¹ Paulo naye kaisa ku Dabe naku Lisifilya,Kabili Penka , umo uyo uwali musambi uwe shina Timoti ali kwenka , umwana wa mwanakashi umu Juda uwali ne kuketekela , lomba wishi ali mu Giliki. ² Abakulu bakwe kabalabila bwino pali ye uwali ku Litiliya na Ikoniam. ³ Paulo alikufwaya ukwenda nakwe , panka ali mupinchile ne kumukopola pamulandu waba Yuda abali muli shilye punsha , pakuchi bonse balishibile ati ulishi ali mu Giliki . ⁴ Ili bali kuya kupitana mu mishi , bali kupita mu mishi ili baba pela ama funde aba kutumwa mu Jelusalema bo ati bako konka . ⁵ Popele kabakosesha ne mishi , bali matenpele muku ketekela pa bushiku . ⁶ Paulo ne babiye kaba pulaila mu kyalo kya Piligya na Galatiya , pakuti kababa kanya ku Mupashi wa Mushilo ukubila ikyebo muli ilye mpunsha ya Ezia . ⁷ Ili baishile kubwipi na Maisia , kaba fwaya ukuya mu Bifinia , lomba umupashi wa kwa Yesu kaabakanya bo. ⁸ Penka ili balikupita ku Maisia , kaba kunkuluka ku mushi wa Tuloasi . ⁹ Ikibonwa kakiboneka kuli Paulo ubushiku : umwalalume waku Makedonya alimakene kulya , kamu sashila nekulabila , '' Isa kuno mu makedonya ne kutu kwasha . '' ¹⁰ Ili Paulo abwene ikibonwa , penkapo twali langulukile ukuya ku Makedonya , ukufikilisha ifi ba Lesa batwichile ukubila ikyebo kulibo. ¹¹ Pa kupekanya ulwendo lwakufumaku Toloas , kayu panga ukutanama kwa Samotolase , na pabushiku bwa konkelepo katwisa ku Neapolisi. ¹² Ukufuma kulya katuya ku Filipi , uyo uuli mushi wa Makedonya , umushi uwalemenepo mukyalo kya Loma , kabili katwikala muli uyu mushi inshiku ishingi . ¹³ Pa bushiku bwa Sabbata katuya pesonde lya fiibi ku nika , uko ytwalangulukile ati kwengaba impunsha ya matenbelo. katwikala panshi ne kulabila ne banakashi abo abaishile pamo. ¹⁴ Umo umwanakashi weshina Lidiya , uwali kushitisha ingubo ishikashikile ukufuma mumushi wa Tiyatila , uwalikutota ba Lesa , kuchikeni kuli fwebo . Ba Shikulu kabashinkula umuchima wakwe nekuposako amano ku fyo alikulabila Paulo . ¹⁵ Ili ye ne ba munganda yakwe ba ibishiwe ; katupapatila , kalabila , '' Kani mwa mpingwila ukuba uwakishinka kuli Shikulu , iseni mwikale mu nganda yangi .'' Kabili alitu kakachishe . ¹⁶ Kyalishile ukuba achi , ili twali kuya ku mpunsha ya matembelo , umo umusha ymwanakashi uwali ne mupashi wabu nganga kaisa kuli fwe bo .Ali kumuletela kapayakwe ifingi iya kumwe namo muli nganga . ¹⁷ Uyu umwanakashi alimukonkela panuma Paulo na fwebo ne kubilika , kalabila , '' Aba balalume aba bomfi bakwa Lesa wa Peulu . Bakolabila kuli mwebo inshita ya ku pulukilamo.'' ¹⁸ Ali kukite fi inshiku inshingi . Lomba Paulo , kali nebukali ubwakuchi pali ye , kaaluluka ne kulabila kumupashi , '' Nakufunda webo mwi shina lya kwa Yesu Kilishitu ukufumamo muli ye .'' kabili kakifumamo pa mpinji imo. ¹⁹ Ili kapa yakwe abwene ati inkinko ya mwa kubwena amaboni kyashila , kababakwata ba Paulo na Silasa