¹ Paulo mupyungishi waba Kilishitu Yesu ukupichila mukufwaya kwaba Lesa, kabili na Timoti umukwasu. ² Ku bashililwe ba Lesa nebakwesu muli ba Kilishitu aba abali ku Kolose. Ubupe bube muli mwebo, kabili umutend ifuma kuli ba Lesa bawishifwe, nafimbi ifikulu ifyakubakulu abangiliki ifilembelwe, ifyakulundapo, kabili nakuli baShikulu Yesu Kilishitu. ³ Twapela ukutota kuli ba Lesa. Bawishibo na ba Kilishitu Yesu, kabili tulaba abakuli tembelele niko inshiku shonse mwebo. ⁴ Twaumfwa ukuketekela kwenu, muliba Kilishitu Yesu kabili nebutemwe ubo mulibo ku abashilile ba Lesa bonse. ⁵ Muli na kuku temwa pa mulandu wakiketekelo ikimisungilwe mwiulu. Kabili mwalyumfwile napalikikyo ikiketekelo ekye shiwi lyakine, ikye shiwi lyaba Lesa. ⁶ Ilyo ilyaishile kuli mwebo, ilishiwi nililyo ililukupanga ifisepo, kabili lilukutwalilila ukukula pa kyalo kyonse. Kabili namuliwebo, lilukukita fyenkefyo ukutatika lukoso ubushiku mwaumfwile nekufunda pamulandu wankumbu sha ba Lesa muli bukine. ⁷ Aya emashiwi mwasambilile kuli epafila umutemwikwa wesu mupyungishi umukwa benu; uyo uli uwakine muli ba Kilishitu uwakutwi makaninako, nafimbi ifilema ne mukiniliki ifyo ifyalembe nekubelengwe kulubali lwabo. ⁸ Epafila atulengela ukwisa ubutemwe bwenu mumupashi. ⁹ Pakuti, pamulandu wabubu butemwe ukutatika pa bushiku twaumfwile ifi tatulekelepo ukumitembeleleni, tulelomba ati mwisule ne milangwe yakufwaya kwakwe, mumano akwe onse ne amupashi wakumfwile. ¹⁰ Pa kwebati mulakwenda mumano abaShikulu aamusangalasha munshila shonse: mukupanga ifisepo mumipyungile iiweme ne kukula kwamu mano aba Lesa. ¹¹ Mukuba abakoseshiwe ne makosa onse, ukolingana na maka akwe, mukwebati, koti mwakwata ishuko ne kutekanya, nekusangalala. ¹² Peleni ukutota kuli ba wishifwe, abo aba milengesheni ukuba ne luabli mubwikashi bwa bantu baba Lesa mukutuba. ¹³ Ali tupuswishe mu kunyanchililwa kwa finshi nekutute ntulwila kubufumu bwa mwana wakwe uyu atemenwe, ¹⁴ nimuliye emo twamwena ukukakululwa ne kulekelwa kwa bubi bwesu. ¹⁵ Ye kimpashanya kya ba Lesa aba tababoneka, ibeli, pafilengelwe fyonse lifya pa kyalo. ¹⁶ pakuti muliye ifintu fyonse emo fyapanshilwe, fya mwiulu ne fya pano pa kyalo kya panshi ifi tafiboneka, nekuboneka fyonse nangaba ni mubufumu nangu nimukunyanchililwa neli mubuteko neli musambu ifintu fyonse fyalilengelwe ukupichila muli ye, kabili fyakwe. ¹⁷ ye umwine ali mufintu fyonse kabili eukwete ifintu fyonse ¹⁸ Penka emutwi wamubili, ekelesha, ekitendekesho, ebeli ilitenshi ilya muli babo abafwile, ye ali nenkende iitanshi mufintu fyonse. ¹⁹ Ba Lesa bali sangalele umulandu wakwebati bunkimpashanya bwakwe bwikwlilile muli ye. ²⁰ Kali namukupwangana ukupichila mu mwana wabo mufintu fyonse muliye, ba Lesa bali pangile umutende ukupichila mumulipo wapa mutaliko, ba Lesa bali pwanañgene nefintu fyonse abene, nangaba infintu fyonse ifya panshi nangu infintu ifya mwiulu. ²¹ Impindi imo, mwebo mwali abeni kuli ba Lesa, kabili mwali aba babo mumilanguluko na mumibelo iibipile. ²² Pano bukumo mwabweshiwa kulibo numfwa yamubili wabo, bali kichilefi pa kwebati mwebo mube abashilile, abakubula umulandu, kabili aba kine mulibo. ²³ Kabili kani mwatwalilila ukuba mukuketekela ukwisaba nikilwe ne kukosa ne kubula ukweshiwa mukuketekela kweshiwi mwaumfwile. Ili lishiwi ilya bilishiwe ku muntu onse uwapangilwe pano pa kyalo kya panshi. Aya mashiwi aweme aali kwachi ninemo, Paulo, nalyalukile mupyungishi. ²⁴ Pano nji usangalele pamulandu wa kumimanamieni mwebo. Kabili kino ndekyumfwa nakumubili ikyo ikikukabilwa ikyakukatashiwa kya ba Kilishitu pamulandu wamubili wabo, uyo uuli likelesha, ²⁵ Ili lili likelesha ili mbelelepo mupyungishi wabo, ukulingana ne bulamishi ukufuma kuli ba Lesa ubo ubwa pelwe kuli neba pa mulandu wenu. Mukufikilisha ishiwi lyaba Lesa. ²⁶ Iki kya nkintu ikyofisamikilwe ikya kumyaka yakuntashi. pano bukumo fyafisuluka kuba shilile abana baba Lesa, ²⁷ nikulu bo abo ba Lesa bafwile ukwishiba ubunonshi bwabuleme ukupichila mukifyashi kya bangeyila. Ikyo ikili ne ba Kilishitu muli mwebo, mukuketela kwa buleme bwa ba Lesa. ²⁸ Tuluku tulisha paliye nekukengesha abantu bonse, nekubasambilisha bonse nemano onse, kumwebati tulete abantu bonse bakulile muli ba Kilishitu. ²⁹ Napali fyefyo ndukupyunga nekulukulwa koti kufwaya kwabo ukulukukitika kumakosa ayo alukupyunga muli nemo mumakosa.