwe Josefi, uwa ku Nasaleti. ⁴⁶ Naye Natanyeli alilabile kuliye ati, ''koti mu Nasaleti mwinga fuma mo ikintu ikiweme?'' Filipo alilabile kuli ye ati, Isa ubone.'' ⁴⁷ Ba Yesu bali mu bwene Natanyali kalukwisa kuli bo ne kulabila pali ye ati, ''boneni, ulya umu Isilaeli umwine nene, utaakwetepo ukutumpaika!'' ⁴⁸ Natanyali alilabile kuli bo ati, ''mba mwangishiba shani? ''Eli tabanga kwita kuli Filipo webo, Ilyo wali munshi ya kichi kya mukuyu, nalikubwene.'' ⁴⁹ Natanyali ali baswike ati, ''mwe ba Labi, muli bana ba ba Lesa! Muli mfumu ya ba Isilaeli!'' ⁵⁰ Ba Yesu bali mwasukile ne kulabila kuli webo ati, ''Ni kuti na kilabila kuli webo ati, 'Nali kubwene webo munshi ya kichi kya mukuyu, ekyo wa ketekela? ukabona ifikulu ukukila napali fifi.'' ⁵¹ Nakabili ali labile ati, ikine kine, Ndukuumyebeni nati mukabona ukwisuka mwiulu, ne nkalamba isha ba Lesa shilukwiminina ne kuseukila pa mwana wa muntunshi.