ne kubatwala pa mpunsha ya maliketi pa meso aba sololweshi. ²⁰ Ili ba batwele ku mitonyi , kabalabila , '' Aba abalalume bako katasha umushi wesu . Ba Yuda . ²¹ Bali kusambilisha amafunde ayo tayali mu mafunde aba Loma uku etuba ne ku akonka .'' ²² Penka ibumba kali bemina bonse ba Paulo na Silasa ; Abasololweshi kaba taba wila ifyakufwala ne kuba funda bo ati babapame ifikote . ²³ Ili babatulile amakofi akuti ubwingi pali bena , bali baposele mwikoli , kabili kaba mweba ne wa kusope koli ako basopa ukwakuti . ²⁴ Panuma ya kupoka analamo , uwakulame koli kaabaposa mukachi kachi ke koli kaababakakile amolu abo mu manjongolo. ²⁵ I koti ni pakati ka bushiku Paulo na Sailas bali ku tembela ne kwimba inyimbo kuli ba Lesa , nabambi abafungwa bali kukuchika kulibo. ²⁶ Penkapo kakuba ikitulika ikyakuchi, popele ne mufula wa kifungo kausunkana ; kabili penkapo ifiibi fyo kafishinkuka , kabili ne makoli abo bonse kaakakuluka . ²⁷ Uwakulame abafungwa kaabuka ukufuma mu tulo ne kumona ifibi fya kifungo kafishinkukile ; katola ne kiswi kyakwe achi akali paye umwine , pakuchi kalanguluka ati abafungwa ba butuka . ²⁸ Lomba Paulo ka paata ne shiwi ilikulu , kalabila , '' Weli somesha wenka , pakuti bonse tuli kuno.'' ²⁹ Uwakulama abafungwa kaita aba kuleta nyale nekupulaila mukachi , kalikututuma ku mwenso , kapona panshi kuli Paulo na Sailasi , ³⁰ kaba leta pesonde ne kulabila mwebalalume , nindo nekakita pakuchi ne nga puluka ?'' ³¹ Kabalabila , '' Sumina muli ba Shikulu Yesu , kabili waku puluka , webo neba mungando yobe.'' ³² Bali labili amashiwi aba Lesa kuliye , pamo na uuyo onse uwali munganda yakwe . ³³ Penka uwakula abafungwa kaba twala pa mpinji yenka ilya iya ubushiku , nekuba samfye ifilonda fyabo, kabili na baabo mukachi ka nganda yakwe kababebisha penkapo. ³⁴ Fyenka kabaleta ba Paulo na Sailasi peulu mukachi ka nganda yakwe ne kuba teyanishisha ifyakulya kulibo, ka sekela ukwakuchina baabo abali munganda , ati ena a sumina muli Lesa . ³⁵ Panoo ili bwakiile , imitoni kabatume shiwi ku wakusunga kifungo , nekulabila , '' Balekeni abo abalalume bakoya .'' ³⁶ Uwakulama aba fungwa ka leta amashiwi kuli Paulo , kalabila , '' Imitoni shatuma ishiwi kuli nebo ukumilekako mukoya . Popele fumeni pesonde ne kuya mu mutende .'' ³⁷ Lomba Paulo kalabila ,''Bali tupumine pa mbilibili ukwakubula ukutweseka , nangu twengaba aba Loma abantu - Lomba kabatuposa mwikolo . Bakofwaya ukutu tanfisha kukabeya ? Yowo ! Balekeni bese abene nekutu fumya fwebo pesoonde .'' ³⁸ Abakulama ikifungo kabatwala amshiwi kumitoni , napa kumfwa ati , baali ne mwenso . ³⁹ Ba mitoni kabesa ne ku fitulukilwa kuli bo ne kuba leta pesonde , kababe beba ukuya ukufuma mumushi . ⁴⁰ Penka Paulo na Sailasi kaba fuma mu kifungo ne kwisa ku nganda yakwa Lidiya . Ili Paulo na Sailasi ba mwene abakwabo , kaba bakoselesha bo neku fumamo mu mushi.